9 مشتركات في المرحلة الثانية .....وهل هناك امل للبقية - الصفحة 27

rosa sd · 2014-02-04, 07:18

صباحكم خير وعافية
ام اية راكي كيما انا اكثر كلمة منحبهاش (راني جيعان )يقولوها ولادي بزاف في غير محلها .
انا الحمد لله سلكت راسي البارح وبعثتهم,كيما كانت تكون ,لخاطر اليوم عندي ارتباطات ,المهم نشارك وماننساحبش .
دخلت ضرك باش نقولبالتوفيق لنا جميعا واذا قدرت ندخل في الليل ,والا غدا ان شاء الله

نور الامل 12 · 2014-02-04, 08:10

صباح الخير لبنات بتوفيق للجميعو و لي مكملتش ربي يكون معاها وتكمل وتبعثهم شوية كوراج مشلازم تكون سواري تعجبك وترضي عليها لانه الفكرة مجنونة اكيد التطبيق راح يكون كيف كيف بتوفيق السطايفية مبنتش نشالها متكونش في قسم الاستعجالات ونحنا نستنوفيها في قسم الخياطة

biba04 · 2014-02-04, 09:12

صباح الخير بنات
نتمنالكم التوفيق ومتشوقة نشوف اعمالكم

ام إثري · 2014-02-04, 09:27

بيبا علاه نتي خرجتي منن المسابقة؟

fatma1977 · 2014-02-04, 09:53

صباح الخير عليكم كامل انا انضممت لمجموعة الانسحاب ان شاء الله قريبا ندرج العمل نتاعى رانى مش مستسلمة من المهمة راح نكملها حتى من وراكم لانو عندى ضروف خاصة جدا ما قدرتش ندرج العمل فى وقتو ان شاء الله فى المساء نطل عليكم نتمنى لكم التوفيق والتفوق من كل قلبى ربى يكون فى عونكم وتنتقلو للمهمة الثانية حتى نستطيع نتعلمو اشياء اخرى يعطيك الصحة اخ عمر والله غير هذ المسابقة علمتنا الكثير من الاشياء الى كنا نجهلوها يعطيك الصحة وربى يوفقك

janino · 2014-02-04, 10:18

صباح الخير على المبدعات تفاجاة كيت دخلت لقيت الدعوة بدات تحكمها الخلعا الشعب يريد اسقاط النظام عفوا التجديد يا بنات ازدمو و متخافوش كما جات تجي المهم شلركتو و درتو مجهودات و تعلمتو حوايج ملاك اكيد رايحين يفيدوكم فى حياتكم اليومية نتمنالكم التوفيق كامل حتى و لى متربحش فى نضرى راهى مبدعة و عندها كوراج اي بالتوفيق يا حراير و بشوية الاخ عمر متهبطلهمش المورال bonne chance

LAMIA TEFFAL · 2014-02-04, 10:47

صباج النور لبنات اخيرا كملت وارسلت الصور للاخ عمر الدي اتمنى له بمناسبة رحلة سعيدة الى الجزر اما الان التجدي مع المنزل راني درت فوضى كبيرة الحمد لله جيت نسكن وحدي

stayfiya · 2014-02-04, 11:38

صباحكم بالخير الحراير واشي هذا مزيه انا عندي اراده قويه كون بالانسحابات المتتاليه تاعكم قضيتو عليا و هبطتولي المهنويات واشبيكم هذا ما عرفتكمش هكذا انا راني خدامه برا و الداخل و ما حبستش فريوله راهي داخله خارجه للسبيطار و ماحبستش هنادي بنتها في حااله و ما حبستش لاميه في الغربه و راهي متونسه بينا و مكمله روزا عطيناها بعين و راهي مستمرة و الباقيين كل هذي و حوالها ما تقوليليش جوري تكليتي على الراجل يقطعلك لباطه يادخلي عليها بالمارطو و الموس حشيها وكملي خدمتك مزال الحال. فاطمه راكي من لول ونتي مواصله كملي بقات خطوة برك ابدااااع لي يشوف مع شمبرة انوسي يقول هاذي هي المرأه الحديديه ؟؟؟؟ مزاااال كاين وقت براحتكم حتى للخمسه تاع لعشيه ياوو!

stayfiya · 2014-02-04, 11:39

اخي عمر ربي يصبرك ! علينا .

biba04 · 2014-02-04, 11:57

اقتباس:

المشاركة الأصلية كتبت بواسطة ام إثري

بيبا علاه نتي خرجتي منن المسابقة؟

اقتباس:

المشاركة الأصلية كتبت بواسطة stayfiya

صباحكم بالخير الحراير واشي هذا مزيه انا عندي اراده قويه كون بالانسحابات المتتاليه تاعكم قضيتو عليا و هبطتولي المهنويات واشبيكم هذا ما عرفتكمش هكذا انا راني خدامه برا و الداخل و ما حبستش فريوله راهي داخله خارجه للسبيطار و ماحبستش هنادي بنتها في حااله و ما حبستش لاميه في الغربه و راهي متونسه بينا و مكمله روزا عطيناها بعين و راهي مستمرة و الباقيين كل هذي و حوالها ما تقوليليش جوري تكليتي على الراجل يقطعلك لباطه يادخلي عليها بالمارطو و الموس حشيها وكملي خدمتك مزال الحال. فاطمه راكي من لول ونتي مواصله كملي بقات خطوة برك ابدااااع لي يشوف مع شمبرة انوسي يقول هاذي هي المرأه الحديديه ؟؟؟؟ مزاااال كاين وقت براحتكم حتى للخمسه تاع لعشيه ياوو!

بنات كنت راح ننساحب صح
قلبي الصغير مخلانيش ههههههه راني نفذت التصميم هاد الصباح درتو بسيط جدا ونفذتو خلال ساعة رقم قياسي المهم المشاركة

LAMIA TEFFAL · 2014-02-04, 12:07

اقتباس:

المشاركة الأصلية كتبت بواسطة biba04

بنات كنت راح ننساحب صح
قلبي الصغير مخلانيش ههههههه راني نفذت التصميم هاد الصباح درتو بسيط جدا ونفذتو خلال ساعة رقم قياسي المهم المشاركة

الحمد لله الي كملتيه لازم تكون عندك الارداة ساعة كملت فيها العمل ولو فكرتي مليح كنت تعمل اكتر خلال تلات ايام معليش اختي هدي تعلمك ماتمليش وكي ديري حاجة في بالك كمليها مهما كانت والمهم ترضي بيها متلما فعلت انا

راضية بفستان كليوباترا الي صنعته وماعنديش مشكل نشاركم الانجاز هههههه راني نقصر برك

ام إثري · 2014-02-04, 12:09

انا بعثت خلاص انا فستاني مش كليوباترا لالا نتاعي عباد الشمس ههههههههههههههههههههههههههههههههههه

LAMIA TEFFAL · 2014-02-04, 12:10

اقتباس:

المشاركة الأصلية كتبت بواسطة stayfiya

صباحكم بالخير الحراير واشي هذا مزيه انا عندي اراده قويه كون بالانسحابات المتتاليه تاعكم قضيتو عليا و هبطتولي المهنويات واشبيكم هذا ما عرفتكمش هكذا انا راني خدامه برا و الداخل و ما حبستش فريوله راهي داخله خارجه للسبيطار و ماحبستش هنادي بنتها في حااله و ما حبستش لاميه في الغربه و راهي متونسه بينا و مكمله روزا عطيناها بعين و راهي مستمرة و الباقيين كل هذي و حوالها ما تقوليليش جوري تكليتي على الراجل يقطعلك لباطه يادخلي عليها بالمارطو و الموس حشيها وكملي خدمتك مزال الحال. فاطمه راكي من لول ونتي مواصله كملي بقات خطوة برك ابدااااع لي يشوف مع شمبرة انوسي يقول هاذي هي المرأه الحديديه ؟؟؟؟ مزاااال كاين وقت براحتكم حتى للخمسه تاع لعشيه ياوو!

صباحك احلى والله كلامك قاسني بزاف وتوشالي المحاسيس

يالله بنات ماتسسلموش مازال واقفين

OM AYA · 2014-02-04, 13:01

السواغي بدات تظهر المعالم نتاعو بصح البيدون مازال ما استعملتوش و معلاباليش وين ديرو لاني كنت راح نستعملو بطريقة ما بصح في التطبيق ما مشاتش

OM AYA · 2014-02-04, 13:03

مازال ربع سوايع فقط وااااااع
توخضت يا ريت يزيدلنا الوقت
رايحة نشري بعض اللوازم ما نظنش نلحق نلصقهم