"◦˚ღيوميات ربة بيت في رمضانღ˚◦"

[حياتي كلها امل]

السلام عليكم وصبحكم الله بكل خير دخلت على خبر نجاح نسومة الف الف مبروك ويارب تخدمي في المكان الي راكي حباتو .
ام صبرين يارب تدخلي ايضا وتفرحينا

[omelbanin]

السلام عليكم، وصباحكم سعيييييد. مبروك عليك حبيبتي نسمة، وانشالله تدخل ام صابرين وتبشرنا بنجاحها.

كيما قلتو البنات لازملنا دورة جديدة نستعيدو فيها نشاطنا.

[houda 26]

صحى عيدكم كل عام وانتم بخير

[oum sabrin]

السلام عليكم حبيباتي و جمعتكن مباركة
للاسف ما نجحتش في النتائج او بالاحرى ما خرجتش في الترتيب لانو معدلي قريب 13 و لكن غير مقبولة حسب الترتيب
قدر الله و ما شاء فعل البارح و الله ما قدرت نكتب طاحلي الموغال و راجلي مسكين ما خلانيش دقيقة يحاول يواسيني حتى الدراري هو رقدهم قالي انت ريحي
مبارك للناجحين حبيبتي نسمة الف مبروك ربي يكتبهالك في الخير ان شاء الله
راهم يتكلموا على القائمة الاحتياطية بصح ما رانيش حابة نطمع روحي بالاحتياط و ما عنديش فكرة عليه
سمحولي قلقتكم معايا بالنتائج و ادعيتولي ربي يحفظكم
ام هاجلر و ام هارون يعطيكم الصحة على القاطو انا صورت نحاول من بعد نطلعهم و نحطلكم حلوتي

[omelbanin]

السلام عليكم، حبيبتي ام صابرين، خيرها في غيرها والنجاح الكبير كي كسبت زوج حنين وتلقايه في وقت الشدة.

[حياتي كلها امل]

ام صبرين مااقلقيش روحك كل شيء بالمكتوب ولعله خير وصحة والعافية هي الصح وربي يباركلك في زوجك يحفظلك اسرتك

[جهينة اليقين]

الف مبروك نسمة وام صابرين لعله خير باش تتلهاي بوليداتك الدنيا وما فيها ونقول لك بنتي ما كانتش حايبة تربح غير باش ترضيني دخلت المسابقة

[ام هزار]

صباااحمك مبارك بكل خير و طمانينة
كتبت البارح مساء رد لكن ما عقبش . المهم الف مليار تليار مبروك لك حبيبتي الغالية نسووووومة و العاقبة للمزيد من المسرات . اما بالنسبة للتحويلات قبل الترسيم اذا كان داخل الولاية اجري و ابحثي على مكان شاغر في اي مؤسسة تعليمية و من بعد ديري طلي للمديرية من اجل التحويل و طبعا اذكري فيه الاسباب . اما خارج الولاية قبل الترسيم ما عندي حتى فكرة للاسف و لو انو بالمعريفة ممكن تسلكي حوالك باذن الله تعالى
ام صبرين حبيبتي الله اعلم بالخير وين يكون . و محال يضيعلك تعبك اللي تعبتيه . اكيد فيه حكمة الهية لصالحك من وراء هذا الترتيب . معدل 13 ماهوش قليل . يعني تنجحي بيه بسهولة . الواضح و دون شك ان المولى سبحانه و تعالى يسير فيك لامر اخر فيه خير كثير لك فلا تقنطي بل ابشري غاليتي و ثقي بالله و لا تحزني . ستاتيك البشارة و لو بعد حيين
ام هارون شكرا حبيبتي على الوصفة لكن لاحظت ما فيهاش الفرينة . و زيد طريقة التحضير مع النصائح .راني فاهمة الطريقة بصح نحب الشرح استحمليني حبيبتي و كملي خيرك ربي يجازيك خير . الحقيقة جاك متحووووووف يهبل ربي يباركلك في صحتك
ام ادم توامي و ام لينا شكرا لكما على التعاطف و الفرحة معي بحالة الوالدة . ربي يفرحكم و يهنيكم امين
البقية يومكن موفق . سلاااااام

[ام آدم]

السلام عليكم حباباتي
لف الف مبروك نسمة ولعقوبة لتحقيق كل الاماني تباعا يا رب
ام صابرين حبيبتي والله ما تدري الخير وين راكي شفتي حكايتي مثلا شحال غااضني التعليم وشحال تقلقت و في الاخير جاني قسمي قدام داري ربي يرزق المومنين كل

[arwa alaa]

الف مبروك يا نسمة
ام صابرين حنونة ربي يوفقك ويعطيك ماتتمناي ومتقلقيش روحك يخي قالك وحد النهار راجلك راكي في دارك معززة مكرمة وبلاك العام الجاي تتوفقي في المسابقة

[arwa alaa]

الف مبروك يا نسمة
ام صابرين حنونة ربي يوفقك ويعطيك ماتتمناي ومتقلقيش روحك يخي قالك وحد النهار راجلك راكي في دارك معززة مكرمة وبلاك العام الجاي تتوفقي في المسابقة

[omelbanin]

ههههههه، ام هزار نسيت ماكتبتش الفرينة، حبيبتي نشرحلك بكل سرووور.

اولا المارغارين 250غ، لازم تكون طرية يعني تخرجيها من الثلاجة على الاقل ساعة قبل ماتخدمي بيها، تحطيها في الليان

اظيفي كاس السكر الرطب، وخلطي حتى تصبح مثل المرهم، اظيفي صفار بيضتان، ثم بيضة كاملة وتخلطي حتى يختفي ا

البيض، ديري لافاني مغيرفة، ثم كاس كاوكاو محمص ومطحون رقيق، وخلطي، ثم الخميرة مغرف صغيرة، واخيرا الفرينة بالتدريج حتى تولي عندك عجينة طرية.

شكلي كويرات صغار، واحشيهم بالقطعة صغيرة حلقومة وقليل من حلوة الترك، وتغلقيهم، وتحطيهم في المول المخصص

تاع هاذي الحلوة. وتحطيها طيب، كيطيب وتبرد نحيها من لي مول، ونفس المول ديري فيه شوكولاتة بيضاء تكوني

ذوبتيها في حمام مائي واظفتيلها شوية حليب، ديريها بالبانشو في المول وقبل ماتنشف حطي الحبة نتاع الحلوة، كملي

كامل المول، خليها تجف، ومبعد نحيها، وزينيهها بملمع غذائي، انشالله نكون شرحت مليح استااااذة تعطيني نقطة مليحة هههههههههه.

[omelbanin]

ام هزار، هاهو المول ولي قدامو الملمع الغذائي،

[ام هزار]

يا ام هارون و الله اضحكتيني اضحك الله سنك . و ربي يفرحك
حقيقة انا طلبت الشرح و قصدت بيه كانش دي زاستيس باه تنجح الحلوى بلا شك . لكن ما شاء الله عليك حبيبتي قدمت لي درس خصوصي و لا اروع . و ربي يجازيك خير . اكيد كاين معانا اللي يتابعو فينا في صمت و فيهم المبتدئات و رايحين يستفادو من هذا الدرس الخصوصي المجاني باذن الله
انا واش قصدت انو كاين اللي عملو الحشو بناسلي و تنفخت الحلوى اثناء الطياب باثر الخميرة و ساح لهم الناسلي على المول كامل و اضطروا يركبوا حبة فوق حبة و راهم بعثولي منو . ايمالا انا حبيت و صفة مضمونة . و زيد تاعك ما شاء الله متحوف و خاصة الشيكولا اللي زينت بيها الحواف . و كاين اللي شفتو بلون وردي اكيد مخلطين الملون مع الشكولا البيضاء
المهم اكرر شكري و اعجابي بتفانيك في العمل حتى في الشرح . يعطيك الف عافية و صحة عزيزتي
و العلامة الكاااااااااااااااااااااااااااااااااااملة

[جهينة اليقين]

السلام عليكم يا فؤاشات واش احوالكم راكم تصليو الفجر انا دار عليا التعب تاع رمضان راني ننوض بالسيف ونقرا غير صفحتين من الورد ونرجع نرقد يخصنا دورة جديدة لنحافظ على نشاطنا