من يشارك !????

[طالبة لها هدف]

انا اكملت دروس التاريخ للفصل الاول
رح ننتقل للشخصيات نحفظ على الاقل اهم 10 شخصيات

[Ghada ella]

المشاركة الأصلية كتبت بواسطة طالبة لها هدف

معليش غادة استغفري و كبري قلبك برك
موفقة

ونعم بالله والله بديت نفشل :/

[طالبة لها هدف]

المشاركة الأصلية كتبت بواسطة ghada ella

ونعم بالله والله بديت نفشل :/

نقلك حبسي كلش
استغفري شوية و الا حبيتي روحي صلي ركعتين و حاولي تنفسي على روحك بالدعاء و ارجعي
حقا سترتاحين

[سارة بسمة نادية]

المشاركة الأصلية كتبت بواسطة اميرة الطموحة

اختي اعلم انك لا تعرفينني وانا ايضا لا اعرفك ولكني اعتبرك اخت لي كباقي الاخوات في هذا المنتدى . وقد لمست في ردودك مدى الكابة والياس الذي تعيشينه بسبب عدم استغلالك للعطلة . وفقدك للامل بالنسبة للبكالوريا . اختي كلنا مررنا بهذه الفترة وحتى لو كنت متاخرة هذا لا يبرر بقاءك على هذه الحال. اسعي لتحقيق احلامك -زيري روحك مزال فصلان قدامك- لم يفت الاوان بعد . وكفي عن تدمير نفسك بنفسك . ان الشيطان يوهمك بانك حتى لو درست الان لن تصلي للنتيجة المطلوبة . فالحقيقة اذا واصلت هكذا حتما لن تصلي . شدي الهمة وانزعي عنك عباءة المثيرة للشفقة . نحن هنا جميعا نساندك صحيح . لكن يوم فشلك لن يحس بك احد . ستتضوقين مرارة الفشل لمفرد - فشدي الهمة وبرهني للجميع انك اقوى من تصوراتهم والاهم برهني ذلك لنفسك -نصيحة من اختك اعلم انك قد تقولين لي ما دخلك ولكنني اردت نصحك لا اكثر -اما على الفيديوهات التحفيزية انا كي نتفرجهم نولي نخمم في حاجة خرا والفيديو يمشي صنم من اصنام قريش ههههه-

عزيزتي بارك الله فيك..
الحاجة لي راهي غايضتي بزاااف هي اني درت برنامج مليح وبعد الاختبارات كتبت قع اخطائي واش لازم ندير راني ناقصة في هادي وهادي وامبعد مدير والو والو والو من واش كتبت ولا قلت،،،حسيت روحي انا لا شيئ لم التزم باي شيئ
ودوك زاد تاخر مورا تأخر وخااايفة خااايفة يا اميرة اني ننوصلش منوصلش لواش حابة صاي خلاص لعام
معرفتش كيفاش ننطلق للفصل الثاني ودوك راني قاعدة برك ما ني ندير والو معرفتش وعلابالي والله لندم عليها بصح...
اووووه اسفة

[~ قدس ~]

انعم لينة ني جيت ..

[rania17]

اشم رائحة التذمر والفشل ما بكن

[طالبة لها هدف]

المشاركة الأصلية كتبت بواسطة ~ ساجده لله ~

انعم لينة ني جيت ..

بما انكي تقنية اعتقد انكم تدرسون الفيزيا اكثر منا
_لا املك معلومات عن شعبتكي اسفة_
المهم هه جات الدالة عليا داك النهار انا نصحت ريان وش دير
مي مام انا حبيتك تنصحيني الوحدة الاولى وش ندير معاها
مين ذاك نشوف تمرين فيه فكرة جديدة
الوحدة 1 متنوعة بزاف كيفاش نلم بجميع افكارها

[rania17]

انسيتن يوم تعلن النتائج يوم الفرحة يوم اعلان نجاحك يوم سحقك لصعاب التي واجهتك في مسيرتك الدراسية يوم تذرف العيون دموع الفرح يوم تجازون على تعبكم انه ليس ببعيد لذلك سنهيء انفسنا لاستقباله هيا (باك 2018)نحن قادمون

[طالبة لها هدف]

المشاركة الأصلية كتبت بواسطة rania17

اشم رائحة التذمر والفشل ما بكن

اهلا رانية
هه لالا مش انا
_اكي تعرفيني قوية و مش بالساهل نفشل_

[سارة بسمة نادية]

انا انا انا يا رانية،..راني حجرة

[طالبة لها هدف]

المشاركة الأصلية كتبت بواسطة سارة بسمة نادية

انا انا انا يا رانية،..راني حجرة

سارة نحكيلك انا وش صرالي و قوليلي معليش _تسمعيني_!!

[rania17]

علابالي حبوبة انتي اقوى مني هههه راني نتمسخر مكاش لي يلحق قوتي ههههههههه استغفر الله القوي هو الله اسمعي لينة ليوم نشوفوا شكون لي يرقد بكري )هو فاشل (اوكي باي ماذا تدرسين

[~ قدس ~]

والله لينة وش نقلك انا ايضا مازال ما الميتش بكل الافكار .. بصح بما انكم علووم ما يصعبووش يااسر .. قال قادر تحلي الفيزيا تاعكم وتاع التقني .. كل البكالوريا السابقة .. على ما أظن هذا كافي والاهم انك تولي فاهمة الدرس وتعرفي في الرياضيات مثلا علاقة تقولي ندير هكا وهكا تجي هكا ولا هكا وهكا تجي هكا .. وصدقيني سااهلة تقولي بلي قد ما قريت ما جمعتش كل الافكار بصح لي حليتيهم كافيين ويجيو كيف كيف انت برك حاولي الباك لي تحليها تولي فاهمتها .. بسطيها ..

[rania17]

المشاركة الأصلية كتبت بواسطة سارة بسمة نادية

انا انا انا يا رانية،..راني حجرة

ماذا اصابك سارة هل خيم عليك الفشل استغفر الله هادا مشي امتحان الدنيا هاذا مجرد امتحان صغير بالنسبة للامتحان لي رانا فيه مكاش حاجة صاعبة اقسم لك اسمعي ادا قعدتي تتحسري على الوقت الضائع اعلمي انك تضيعين الضعف استغفري وابداي في هاذي الدقيقة اجبدي دالة اسية وحليها كمقبلات ومنبعد ادخلي في خوض الحرب لا للهزيمة الباك انسان فاشل بصح يلعبها يخوفنا حنا باذن اللله نتفوقوا عليه وسترين

[طالبة لها هدف]

اول شيء انا ممن كانت معدلاتهم في الثانوية لا تتجاوز 11 للاسف -_- بعد ما كنت من الممتازين
المهم لحق عام الباك و مكاش كيفاش نهرب مستقبلي رح يتحدد من هذا العام من الصيف درت حاجة في راسي
بلي رح نحقق الهدف و ما نكذبش عليك جاتني ليام وين تهاونت و الكراس ما نشوفوش مي هكذاك منخليش روحي نفشل لخر معدلي لحق 15.24 المستشارة تع المؤسسة تصدمت بيا قاتلهم هاذي الطفلة جامي سمعت بيها لحق الباك باش بانت
نحكيلك على العطلة الاسبوع الاول جاونا فاميليتنا من العاصمة فاتوا 3 ايام جاونا فاميليا من خنشلة و ممبعد مرضت _لحد الان مزالني مريضة _ مي نكافح
انا بديت نقرى من الاسبوع الثاني مي خططتلوا مليح عندي 7 ايام و عندي 7 مواد _علوم.رياضيات.فيزيا.ادب.تاريخ.جغرافيا.شريعة._
اللغات و الفلسفة حدث ولا حرج المهم
هاذ ليام راني نكافح بلي عندي و ما استسلمتش
نتي تان لازمك تعاودي تبداي