~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 27

حياتي كلها امل · 2016-05-04, 17:47

السلام عليكم انا الزيت الدي نقلي فيه البطاطا نزيد نقلي فيه مرة واحدة فقط ونطيب بيه اما فيما يخص التبدير الانسان يدير مجهودو باش يطيب على قد الاسرة تاعو ونا عن نفسي ادا بقات الماكلة نضعها في الثلاجة وغدا نسخنها ونكلوها ونفطرو بيها اما الخبز عندما نشوف بلي كاين بزيادة نديرو في المجمدة والفتات الدي يطيح فوق الطابلة نلمدو ونعطيه للحمام او كيما هده اليمات وليدي عندو فلالس راني نطيهولهم وادا كان يابس ونقي نرحيه ونطيب به ادا كان شوية ماشي نقي نعطيه لجارنا عندو الكباش

سمراء الدنيا · 2016-05-04, 19:30

السلام عليكم و رحمة الله و بركاته
سعيدة جدا جدا جدا جدا و متفاجئ ة بالنشاط و الحماس ... و الله انكم حمستوني و نشطتوني اكثر ....و كنت خايفة لا نلقاكم تراجعتو مع طولت الغيبة بسبب انقطاع النت ....ما تصدقوش قلبي كيفاش كان عندكم و طول الوقت نخمم فيكم

الحمد لله خليت فحلات ورايا و بانضمام الرائعة حبيبة للي زاد الدورة تميزا عن باقي الدورات
اشكرك حبيبة من كل قلبي على التحاقك في الوقت المناسب
كما لا انسى ان اشكر المتالقات ام هزار و جهينة و ام صابرين و ام متين وو غزالة و اروى و هنا و ام ادم و صابرة على الحضور الدائم و المشاركة بيومياتهن المشجعة و ايضا اهتمامهم بالرد على الوافدات الجد د
لا يفوتني اني نرحب بهن انا ايضا و عددهن 4 او 5 فقط لم اتعود بعد على اساميهن (فرحت بزاف كي عرفت انهم كانو متابعات في الخفاء و بعدها قررو الانضمام الينا ...... نتمنى تستفيدو من دورتنا و تفيدو ايضا )
الرائعة الامنيات عرفت اني نقدر نتكل عليك و طبعا كل كلمة تكتبيها فيها فائدة ربي يجعلك بيها حسنات يا رب
عجبتني المداخلة القوية لام امجد ... شكرا جزيلا على المشاركة و على الصور (ما تعرفيش قداه فرحتيني)

نختم الرد هذا بالاخت المميزة للي فعلا انا معجبة بيها و بهمتها العالية و بتحديها و اصرارها الاخت سيرين 5..... الف اهلا وسهلا بيك نورتي الدورة .... موضوعك عن الاكل الصحي رائع و تبعتو من البداية و قريت كل صفحة فيه لاننا عملنا صفحة مثلو في غرفة المتزوجات ..فقط الوقت ما ساعدنيش نحطلك رد لاني اردت ان اشارك فيه بوصفات مش غير مرور كرام و سبق و عدلت في الصفحة الاولى و حطيت الرابط نتاع موضوعك لكن انقطعت الكهرباء و نسيت نرجع ندير التعديل ...كان عندي شويا ضغط ... ان شاء الله نتبعو معاك و نطبقو الوصفات و النصائح و راني واعدا لبنات بوصفات صحية ربي يقدرني و نوفي بوعدي

سمراء الدنيا · 2016-05-04, 19:45

باش ما تقولش عليا فراشة العمر بخيلة و جيت بيديا هاهو حقكم من العرس
اشياء كثيرة تمنيت نصورها لكن ما قدرتش يا اما مشغولة يا اما بنتي تبكي ما قدرتش للحس

هاذ المرة ما طيبتش معاهم كانت مهمتي السفنج ... ما قدرتش نصور الكمية المهولة للي درتها (كل مرة هاذ الكمية نصورها يهزوها هههه بديت من 2 ظهرا حتى ل 7 مساء باش خلصت الطياب ) و خسارة ما قدرتش نصور ضيافة اهل لعروسة حشمت منهم هههههه

هذا القاطو للي درتو

و خيطتهاذي رحت فيها

و هاذ القفطان خيطتو سريعا و لبستو في الليل

و خيطت لبنتي غوب صواغي للمراهقات من بعد نحط الصور

ام آدم · 2016-05-04, 19:45

اقتباس:

المشاركة الأصلية كتبت بواسطة جهينة اليقين

نحييك ام ادم على عدم التبذير لان المبذرين اخوان الشياطين وربي ما يباركلهمش لانهم لا يحافظون على نعم الله ولايشكروها اما بالصدقة اومثلا بواقي الخبز تعطى للحيوانات ولا ترمى يا ريت نديرو موضوع وكل وادة تعطينا طريقتها في الحفاظ على نعم الله ليبارك الله لنا مع هذا المعيشة الغالية

جهينة حبيبتي اسعدني جدا تشجيعك يا غالية بالنسبة لزيت قلي البطاطا استغله في الطبخ اكلات اخرى او في الكسرة
بالنسبةللخبز وهذا نادرا اذا بقى يشمخو شيخى بالماء ويطلعو للسطح للحمام والعصافير او استغله في صنع الشابلير كما اخبرتكم سابقا
فقط لي عندها بيبي زيت قلي البطاطا مسوسة اي بدون ملح مفيد جدا لالتهابات الحفاظات وهذا عن تجربة

ام آدم · 2016-05-04, 19:53

تقريري للمساء
بعد ما ارتحت شوي نضت على 15 درت قاطو اللمبوط اوكما نسميه في منطقتي قاطو المحقن لقهوة المساء وهبطت شويا لعجوزتي وشويا لمرت سلفي وقصرت شويا وطلعت طبقت جيهة ملابس ابني والعشاء درت سلاطة بطاطا فقط تعبت وما زال عندي كومة من الاواني بعد العشا نغسلهم ونلمع الحوض وندير الفزلين ونرقد
اسمورة ما شاء الله عليك فحلة الفحلات ربي يعطيك الصحة سخفتيني على الخياطة واقلا نشري القماش ونبدا

حياتي كلها امل · 2016-05-04, 21:14

اهلا وسهلا اخت سمورة والله لكي وحشة
الله يبارك على ذ يك الخياطة وعلى ذيك الحلوة
اما فيما يخص تقريري للمساء بعد مناظت بنتي درتلها الحليب وجاو خاوتها من المدرسة نحيت الحوايج المنشورين وعمرت مخايد تاع الشورة وخيتهم عندي بنتي راح تجوز شهادة التعليم الابتداءي درتلها مراجعة
غسلت المواعن ثم درت العشاء هذا وين تعشينا بعد مجا زوجي من المسجد

جهينة اليقين · 2016-05-04, 21:14

اهلا بعودتك يا سمورة ومبروك عرسكم خليتي وراك رجالة ما تخافيش هههههههههه راكي ما شاء الله كل صبع بصنعة

جهينة اليقين · 2016-05-04, 21:21

المساء درت قاطو الطابع تاع ام وليد شربنا به القهوة من بعد خرجت شريت شوي توابل لرمضان ان شاء الله ولفت انتباهي الفلو تاع الكيلو شكولا ورجعت درت العشاء تعشينا انا راني معاكم وبنتي تغسل فالماعن بيد ما يؤذن العشاء

حياتي كلها امل · 2016-05-04, 22:27

راني رجعت ليكم صليت العشاء ثم خملت الكزينة وخرجت حشاكم الكيس تاع النفيان ثم رحت بدلت لبنتي ورقدو ولادي ورقدت بنتي .عودو ولادكم باه قبل ما يرقدو يقولو على الاقل دعاء النوم باه عندما يكبرو مايجهمش امر صعب ،اما بنتي صغيرة قريت عليها الدعاء (اعوذ بكلمات الله التامات من كل شيطان وهامة ومن كل عين لامة) ثم رحت غسلت اسناني ومشطت شعري

حياتي كلها امل · 2016-05-04, 22:31

غدا الخميس لمن اراد الصيام
تصبحون بالف خير

نسمة صبح · 2016-05-04, 22:48

السلام عليكم حبيباتي

توحشتكم و توحشت النشااط..راني غايبة خاطر النت دايرتها بي.

والفت بيكم و ليمات تاع الدورة كنت ما شاء الله..

راني غرت..غرت ..غرت ربي يبعد العين عليكم شحال فحلات ..لازم تعاونوني و تنتشلوني...

رجعت لكسلي مع تذبذب الظروف..لكن حمستووني..و عجبتني كلمة قالتها سيرين لروحها انا قدها و قدوود.

نبدا ببرنامج يومي و اسبوعي في بيت اهلي حاليا..
و برنامج للعناية..و الالتزام بالبرنامج الديني

نحاول نطبق على قد ما نقدر.

لمشكل اني كسولة و مسوفة..عندي امور حابة نديرها و كل مرة غدوا غدوا...
ساحاول التغلب على نفسي و معاكم اكيد نتحسن..

اوافيكم بالتقرير كل مرة نقدر ندخل باذن الله

</tr>
<tr>
<td>خلية 3</td>
<td>خلية 4</td>
</tr>
</table>

ل "حاليا"

نسمة صبح · 2016-05-04, 22:53

حبيبة شكرا على الاطراء ...يسعدني ان يقترن اسمي باسماء الله الحسنى ..يا ريت نقدر نكملهم ..حاليا النت من الهاتف. راكي ما شاء الله اختي منورة الدورة منين نقرا واش تكتبي نبتسم بلا ما نفيق..

اروى الاء ليك وحشة متغيبيش بزاف..
ام متين غزالة الصحبة ان شاء الله احوالكم بخير
وين ام صابرين يا ترى

ام ادم فخورة بيك حسيتك تغلبت على نفسك
ام هزاار توحشتتتتتتتك والله

سمراء الدنيا ربي يباركلك في دارك ما شاء الله عليك..

نحبكم كامل كل وحدة باسمعا و حضورها

omelbanin · 2016-05-05, 05:17

الهم بك اصبحنا وبك امسينا وبك نحيا وبك نكوت اليك النشور ،اللهم اني اسالك خير ما في هذا اليوم خير ما بعده واعوذ بك من شر ما في هذا اليوم وشر ما بعده،صباح الخير عليكم يا بنات ولا كيما كان يقول الوالد رحمه الله صباحكم ورباحكم 100 نعجة في مراحكم

غزالة1 · 2016-05-05, 07:01

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين
اللهم اعنا على ذكرك و شكرك و حسن عبادتك

غزالة1 · 2016-05-05, 07:03

السلام عليكم
اهلا بكل العائدات
سمراء مرحبا بيك يا اختي صبحت على صورك شهيتيني هههههه انا احب الاكل كثيرا و زدت ختمتيها بصور الخياطة قتلتيني هههه ربي يباركلك في صحتك و عائلتك