الجزئ 86 من واش طيبتي اليوم بسم الله تفظلو - الصفحة 26

أم ضياء عبد الرحيم · 2014-08-25, 09:11

أَوْتَآرُ الأَمَلْ الحزينة بجدارة دائمة الحمد R I A Dو Simassim
صباحكم فل و ياسمين حبيباتي

chez biba · 2014-08-25, 09:13

السلام عليكم ورحمة الله وبركاته
صباح النور عليكم كاااااااامل

lyzzabel · 2014-08-25, 09:18

صباح الانوااااار و الخيرااااات على خلة الأحباب و نهاركم طيب

ميمتي الحبيييييبة يا عمرييييي ربي يحفظك و يخليك على الدعاء اللهم امين و لك بالمثل يا الغالية ،، لا مازال ما رحلتش قلت للبنات بلي راني نفرز فالحوايج لي نديهم لداري باش نروح نستفهم على غرضي قبل ما نرحل ،، و الرحيل مازال ما بانش وينتا ،، و سورة البقرة دارها ن ع هاذي شحال من يوم بصح نعاودوها بإذن الله ،، موااااااااااااااح فوق الجبين

سمسومة ربي يخليك غاليتي غادي ندير بنص يحتكم بارك الله فيك ،، انا تاني مازال راني نخمم على الفطور ،، بانتلي شحال من حاجة بصح الوقت قليل

أوتار الأمل الزبادي بدون نكهة هو الياوورت الطبيعي yaourt nature

السعيدة بجدارة ربي يسعد أيامك حبيبتي

جيادا صباح الورد حبيبة ،، العصبان راهي قالت حنان بلي شراوه واجد و غادي بالاك اليوم ولا غدوة تديره و تحطه موضوع

داءمة الحمد و بيبا صباحكما اسعد غالياتي

اللهم ما اصبح بي من نعمة او بأحد من خلقك فمنك وحدك لا شريك لك فلك الحمد و لك الشكر

أم محمد تاج · 2014-08-25, 09:21

صباحوووو ياغاليات ونهاركم مبروك نشالله
الف اهلا وسهلا بالملتحقات الجدد الكوزينة كوزينتكم
روووعة واش حطيتو الله يبارك فيكم
واش بيها حنان وشكون هي بهاء الاسلام والله مافهمت فهمونيييييي

lyzzabel · 2014-08-25, 09:25

احلى صباااااح لأحلى قطعة سكرررررر حنان ما بيها غير الخير ،ً نظن دخلت لموضوع وفاة الأخت بهاء الاسلام و تأثرت ،، انا شفت فقط العنوان اعلى صفحة المنتدى بصح ما دخلتش قلت مين نقعد نشوف شكون هي نظن كانت عضوة فالمنتدى على حساب لي فهمت ،، ربي يرحمها و يرحم موتانا و موتى المسلمين جميعا امين

قوليلي واش فطورك اليوم باش ما نخرجش على الموضوع هاه ؟؟

chez biba · 2014-08-25, 09:29

الف شكر لكل اللي سقساو عليا
هاذ ليام ما رانيش ندخل بزاف راني مع التخمال، راح نرحل لبيتي الجديد ان شاء الله
كملت حوايج الصالون في الكارتون وتاع الكوزينة اللي ما نستعملهمش دايما
ليزا انتي ثاني ربي يسهلك حنونتي ويجعلها عتبة مبروكة ان شاء الله

Om moussaab · 2014-08-25, 09:34

صباح الانوار لحبوبات قلبي ليزابال مبروك عليك ان شاء الله عتبة مربوحة بيبا نتي ثاني مبروك عليك وربي يجعلها قدم السعد عليكم كيما يقولو المشارقة

أم ياسين الزهراء · 2014-08-25, 09:38

صباح الانوار

ام محمد هدي عضوة توفاة الله يرحمها راهي فوق في الاعلانات

لبنات الموضوع اللي حطيتلكم الرابط ماشي باش تخافو باش تحذرو برك وتتنتبهو لروحكم في التعارف

وليدي نسيت البارح نقلك امممممممممممممممممم واش راكي

رياض راني جاوبتك على لحظة شفتي

حنان حبيبتي كلنا ليها ربي يصبر اهلها

ليزا ربي يسهلك في الرحيل ويجعلها عتبة مباركة قوليلي ولادك يقراو

الغداء مازال عيت ومليت كينلقى واش ندير نخبركم يامكرشات هههههههههههههههههه

Om moussaab · 2014-08-25, 09:38

غدايا اليوم رشتة البارح للعشرة تاع الليل وانا معاها اولادي يسخفو غير على الحاجات الواعرين تقول يتوحمو

أم ياسين الزهراء · 2014-08-25, 09:39

بيبا عتبة مباركة وربي يوسع على كل اخت يارب

اهلا ام مصعب

malek nour hane · 2014-08-25, 09:42

السلام عليكم ورحمة الله وبركاته... صباحكم فل و ياسمين للجميع
حنان راني نستنا تعرفو العقلية خخخخخ
راح ندير شخشوخة ولا تليتلي إن شاء الله وحد البرد يقططططعععع

Om moussaab · 2014-08-25, 09:47

اهلين ام ياسين

أم ملك · 2014-08-25, 09:51

صباح الخير عليكم كامل واش راكم توحشتكم
يا ريت جيتو بحدايا تخفو علي راني في حالة نفسية و صحية كارثية اللهم لك الحمد
مانيش قادرة كامل نتحرك راني ثقييييييلة بزاف
ليزا مبروك عليك عتبة خير إن شاء الله
بيبا مبروك عليك بالربح و التوفيق إن شاء الله
العقوبة للي مازالو ربي يوسع عليهم
للفطور إن شاء الله ندير تشكشوكة فلفلة و فريت
اللهم لك الحمد كما ينبغي لجلال وجهك و عظيم سلطانك

R I A D · 2014-08-25, 10:02

صباح الخير مرة ثانية

ام ياسو حبيبة راني شفت جوابك هذاك النهار
و كي ندخل نلقاك خرجتي
يعطيك الصحة ..بصح دوك راني توسوست خاطر انا الحليب الاخر يوجعني و نشرب غير تاع الغبرة....

ام ملك واش بك حنونة؟؟غير الخير ؟؟ طهور ان شاء الله

بيبا مبروك عليك حنونة تدخليها بالربح و الهناء

ام مصعب عودة ميمونة ...خلعتينا عليك هذيك المدة كامل ... ...
الحمد لله كي راكي بخير

غدانا اسكالوب و فريت و سلاد و الحمد لله

استغفر الله و اتوب اليه

lyzzabel · 2014-08-25, 10:06

بيبا مبروك عليك السكنة الجديدة تدخليلها بالصحة و الربح و الهنا و ربي يسلكك و تقومي بالسلامة و تديريلنا فيها احلى طمينة ممممممم ،، اميييين
ام مصعب ربي يخليك حبيبتي و يفرج على الجميع ،، بصحتكم الرشتة ممممممم و رانا نخدمو على اولادنا ربي يحفظهم
ام ياسو احلى صباح يا الغالية ،، الله يسلمك و ينورك ،، حفيظ يدخل يقرا السنة الثانية و منذر عنده ربع سنين و نصف بالاك على ربي يشوف المدير كيفاش يكازيه و حبوبي منصف عنده عام و ربع اشهر ربي يحفظهم و يخليهملي امين

نورهان صباح النور رانا مازلنا نستناو فالصور ،، ما تقوليليش بلي ك ت مازال راه لاصق فالميكرو هههههههه

ام ملك الله يسلمك ،، أستغفري و اذكري ربي سبحانه ينحي عليك الغمة و التدقديق و الف لاباس عليك حبيبة ،، و بصحتكم التشكتشوكة و لي فرريت

درت صوتي دفو و نزيد لي بات ولا لي فريت هذاك ما يبغو كيما قالت تيتينا معشوقة الجماهير و سلاطة و الف حمد لله

اللهم انك عفو تحب العفو فأعف عنا