الجزء 183 من واش طيبتي اليوم كوزينة القلب الصافي و الذراع الوافي - الصفحة 25

حياة نور الدين · 2017-10-31, 15:13

شربة لسان الطير وليزابا

شوفلور وبطاطا مقليين وسلطة

مقرون صوص بيضاء بالفرامج

بيان 5 · 2017-10-31, 15:15

السلام عليكم توحشتكم
هاذ ليام عندي لماصوا رانا نسقموا حوايج في الدار علابيها ماقعدتش
ما شاء الله عليييييكم ويعطيكم الصحة على الاطايب كامل حيوتة سحابة رزيقة طيور امنية ام فاطمة ام هدول نهال ام يوسف ملاك وكل وحدة حطت طبق نقلقا يعطيك الصحة وربي يباركلم في هذوك اليدين ويعطيكم صحتكم ويحفظلكم وليداتكم ويهنيكم آمين ياااااارب
والله راني ندعي من قلبي
اللي نسيت اسمها تسمحلي راسي ضرني مانيش مركزة

طيور الجنان · 2017-10-31, 15:21

حياة اختي اذا ممكن طريقتك في الشربة بلي زابا تبان هايلة.
بيان اهلا اختي ربي يعاونكم ان شاء الله و بالشفا عليك

حياة نور الدين · 2017-10-31, 15:22

واخيراااا لحقنا للحلو

بسبوسة امممممم

صابلي وصفة حبيبتي ام رويدة يااا رب نسمعوا عليها الخير

تارتولات بالموز ونيسلي كرامال امممم دوق تحفففة

حياة نور الدين · 2017-10-31, 15:27

نهال حبيبتي ترحب بك الجنة ويفرح بك النبي ان شاء الله وربي يحفظك ويخليك حبببتي على كلامك الزين وراه كلشي في خاطرك يا العزيزة

سعيدة حبيبتي مرحبا بك انت وترحب بك الفردوس اختي وربي يحفظك ويخليك على كلامك وبالنسبة لسؤالك مفهمتش وصفة الشربة او ليزابا

بيان ربي يقدركم ان شاء الله وبصحتك مسبقاا على بالي المراة تفرح كي تسقم الدار بالرغم من التحرحيرة مي كلشي يجوز

انا هي رزيقة · 2017-10-31, 15:39

قلت نضرب طلة صغيورة بما نو معنديش خدمة بزاف اليوم لقيت دخلت حبيبة قلبي حيوتة يا عمري الف هلا بيك و بهذوك الاطايب الزينين امتعتينا حبيبتي و الله باين بلي غدوة اول نوفمبر يا بنات ........ خخخخخخخ راهي وليمة كبيرة في القسم ........ خخخخخخ هذو هما الجزائريات بنات و حفيذات جيل اول نوفمبر مشاء الله و تبارك الرحمان ...... ربي يبعد علينا عيون الحسادين برك ........ خخخخخخخ اختي بيان مرحبا بيك حنونة .. حقا اختي فيفي سلام خاص مني ليك و الله تعجبيني بزاف راكي في الغربة بصح محافظة على اكلات بلادنا الجملية تفكريني بوحدة الفحلة كانت معانا هنا في القسم بصح هي ساكنة في ايرلندا شكون تشفى عليها يا بنات هي ام سدرة..... اختي ام سدرة الا راكي فايتة من هنا سلام حار مني اليك من الجزائر الحبيبة

طيور الجنان · 2017-10-31, 15:46

حياة ماديريش عليا نكتب بيدي و عينيا مع ولادي نقصد لي زابا .

انا هي رزيقة · 2017-10-31, 15:46

و بما انو اول نوفمبر نزيدو نزهيو القعدة لحبيبتنا امنية و نحطلها بعض الصور الاخرى .....ياك قلتلكم ولاتني النفحة ...... خخخخ هذي لوبيا حمرا نتوما تقولولها غريني على ما اضن سلطة فلفل مشوية مبسس بزيت الزيتون راكي تسمعي امنية ....... خخخخخخخ و هذا بينيي باذنجان ياي هايل بكل المقاييس لمحبي الباذنجان .. تقطعي الباذنجان تاعك دوائر بحوالي نصف سنتمتر و من جهة اخرى تخلطي بيضة مع نصف كاس ماء و حوالي 4 ملاعق فرينة مش معمرين و رشة كركم و فلفل اكحل و كمون و ملح مع رشة خميرة كيمائية و تخلطي مليح و من الاحسن تخلي الخليط يريح حوالي ربع ساعة و تغطسي الدوائر تاعك و تقليهم في زيت غزير على نار متوسطة .... ياي ميتشبعش ...... خخخخخخخخخ

nihal159 · 2017-10-31, 15:46

يافرحتي؛ قلبي الصغير رايح يحبس من الفرحة؛ لحباب لكل تلمو ليوم و شفنا إبداعاتهم.
حبيت نقولكم؛ عيد وطني سعيد كل عام و بلادنا بخير و ربي يدوم علينا نعمة الأمن و السلام و إن شاء الله تتحسن أحوال بلادنا.
أتهلاو في رواحكم و ماتنساوش تصورو أطايبكم للكوزينة هههههه

انا هي رزيقة · 2017-10-31, 15:48

خلاص هذا معندي يا بنات ..... خخخخ نخليكم في امان الله و الى فرصة اخرى اذا حب ربي

طيور الجنان · 2017-10-31, 15:50

ماشاء الله على الحلو يشهي خاصة هاذوك لي تاغتولات يهبلو.
رزيقة يعطيك الصحة على واش زدتي حطيتي الله يبارك امراة و نص.
رزيقة ايه ام سدرة نشفا عليها ان شاء الله تكون و خير

حياة نور الدين · 2017-10-31, 15:57

رزيقة القلوب عند بعضاها حبيبتي وربي يخليك ويحفظك
وقوليلي البدنجان ميجيش مزيت قصدي ميشربش الزيت

طيور حبيبتي من عيوني نعملها صورة مصورة ونحطهالك

نهال كل عام والجزائر بخير ويا ربي ترجع كما زمان بخيرها وجيلها الفحل يااا رب

حياة نور الدين · 2017-10-31, 16:06

رزيقة في امان الله وربي يعاونك ويفرحك يااا رب
والله البارح تفكرت ام يسرا وام سيدرا ربي يذكرهم بخير

سعدودة تفضلي الوصفة

نخليكم في امان الله خياتي والى الملتقى باذن الله

انا هي رزيقة · 2017-10-31, 16:10

اقتباس:

المشاركة الأصلية كتبت بواسطة حياة نور الدين

رزيقة القلوب عند بعضاها حبيبتي وربي يخليك ويحفظك
وقوليلي البدنجان ميجيش مزيت قصدي ميشربش الزيت

طيور حبيبتي من عيوني نعملها صورة مصورة ونحطهالك

نهال كل عام والجزائر بخير ويا ربي ترجع كما زمان بخيرها وجيلها الفحل يااا رب

نو نو حيوتتي ميجيش مزيت خلاص .... بالعكس الخليط يمنع انو يتشرب الزيت .... غير جربيه على ضمانتي ... على فكرة انا نحب نقشر الباذنجان تاعي و كاين لي يحب ياكلو هكذاك .....و هذيك الكمية تع الخليط درتها ل2 باذنجانات متوسطات ...بصح هي وصفة زاكية الله ابارك و تقدري ديري بيضتين يف الخليط على حساب كمية الباذنجان لي عندك...... ربي يخليك على الدعوات الطيبة حنونة ...

سحابة باردة · 2017-10-31, 17:28

مساء النور والكوزينة منورة اليوم بالحباب ويافرحتي بدخول الغالية حيوتة ونهال غناتلك أغنية وردة ونا نغنيلك أغنية العيد زيُنو نهار العيد صح عيدكم مواح مواح يالغالية والله اليوم عيد الكوزينة زاد جمالها بيك وبأطباقك العضيمة الله لايحرمنا منك وماشالله عليك كي العادة فحلة الفحلات حقا حتى أنا جربت البيتزا وجاتني روعة وحطيتها في كوزينة محبوبة الجماهير أمنية
زيكا نورتينا حتى حنا توحشناك بزاف والدجاجة هذيك عتنطق من جمالها راكي رجعتيها غزال محمر ياعيني على الفن والباني الدنجال أنا ثاني نخدم بنفس الطريقة تقريبا منذ سنوات وشابة وكأنك مقليتيهش في أي زيت
أم هدول المرحة الفحلة بسبوسة التمر داير حالة الله يبارك ونهولة تطبيقك رائع وكلشي من يديكم يشهي
سعدودة وفيفي أم فاطمة الله يبارك عليكم راكم قايمين بالكوزينة كيما يلزم
مولات الخيمة رغم العمل بصح النشاط والأطباق لم تقصري برافو ماشالله وراني شريت التفاح إتنضري تطبيقي للكيكة
اللي نسيتها تسمحلي ياخياتي لازمني موتار باش نلحقكم هههه شاهذا
نجيب طياباتي ونرجع