دورة فراشات تزهو بالألوان بيوتهن قمة في النظافة و التنظيم و التدبير و الاتقان

[YASMINE SILA]

صباح الخير الفل و الياسمين فراشاتي الغاليات
توحشتكوووووووووووم بزاااف بزاااف

يومكن موفق

[mariamalak]

صباح الفل و الياسمين على احلى فراشات
توحشتكم .اسمحولى لهيت عليكم شوية انشغلت بالمواضيع لى فتحتهم .نشكر كل وحدة زارتنى و شجعتنى و رانا هنا فى خدمة بعضنا البعض و نتشاركوا الافكار و التدابير و نحمسوا بعضنا بعض
حبيبتى حبيبة لكى مكانة خاصة فى قلوبنا ربي يوفقك لما يحبه و يرضاه

[أم ريتاج زهرة]

صباح النور حبيباتي جاكي شان جاء و الله ليكم وحشة كبيرة كنت غائبة كانت عندي خدمة الناس تستنى فيا و كملت شوية الحمد لله خدمت ريدو بالمكرمي جا روعة و الله كن وريتهلكم منعرفش كيفش ندير

[سرور2]

صباح الخير لبنات

البارح وكيماقالت الاخت نضفت المطبخ وخليتو يشعل ورقدت

واليوم الصباح نضت توضيت وصليت ومشطت شعري وجهزتلهم الفطور وذهب لاعمالي البيتية هههههههه

وككملت درت الغدى يطيب وضرك نوض نديرالسبورقلت نطل عليكم ونروح

وش رايكم راني مليحة ولا لالا

وكشما جديد قلولي

[أم أيوب 11]

ربي اجعل هذا اليوم يوم خير لا يضيق لنا فيه صدر ولا يخيب لنا فيه أمرو اجعل لنا بكل خطوة توفيق وتيسير

[ارزاق]

صباح الخيرات علي الفراشات اختي حبيبة وشراكي . راني بعثتلك رسالة نظن مزال عندك المشكل تاع الرسائل ؟

[فراشات العمر]

فراشات العزوزات
ابني غدا ان شاء الله نعملو فاكسان نتاع 5 خمس اشهر باه تنصحوني بلييييييييييز

[أم جيهان31]

المشاركة الأصلية كتبت بواسطة فراشات العمر

فراشات العزوزات
ابني غدا ان شاء الله نعملو فاكسان نتاع 5 خمس اشهر باه تنصحوني بلييييييييييز

حبيبتي فراشات العمر اشري دوليبران سيرو و سيبو بعد الفاكسان هو رح يرقد عادي مين ينوض رح تلقي حرارتو مرتفعة هذا دليل أنو فاكسان خدم فيه مليح خفيله القش وديريلو سيبو ثم السيرو بتناوب بيناتهم 4 أو 6 ساعات على حساب درجة حرارتو لانو سيبو وحدو يدير الاسهال وعطيه يشرب لما بزاف و بقاي غير معاه لانو رح يبقى غي يبكي يومين فقط و يرجع كيما كان بشفا عليه حبيبتي المهم نتي ما تقلقيش روحك

[omkamel]

السالم عليكم ورحمة الله وبركاته
صباحكم بالف خير غالياتى ربى يخليكم ويحفظكم ويعافيكم ورب راكم احبتى صدقونى رانى غير ساعات ندوخ بيناتكم ويغيبولى خرين من الذاكرة نطلب منهم السماح جميعا ساعات ننسى بين منال100 وام منال ومنال2000 رانى ساعات ننسى وحدة سامحونى وغالياتى زينب 86 و2000 راهى غابتلى بزاف حتى فقتلهم المهم ربى يكثركم ويحفظكم ويبارك فيكم غالياتى ولى ننساها تسمحنى هذا مثال ذكرت بصح صدقونى عاد تفكيرى غير فيكم والله غير ونستو وحدتى رغم الدار عامرة بصح كل واحد وحدو بصح الحمد لله ربى عوضنى بيكم احلى صحبة شعارهاوالصدق والثقة والمحبة
اختى فرشات العمر ربى يشفى وليدك ويحفضو عسيلو حرارتو يا خيتى وما تغفليش عليه حتى يرتاح
ام نسيبة ربى يشافيك ويحفظك عزيزتى ويسرلك امورك يا رب
غزالة واختى ريفية مرحبا بكم اختى ياسمين وكل عرايس الدورة محلاكم انشاء الله تلقاو ما تتمناو وخير يارب عند ازواجكم ورب يتمملكم
غالياتى امهات الدورة راكم ماشاء الله تبارك الله فحلات وناشطات وحاذقات ربى يقدرنى نلحق بيكم رانى لاتية مع امتحانات الاولاد ربى ينجحهم وينجح وليدتكم كامل لى عودة انشاء الله

[وفاء الياسمين]

السلام عليكم كلكم كيف حال الجميع
يارب تكونوا كلكم بخير
كل وحده باسمها تحياتي ليها

ربي يوفقكم كلكم



حبيبة استاذتنا العزيزة
لا تملي منا و وسع الله صدرك
وبارك الله في وقتك


في ما يخص يوم الخاص بنا
اضم ر أيي ليوم السبت و كما قالت الاخوات
نديروا فوجين على الاقل
فوج الخميس
وفوج السبت مع مراعات البرنامج
انا مثلا زوجي عطلته
الاربعاء و الخميس
و السبت يساعدني بزاف



اعمال البيت
مقدرتش نتبع نظام الدورة كلوا الا اني احاول باش ما نتعاقبش

اما الحمام فوضعت شيته صغيره و اسفنجا امام الحوض باش انضف بيها كل ما اتوضأ

و فكرتك بزاف شابه ماشاء الله


في ما يخص العبادات راني مقصرا بزاف لكن بإذن الله سألحق بالركب



عندي دوخه ما حبتش تخطيني و انا قلت اكيد من الكاشي الي شربته عشرة ايام
و هو ايتروجستان و دارلي الوخه بزاف عافاكم الله


بارك الله فيكم

[أم أيوب 11]

أختي فراشات العمر الفاكسان نتاع5 أشهر ما ضرش بصح تقدري تشربيه دوليبران قدام لتديه انا هكا كنت ندير مع ولادي

ومنبعد دلكيله مكان الفاكسا بشويك نتاع لالكول او الخل ربي يخليهلك وتشوفيه في أعلى المراتب

[وفاء الياسمين]

أهلا أم أيوب نهارك مبارك
فراشات العمر قبل ما تديه قيسيلوا حرارتوا و عسيه اذا ماسعلش و نيفو ماراهش يسل باش المناعه نتاعه تضمني تكون قويه
وكيما قالت ام ايوب ديريلو شميعات قبل ما تديه و متنسايش دايما تقلبي الشميعات اذا مش بيريمي و مغلوقه مليح
و مع احترامي لرأي أم أيوب في ما يخص تدلكيلوا المكان
انا بنتي كنت نفضل مل نمسهاش كامل الا اذا توجعت بزاف نلقاولها الحل لكن زوجي نبهني و عنده الحق المكان اذا ما مسيتيهش ما يدير حتى رد فعل خارجي
و انا جربت كي دلكتلها مكان الابرة تنفخت اكثر لان الجسم جمع الكريات البيضاء خوفا من جسم غريب او كرد فعل على اي ميكروب صغير يقدر يكون في يديك لذا من الاحسن
في الوهلة الاولى حاولي ما تمسيهش وخلي جسمو يدافع على نفسو و اذا توجع و ابكى بزاف ديريلو شوي زيت في القطن بلا ماتضغطي

شكرا ام ايوب و اعتذر منك هذا راي حبيبتي و رايك يبقى الاصح شكرا

[omselma]

صباح الخير حبيباتي فراشاتي الغاليات على قلبي توحشتكم بزاااااااف انا كنت مشغولة بحاجة مليحة وهي بما انو وقت الورد قطرت الورد وعملت ماء ورد طبيعي نستعملوه في حوايج بزاف وزيد مليح للعينين وللبشرة .البارح خرجت درت شوبينغ حنا عندنا سوق معروفة بزاف سوق دبي ولا شارع دبي كيما نقولولو حنا شريت حايج لوليدي وحوايج لي عطور وسيروم اندريا دوتي مليح للشعر وقلت مبعدا نزيد نولي لاني شفت حوايج روعة . حبيبتي فراشات العمر ما تخافيش من لفاكسان تاع 5 اشهر ديري الشمع دوليبران تاع البيبي قبلوبعد . وكي تروحي ادهني البلاصة بالزبدة ولا الريحة لانهم زوج ايباري في بلاصة راهي مبعدا تتنفخ وتيبس هذيك هي اللي توجع الصغير ما عندو شر ان شاء الله. حبيبتي كنت قلتيلي حابة تحكي معايا اني نستنى في رسالتك راني اختك . بعيدة المنال شكرا وانا راني ناوية نسكر الكارني نحب الاولاد بزاف

[أم فاطيمة]

صباح الخير على احلى فراشات ربي ينور دربكم و يهدي سركم و يشفي مرضاكم
اللهم امين

[أم جيهان31]

صباحكم عسل و فل و ياسمين يا أحلى فراشات و يرقات و فقكم الله لما يحبه ويرضاه