دورة خطواتي الواثقة لأصبح ربّة بيت متألّقة - الصفحة 26

~اسيل ريحانتي~ · 2016-10-17, 08:36

لبارح كما العادة قبل النوم نظفت ورتبت كل حاجة في بلاصتها ولمعت لافابو مع الحمام اعزكم الله وحوض الاستحمام وغسلت الماعين لمعت الحوض وغسلت وجهي ودرت ماء الورد والحمد لله رب العالمين
اخواتي حتى انا ماهيش سكنتي الدايمة مانقدرش نخدمها كيما نبغي لكان جات داري الابدية هههه لكان درت الفايونس وشريت بلاكارات واجدين في الدوش مي الله غالب نهار ربي يفرج علينا نحقق احلامي لي نتمناها في بيتي

~اسيل ريحانتي~ · 2016-10-17, 08:40

اخواتي كنت ناوية نخمل المطبخ وربي ماكتبش زوجي مايخدمش ليوم
حتى يوم الخميس ان شاء الله نتفرغ للمطبخ ليوم عندي اعمال يومية عادية وراح نوريلكم ادوات اولادي كيف رتبتهم وملابسهم ايضا انتظروني حتى نكمل اعمالي ربي يوفق الجميع

حياتي كلها امل · 2016-10-17, 09:06

شكرا لك ام تينة كلمات تثلج القلب جزاك الله خيرا على التذكرة
انا اليوم بعد الصلاة والاذكار شربت الماء على الريق ووجدت الفطور ودرت الملابس يتغسلو ونضت للكوشة غسلتها مليح وخملت كامل الحالة رنيح شوية ونكمل الشغل ونوجد الغذاء

fati 29 · 2016-10-17, 09:20

صباح النور مشكورة الاخت على الادكار والادعية
جعلها الله في ميزان حسناتك ان شاء الله
انا اليوم نضت توضيت وصليت وطيب القهوة وصنعت فطير
ورجعت لشمبرتي نفضتها بلخف ووليت للكوزينة وجدت الطابلة
تقهويت انا وراجلي ورفدت الطابلة وغسلت الماعن
نقيت الكويزنة خفيفة برك غبي فالويكاند درت تنظيف عميق
وليت نقيت الدوش والتوالات وعاودت بلعت التواقي ولبست
وخرجت للخدمة وزوجي راح يتسوق ومنوليش حتى للعشية
والفطور درت الراح بالزايد والخبز تاني

çràzy rihàb · 2016-10-17, 11:38

الله يبارك كامل شاطرات يبعد علكم العين ماماراه تبع فيكم ولاه دير كيما نتوما

جهينة اليقين · 2016-10-17, 11:58

اسيل نستعرف بييييييييييك حبيبتي العاقلة رحاب لماذا كارايزي هههههههههه اهلا بها ماماك وراهي شاطرة كي راهي تدير كيم احنا

omelbanin · 2016-10-17, 12:03

ام راضية، وليتي تجوزي عليا طريق ، ما تشجعيني، ما ديريلي ، وليت نزعف.

جهينة اليقين · 2016-10-17, 12:03

انا اليوم عملت الواجب الديني وطيبت القهوة وعجنت الخبز وغسلت لماعن ثم نظفت الشومبرة بوخفيف ورجت درت الفطور ثم طيبت الخبز وجات عندي واحدة عايلتي شدتني شوي وبقيت نخيط حتى لضرك لما يجو نحط الفطور وبعد الظهر ان شاء الله نزيد نخيط شوي المطبخ ما بقاليش بلاكار واحد ما خملتوش راهم مقلقينني على حوايجهم عندهم عرس كنت عجزانة عليهم

جهينة اليقين · 2016-10-17, 12:06

والله والو ام هارون راني رايحة نعلق عليك واش قلقك ههههه انت الشاطرة رقم واحد ولو هههه واذا ما شجعتكش انت شكون نشجع

omelbanin · 2016-10-17, 12:09

خلاص راهو طلعلي المورال، جهينة نقولك هاذي رحاب بنت أختنا لكبيرة، سما ختنا لي راهي تبع معانا. هههه. :d

hiba71dz · 2016-10-17, 12:27

شكرا على الدورة ممكن الأضمام

حياتي كلها امل · 2016-10-17, 13:21

يعطيك الصحة اسيل راكي ماشاء الله ربي يحفظك
ام البنين الكوشة رجعتيها عروسة
جهينة الغالية ربي يعاونك مع الخياطة والميناح والتخمال
اختي هبة اهلا بيك معانا تشرفينا

حياتي كلها امل · 2016-10-17, 13:24

انا تانيك اليوم غسلت الكوشة تنضيف عميق وحاولت نستعمل اكثر البيكربونات والخل في تنضيفها تهنيت منها وغدا انروح الى شيء اخر
وعملت الجدول الاسبوعي ايضا وربي يوفق الجميع

mariamalak · 2016-10-17, 13:30

السلام عليكم ماشاء الله الصفحة راهي منورة بتطبيقاتكم بصح ما فهمتش كيفاش تقدرو تخدمو الشغل و تكتبو و تصورو ههههه انا غير باش نطل عليكم ما قدرتش الوقت يفوت يجري و الشغل ما يخلاصش
اسيل راكي هايلة هناء تاع اليوتيوب روعة انا ثاني راني متبعتها و اعكاتني افكار
ام البنين الكويزينيار راهي تشعل بغيت نسقييك على الالمنيوم علاش درتيلها غير وين تشعل انا نغلفها قاع و نبقى غير نمسح و كي يتوسخ نبدلو يسهل عليا و تبقى جديدة ما تنجرحش

جهينة اليقين · 2016-10-17, 13:30

يا اختي راكم عايلة هابلة الله يبارك راكم استعمرتوا لنا المنتدى ههههههه