الفوج الثاني..............

[stayfiya]

فريوله المخلوقه راهي مريضه بزاااف ادعيولها بالشفا باش يستجيب رب العالمين و رغم مرضها خدمت المهمه تاعها نقولها يعطيك الصحه و العافيه يا ختي و حبيبتي

[fatma1977]

على سلامتك يا السطايفية وين راكى أنا والله من اول وهلة عرفت هذاك هو نتاعك يا السطايفية بالصح االيوم رانى مالقيتشالوقت باش نكنكتى فى العشية غير نطل طلان ونخرج وليدى نتاع المتوسط شيوختو مضربين حكملى الميكرو هكة خير من الشارع ومشاكلو إملا ذرك قتلو هيا بعدنى نهدر شوية قبل ما يروحو البنات يرقدو ان شاء الله راكم ما رحتوش

[rosa sd]

اي حشمت .....مانيش تلميذة شاطرة ههههه,
بلاك كي شدتي ابرة وخيط ههههه وقريب قلتلك مشي صح هذا المودال تاع فريولة حتى شفت المخدة الحمرا وراء سمسومة,
بصح مازالني دايرة في بالي بلي هذاك تاعك حتى نعرف هوية صاحبة البوبو

[stayfiya]

اهلا فطووم انا كنت مريضه شوي و هاني نضت نورمال والحمد لله علابالك انا كنت حاطه روحي خارج المسابقه و فقدت الامل هههههه ايا ياخي الاخ عمر قلبو حنيين هههه وليت نكسرلكم روسكم ماقتليش عجبك شويا والله الوقت ماكفاش و قتلك خيطت زوج في عشوه فريدة فيها شريت الحرج و فيها خيطت وكلش

[rosa sd]

ربي يشافي فريولة ان شاء الله ويعافيها ,يعني خربطت بين تاعك وتاع فريولة’ماعليش المهم حاولت ههه

[fatma1977]

ربى يجيبلك الشفاء يا فريولة وانتى يا روزا واش احوالك مع البوليرو الاخ عمر لذرك با بانش حابة يسهرنا كيما الايامات نتاع الباك كى نبدو نستنو فى النتيجة من موبيليس ربى يجيبها فى الصواب

[stayfiya]

المشاركة الأصلية كتبت بواسطة rosa sd

ربي يشافي فريولة ان شاء الله ويعافيها ,يعني خربطت بين تاعك وتاع فريولة’ماعليش المهم حاولت ههه

ههههه و ميييش تاع فريوله ثاني ههههههههه

[fatma1977]

بالشفاء عليك يا السطايفية والله غير شبا ب خاصة نتاعك وهذاك الاخرانى والله كى قلت لراجلى بالى راهو الريدو حولوه روبة قالى يزينا باين ما يجيش مليح بالصح كى شاف اعمالكم قالى والله غير جاو ملاح يعطيكم الصحة

[stayfiya]

لبنات انا نتكسل نرقد على روحي و غدوه الفجر ان شاء الله ندخل نصبح عليكم سلااام

[fatma1977]

تصبحو على خير الظاهر الاخ عمر وقيلا راح يرقد راهو فات عليه اسبوع متعب مع الاختبارات والتصحيحات ل3 افواج

[لميس حواء]

هذا وين لحقت يبالي البنات كامل رقدو (تعبانين من العمل) يعطيكم الصحة كامل الأفواج أبدعتو بصح فاين راهم البليرويات

[نافلة]

ربي يوفقكم
اليوم النات دارت حالة نشوف و ما نقدرش نجاوب و الرد لي نكتبو ما يفوتش

[نافلة]

ربي يشفيك السطايفية و فريولة
و لبنات ربي يوفقكم كامل فالبوليرو

[stayfiya]

صبااااح الفل و الياسمييين وااااشراكم خواتاتي هيا واحد ثنين يمين يساار شويا رياضه راكم فاشلين هههههههه

[جيجلية]

صباح الانوار للسيدات والآنسات

يعطيكم الصحة الريدوات ولاو حطة

انا من رايي الاخ عمر لو كان يحط الاشياء اللي تتلبس صح باش العمل ما يروحش خسارة كما تحويل الجينز للصاك فكرة والطابلية تاع
الشغل افكار هايلة ومستعملةو بصح الريدو

والسربيثة بانتلي ما يتلبسوش والا واش قولتو