Mh47 الجزء الــــ84 من واش طيبتي اليوم - الصفحة 27

malek nour hane · 2014-08-11, 09:29

أم سهام اهلين بيك و ياصباح الفل و اليسمين لأحلى أم سهام فالمنتدى.. شفتو حبوبتي بارك الله فيك نفس طريقة غاليتنا أم محمد تاج
اسماء صباح لخير خبز أم اماني خرجلك هايل يا لفحلة بصحتكم. والله صح توحشناها بزاف بزاف إن شاء الله المانع خير

طير الرحمة · 2014-08-11, 09:30

البنات انا نررررررررروووووووووووووووح نخليكم فى امان الله

إلهام07 · 2014-08-11, 09:35

ربي يحفظك سعيدة المنتدى منور بيكم حبيبتي راكم تكفيو وتوفيو

ملاك على بالي راني جيت للمصيدة برجليا واش يدير الميت في يد غسالو

سماسيم هيه سلفك يعني اخو زوجك

طير الرحمة ربي يحفطك ، شكرا حبيبتي ، راني ضرك قلت عندي شوية الضغط في العمل هذا الأسبوع غير قعاد نحطلكم وصفات واش نقدر

x ام رحاب x · 2014-08-11, 09:36

صباح الخير عليكم كاملين كل وحدة باسمها واش راكم يالغالين
الهام ربي يشافيك ويعافيك وكل حاجة من يديك تحفة

Simassim · 2014-08-11, 09:36

تفكرت واش كنت حابة نكتب

البنات ربي يحفظكم حاولوا ماتكتبوش. انشاء الله
لا يجوز وأكن تبوءها صحيحة. ان شاء الله

كاين فرق كبير بيناتهم والمعنى يتبدل حاولو تنتبهو اكثر المرات القادمة

nihale89 · 2014-08-11, 09:38

سماسم سلفي هو اخو زوجي ربي يهنيه

اسماء47 · 2014-08-11, 09:43

الهام علابالي انتي ام الابداع و الافكار
راجلي راه حاب يعرض صحابو للعشاء واحد 7 اشخاص
و حابة كان مينيو مليح و فاخر
حابة يدو عليا انطباع مليح

malek nour hane · 2014-08-11, 09:44

ههههههه الهاموووو راني حكمتك مانطلقلكش... ههههه باين وش حانطلب منك الأرز اكييييد امممم راني نستنا فالموضوع و شوفي راهو ليا قبل ماتحطيه هههه...اكيد حابة نعرف تحلية القهوة و المثلجات و قاطو النستلي و كيفاه درتي كريم كراميل بنستلي أم انس... ولا نقولك من لآخر خلااااص هاتي كلش ياختي كلشيييي فوووووور حاجة مانراطيها و نتي حاجة ماتبخليني فيها خخخخخخ... اكيد كي تريحي و يكون عندك وقت بصح ماتبلعطينيش. هههه. سلامي لهومة,

إلهام07 · 2014-08-11, 10:06

شكرا ام رحاب حتى أنت ماشاء الله ماعندي مانقول فيك

اقتباس:

المشاركة الأصلية كتبت بواسطة اسماء47

الهام علابالي انتي ام الابداع و الافكار
راجلي راه حاب يعرض صحابو للعشاء واحد 7 اشخاص
و حابة كان مينيو مليح و فاخر
حابة يدو عليا انطباع مليح

وععععععع هذا السؤال كي نشوفو نبغي نبكي تعرفي باش جاوبي عليه لازم جريدة على العموم كاينة اخت طلبت مساعدة ورني جاوبتها في هذا الابط كاشما يجيوك أفكار

https://www.djelfa.info/vb/showthread.php?t=1623257

إلهام07 · 2014-08-11, 10:18

ليزابال غير أنت اللي باركتلي على القطة الباقيين كامل مكراشين شافو غير الماكلة والقاطو

اقتباس:

المشاركة الأصلية كتبت بواسطة malek nour hane

ههههههه الهاموووو راني حكمتك مانطلقلكش... ههههه باين وش حانطلب منك الأرز اكييييد امممم راني نستنا فالموضوع و شوفي راهو ليا قبل ماتحطيه هههه...اكيد حابة نعرف تحلية القهوة و المثلجات و قاطو النستلي و كيفاه درتي كريم كراميل بنستلي أم انس... ولا نقولك من لآخر خلااااص هاتي كلش ياختي كلشيييي فوووووور حاجة مانراطيها و نتي حاجة ماتبخليني فيها خخخخخخ... اكيد كي تريحي و يكون عندك وقت بصح ماتبلعطينيش. هههه. سلامي لهومة,

آآآآآآآآآآآه ياربي انت موصيبة دوختيني واش هذا كامل واقيلا نولي منين جيت خير

الارز راني ضرك قاعدة نكتب فيه بالشوية بصح أصبري راني نخدم ونكتب شوية شوية حتان نكملو بإذن الله منا للعشية يكون خلاص
المثلجات نعاودهم هذا الأسبوع ماورتش المراحل ونحطهم لازم طبعا باش ديروهم في الصيف
الكريم كاراميل نتاع ام أماني تحتاجي الرابط ؟
والنيستلي وصفة أم أنس : انا ندير :
في صحن 1 كاس معمر قدقد حليب غبرة ( كاس متوسط نتاع قازوز ماشي كاس كبير ) + 3/4 كاس سكر عادي + 2/3 كاس ماء+ 1/2 م ك فاني سخون يغلي ونخلط مليح مليح بالمضرب اليدوي وخلاص حطيه في الثلاجة ووقت ماتحتاجي اجبديه أخدمي بيه
بما انو الكيل نتاع النيستلي يتبدل شوية ( يجي زايد ) في وصفة أم أماني نحط مع هذا الكيل + 4 بيضات + 1 م ك فاني و الحليب نكيل نفس كيل النيستلي 1+1/3 حليب عادي وخلاص خلطي مليح والباقي باين

هاني مابلعطتكش

اقتباس:

المشاركة الأصلية كتبت بواسطة malek nour hane

الهام انا تاني عندي عرضة نهار لخميس لاكتب ربي أن شاء الله حانعرض زوج برك راجل و مرتو هوما من لبنان و حابة نديرلهم بإذن الله بربوشة حابة نديرها مع التعمير تاع ليزاا هبلني (شفتيه ولا لالا أجرى شوفيه لهومتي) زيدي اقتارحي عليا وش ندير معاها جاري ولا كفتة ولا كاش سوب و مقبلات... الهاموووو رأيك يهمني بزاااف

راني حطيت الرابط لأسماء شوفي كاشما جيك فكرة
أما على التعمير عمري لاذقتو مانقدرش نفيدك فيه
الحساء نقترح عليك حساء البصل او حساء الفطؤ وكثري فيه الفرماج يخرج فيلم الوصفات في 2 نتاعي وإذا حابة شربة تعجبني بزاف الشربة نتاع ليدي نتاع جاري أبيض بالكفتة جي ثاني هايلة

المقبلات إذا درتي سوب هاي باينة ديري بوراك كاين نتاع البيشاميل والاسكالوب هايل المهم أنت ومقدورك اقترحت عليك البوراك لأنو ساهل مقارنة بالمعجنات الأخرى ويمشي مع الحساء والشربة
حقة راني ثاني قريب نحطلكم البيتزا مع أنو قلتولي ماكلاه بصح نحطها شايفة باللي لازم تشوفو طريقتي

اسماء47 · 2014-08-11, 10:20

اقتباس:

المشاركة الأصلية كتبت بواسطة إلهام07

شكرا ام رحاب حتى أنت ماشاء الله ماعندي مانقول فيك

وععععععع هذا السؤال كي نشوفو نبغي نبكي تعرفي باش جاوبي عليه لازم جريدة على العموم كاينة اخت طلبت مساعدة ورني جاوبتها في هذا الابط كاشما يجيوك أفكار

https://www.djelfa.info/vb/showthread.php?t=1623257

الله ينورك اختي الهام
حابة نسقسيك على الرولي تاع الحم و الدجاج كي نخرجو من الفرن نزيد نحمرو شوية مي كي جيت نقطع فيه بالموس خسرتلي لاقورم تاعو و تفتت من واش يا ترى

lyzzabel · 2014-08-11, 14:06

سلاااام صح فطوركم جمييييعا و مطرح ما يسري يمري

هذا فطورنا اليوم جاج محمر و روز و سلاطة بزيت الزيتون و فواكه و مشروبات ما صورتهمش و الحمد لله حمدا كثيرا طيبا مباركا فيه

اللهم اني أسالك الهدى و التقى و العفاف و الغنى

fadoula fcb · 2014-08-12, 11:26

اقتباس:

المشاركة الأصلية كتبت بواسطة lyzzabel

سلاااام صح فطوركم جمييييعا و مطرح ما يسري يمري

هذا فطورنا اليوم جاج محمر و روز و سلاطة بزيت الزيتون و فواكه و مشروبات ما صورتهمش و الحمد لله حمدا كثيرا طيبا مباركا فيه

اللهم اني أسالك الهدى و التقى و العفاف و الغنى

ليزا طيحي بطريقه الرزو زدجاج

malek nour hane · 2014-08-11, 09:49

الهام انا تاني عندي عرضة نهار لخميس لاكتب ربي أن شاء الله حانعرض زوج برك راجل و مرتو هوما من لبنان و حابة نديرلهم بإذن الله بربوشة حابة نديرها مع التعمير تاع ليزاا هبلني (شفتيه ولا لالا أجرى شوفيه لهومتي) زيدي اقتارحي عليا وش ندير معاها جاري ولا كفتة ولا كاش سوب و مقبلات... الهاموووو رأيك يهمني بزاااف

اسماء47 · 2014-08-11, 10:09

ملاك نور انتي متزوجة؟
ايزابيل نهارك مبروك اعطينا كاش افكار انت تاني الله يبارك على طيابك