يعطيك الصحة يا اختي شوشو على هذا الموضوع المفيييييييييييييييييييييييييييييييييييييييييييييي يييييييييييييييييييد
دخلت نقرا فقط باه نتعلم منكم واذا بي نلقى روحي نكتب هاكم افكاري
باه الفايونس تاع الحمام يعود يلمع استعملي هذا الخليط
نصف قارورة تاع ازيس سائل زائد ملعقة اكل بيكاربونات الصودا وملعقتين اكل من الخل الابيض واذا ما عندكش الابيض استعملي الاحمر فهو يوفي
بالغرض وحكي باللافات لافايونس رايح ينحي كل الكاكير ويرجعو يلمع لمعان جربوها ولن تندمو
اما بالنسبة للافايونس تاع الدار استعملو ماء وخل فقط
اذا سمعتي بضيف يخبرك بانه قادم لزيارتك فجاة وانت ما عندكش من الوقت الكافي باه تنظفي الجدران وابواب الغرف وباب الدار ومقابض الباب وباب الثلاجة ومكتب اولادك يعني تنظيف على السريع ومؤقت والكل منا حدث لها هذا الموقف لسبب انها كانت مريضة واولادها وسخولها هذه المواقع الحساسة امسحي بمنظف الزجاج الازرق ونشفي مليح
كثير من ربات البيوت تشتكي من مراحيض الكرسي التي يتراكم فيها الكالكير في الاسفل وخاصة في المدن لي الماء تاعهم فيه الكالكير وتضطر
لاستعمال روح الملح هذا خطر على الجهاز التنفسي غلي قارورة خل واسكبيها في المرحاض وبعد ساعات حكيها بالفرشاة كرري العملية مرتين او ثلاث
طبعا كل يوم ديري مرة والنتيجة رائعة
باه دارك تنعث منها رائحة جميلة وخاصة في المناسبات وعند مجيء الضيوف اشري معطر الارض الزيتي لي قاروراته صغيرة وليس سانيبو اتمنى
تكونو فهمتوني ديروا قليل من المعطر في قطن وامسحوا الزربية بيه وتحت الفوتايات والكنابيات تدوم الرائحة ايام وايام انا اتبع هذه الطريقة والله روعة
الكارلاج باه يعود يبرق ماشي دال دو صول مغرف خل في كل بيدون تاع تسياق اي بيدون لمسيح وامسحوا الارض بعد مرور فترة من الوقت يعود يلمع
هذه افكار اكتسبتها من تمرميدي مع الشغل وطبعا من باب الامانة النت علمني الكثير
ولما نزيد نتفكر اشياء اخرى نزيد نقوللكم طبعا هذا اذا رضيتوا بالشيء لي عطيتهولكم
( تقرير عن مشاركة سيئة )، و الموجودة أسفل كل مشاركة .
2017-10-17, 20:47
.gif){kind=icon}
العرض المتطور
