Mh47 الجزء الــــ84 من واش طيبتي اليوم - الصفحة 26

nihale89 · 2014-08-11, 08:48

صباح النور حبيباتي توحشتكوووووووم
هاذ كنت مع الفاتحة نتاع سلفي تعبنا بصح فاتت هايلة
وكلنا بزاف والخير كان بزاف درنا شخشوخة
بصح ماصورتش حشمت انشالله في العرس نصورلكم كلش

lyzzabel · 2014-08-11, 08:49

صباح الانوااااار و الخيراااات على خلة الاحبااااب و نهاركم طيب
لهوووومة على سلامتك و كل و انت و العاءلة بألف خير ينعاد علينا و على المسلمين بالصحة و الهناء ياااارب
ناري الله يبارك حلوياتك رووووعة يعطيك الصحة حبيبتي
طير الرحمة و نورهان و ام عبودة صباح الفل حبيباتي

الحمد لله الذي احيانا بعدما اماتنا و اليه النشور

lyzzabel · 2014-08-11, 08:51

نهال الف مبروك على سلفك و بصحتكم الرقاق ،، العقوبا لنهار نفرحو بكل البنات لي معانا ياااااارب اميييين

فطوري اليوم مازال ما قررتش عليه

طير الرحمة · 2014-08-11, 08:52

اقتباس:

المشاركة الأصلية كتبت بواسطة إلهام07

ربي يهنيكم حبيباتي يتوحشكم الخير والهناء والله كانت طروف عديدة :
1- جاونا 4 من وراء بعض من بداية رمضان حتان ليلة 27 وحنا من هذي لهذي كامل أقارب
2- زدت الهرج مع الخدمة والقاطة هاكو تعرفو
3- زدت مرضت انا اليومين الأخرين نتاع العيد والله وصلت للموت ورجعت
4- النت كانت مقطوعة قريب 10 أيام

جات من وراء بعضاها :d:d:d:d:d:d:d

راني نحمل في صور طيابي وقاطواتي ونرجع

حقة أم عبودة واش هذا الكفتاجي هاتولي نشوف ؟

ياعيييييني عليك لهوووووووومة ربي يرحمهم ويوسع عليهم
وانتى ساعفى على روووووووووووووووحك ركي عزيزة علينا بزاااااااف
النترنت دايما هكدا تاني احنا قطعوهالنا واحد تمانية اياااااااااااام
فى انتضار صور طيابك وحلويااااااااااتك
وكل جديدك

طير الرحمة · 2014-08-11, 08:53

مبرووووووك الفاتحة على سلفك نهاااااال ربي يهنيه ويسعده ومعليهش جيبيلنا الصور فى العرس انشاء الله
يصبحك بالخير ليزا كامل رانا مازال ما خممنا واش نطيبو هاتو نمدو افكار

lyzzabel · 2014-08-11, 08:54

اقتباس:

المشاركة الأصلية كتبت بواسطة إلهام07

ربي يهنيكم حبيباتي يتوحشكم الخير والهناء والله كانت طروف عديدة :
1- جاونا 4 من وراء بعض من بداية رمضان حتان ليلة 27 وحنا من هذي لهذي كامل أقارب
2- زدت الهرج مع الخدمة والقاطة هاكو تعرفو
3- زدت مرضت انا اليومين الأخرين نتاع العيد والله وصلت للموت ورجعت
4- النت كانت مقطوعة قريب 10 أيام

جات من وراء بعضاها :d:d:d:d:d:d:d

راني نحمل في صور طيابي وقاطواتي ونرجع

حقة أم عبودة واش هذا الكفتاجي هاتولي نشوف ؟

الف لاباس عليك يا الحبيبة الله لا يشوفك شر ،، الحمد لله على سلامتك و انشالله ترجعي معانا كيما كنتي مزهيتنا و مزهية المنتدى و طبعااا كلي شووووق نشوف الصورررررر

:d:d

malek nour hane · 2014-08-11, 09:01

سلام ليزا صباح الخيييبر يالعزيزة... شفتك فموضوع التعمير تاعك دوري ههه راهو مازال يحرق فقلبي.... كنت حانقلك ادخلي نصبح على غاليتي
صباح الخير نهال مبروك عليكم العرس و بصحتك الشخشوخة
الهاموووو الحمدلله عاسلامتك وان شاء الله خير.. إن شاء الله ضرك رتحتي مليح.... وربي يرحم جميع الموتى المسلمين
راني نستنا وقتاه تحطي ازربي ماصبرتش... لي تحطيها باسمها اوكييي هههه باه كي نجي نسقسي نلقا حسابي... وجدي روحك لتكسار الرأس عندي بزاااف ماسالتكش كيفاه ندير هاذي و كيفاه درتي هذيك خخخخ

Simassim · 2014-08-11, 09:03

صباح الخير عليكم ونهاركم مبروك ان شاء الله

malek nour hane · 2014-08-11, 09:05

صباح الخير سيماسيم إن شاء الله مبارك علينا و عليك حبيبتي.... هيا وش خممتو ديرو لغئا كشما نعاند عليكم؟؟؟

ام عبودة · 2014-08-11, 09:09

اللهلوبة الحمد لله على سلامتك. يا الغالية
والكفتاجي نروح نشوف ونولي

إلهام07 · 2014-08-11, 09:12

البسملة1

نبداو بالحلو على الصباح باش تفطرو

هذا كرام كراراميل بالنيستلي نتاع أم أماني راااائع ورانا دايرين بيه حالة والنيستلي راني نخدمو مانشريهش ربي يحفطلنا ام أنس

وهذو شريناهم كاستال وقطايف غاليين يشويو الحبة 70دج هذيك الصغيرة والقطايف 100دج

القطة نتاع الجيران ولات ساكنة عندنا طول عجبها التقلاش قاعدين نفطرو رجعنا للصالون لقيناها ولدت هذي الصورة من موقع الحدث هذاك وين ولدت

ياعمري يهبلو ضرك راهم كبرو شوية ولاو بقاقص

وهذا قراتان البطاطا نتاعي اللي مثبت في قسم المعجنات

بوراك

أرز بالكرام فراش والفطر والاسكالوب راااااااائع الوصفة من المنتدى والله روعة يهبل راهو في قسم الطبخ

مكلف شوية بصح البنة ممممممممممممممممم

كرام كاراميل النيستلي مممممممممممممممممممم

هذا مشروب الأنيس والاناناس مليح

روطي نتاع ماما

الشاي المثلج مممممممممممم هذا حبيبي رانا كل يوم السهرة بيه يبرد القلب

شطيطحة نتاع ماما

شروب الموهيتو ( شراب الليمون والنعناع على بالي وعدتكم بيه صابروني شوية برك ونحطو موضوع )

وصفة الأرز اللذيذة اللي وعدتكم بيها نحاول نحطها اليوم او غدا بحول الله هنا عندي غير قطع نتاع جاج فضلت برك

وهذي السلطة نتاعي مكملة مع الريجيم

روطي ماما

سلطة نتاعي نتاع الريجيم

هذا المطلوع نتاعي

شطيطحة دارتها ماما

كرام كاراميل ام أماني نتاع النيستلي ممممممممممممممممم

البطاطا المسروقة

الأرز اللذيذ نتاعي مع أفخاذ دجاج محمر محمر

هذي تحلية بالقهوة

وهذي مثلجات حطة من بعد نعاودها ونصورها ونحطها موضوع تليق للضياف تهبل تهبل

وهذا حساء البصل الوصفة نتاعي طبعا جربتوه كامل وعلى بالكم كيفاش بنينة

بيتزا بالمرقاز واللحم المفروم والكرام فراش والجبن الابيض والقرييار والكامومبير

بصح الكامومبير ماشي مليح اللي شراوهولي مايذوبش

وهذا قراتان البطاطا نتاعي ثاني درتو أول أمس للضياف ماتو عليه درت بزاف يومين وهوما يسحنو وياكلو عجبهم

وهذا درتهولهم البارح الارز نتاعي ثاني عجبهم بزاف وقالولي لازم تحطي الوصفة في المنتدى باش نهزوها بالصور والشرح

ضرك نجيو للقاطوات نتاع العيد :

قاطو النيستلي درتو في هذا المول الوصفة من عند خالتي نتاع دزاير اللي تخدم القاطو

خلصوه هو الاول يموتو عليه

غريبية باللوز

تشاراك بالعجينة السحرية والحشو لوز وحدو والسكر قلاصي درت الطريقة اللي شفتها في قناة سمية يعني مباشرة يترمد في السكر مانديرو في الشاربات يبقى يذوب في الفم روعة والسكر ماييبسش

هذا بنيون بالكاوكاو المحمص

هذا قاطو نتاع " رافاييلو Rafaello " بالنيستلي والشكلاطة البيضاء والنوازات والنواد كوكو مايطيبش

هذا قاطو الماكارون باللوز والجوز داراتو أختي بصح الحق ماذقتوش باش نقوللكم بنين ولا لالا اول مرة نديروه

قاطو الجلجلانية نتاع ام أماني

وهذو هليلات البيمو نتاع الاخت حفيظة جاني ناقص سكر هذا رأيي ماعلاباليش نتوما كيفاش جاكم

كي مرضت ماكملتش القاطو يعني هذا واش درت برك

وهذو بعثوهملنا ذواقات صحابات اختي

وهذا قريوش نتاع خالتي

وهذ ثاني قاطو بعثتهولنا بصح ذاب من السخانة

وهذو بعثتهم خالتي نتاع دزاير اللي مالفة نسرقلها وصفات القاطو

وهذو خدمتهم كوموند للناس جبتلكم تشوفو على بالي تحبو تقرعجو

هذا واش كاين كلش أصلا مانيش نطيب بزاف راهي القزيما هلكتني في يديا راني نبتعد على الطبخ وخاصة كي عدت ريجيم

نحاول نكتب موضوع الارز اليوم على بالي سمطت بروحي بزاف

malek nour hane · 2014-08-11, 09:17

ياسلااااااام حرام عليك هذا أكل...الله يبارك لهومتي كلشي ماشاء الله.... هيه الأرز رأكي مرقتيها خلاص هيا حطيه هههههههه...وإن شاء الله ربي يشافيك شوفي وحد طبيب لتم فسطيف راه مشهور عندكم

ام سهام 02 · 2014-08-11, 09:20

صباح الخيرات

ناري ماشا ء الله حلوياتك روعة
الهام عودة ميمونة وربي يشافيك
ملاك نوهان راني شرحت لك طريقتنا في الرفيس شفتها
نهال مبروك الفاتحة ربي يهنيه والعافبة امازالو
عطورة الله يبارك حلويات تحفة
طير الرحمة الله يخليك ركي مفرحتنا

اسماء47 · 2014-08-11, 09:22

صباح الخير على الجميع
ان شاء الله صبحتو بخير
الهام توحشناك بزاف على سلامتك و الله المنتدى بلا بيك سامط
البارح درت ماشتو و كثرث باه يقعدلي للغذاء اليوم مع الديسار اكيد
و جربت في اخر لحظة الخبز التركي انتاع ام اماني ربي يذكرها بالخير جاني هايل و راجلي عجبو بزااااااااااف
وين راكي يا ام اماني توحشناك عسى المانغ خير

nihale89 · 2014-08-11, 09:23

ليزا طير الرحمة شكراااا حبيباتي
لهومة مرحبا بيك ويعطيك الصحة متالقة كي العادة وربي يشفيك