قاطو إقتصادي بالفلان على شكل عرايش هااااايل

[amateur dz]

شكرا

يعطيك الصحة

[wassim1996]

الله يبارك يعطيك الصحة

[fella987]

و اخييييرراااا لقيت هاد الوصفة حوست عليهاا شحالل و سبحان الله لقيتها الان

[amanibratz]

المشاركة الأصلية كتبت بواسطة الصوامعية

الســـــــلام عليكــــــــــم جميعــــــا

اليوم جيتكم بقاطو سمعتو في إذاعة عين الدفلى جربتو خرجلي هااااااايل إقتصادي جدا ميستحقش مقادير كثيرة صدقوني يذوب فالفم يوالم في المناسبات نخليكم مع المقادير وطريقة التحضير والصور من مطبخ الصوامعية والحكم يعود إليكم

المقــــــــــــــــادير

- 250 غ مرغرين طرية
- 5 مغارف كبار سكر قلاصي
- 3 صفار بيض
- علبة فلان فاني
- 1 خمارة كميائية ، مبشور القارص ، فاني ، فرينة

التحضيــــــــــر

في صحن نحط كامل المقادير مع بعض مرغرين +سكر + صفار البيض + فلان + فاني و مبشور القارص نخلط الكل مع بعض مليح مليح ثم نلمها بالخمارة و الفرينة حتى تولي عجينة طرية نخليها تريح شويا ثم نحلها بالحلال ونقطع الأشكال لحبينا أنا خيرت الطابع نتاع عرايش دريهم في سنيوة ودخليهم للفرن حتى ينشفو كي يبردو دريلهم الطلية وشبحيهم بالفرمسال انا تعمدت نشبحها بالفرمسال باه نأكدلكم بلي إقتصادية
بالنسبة للطلية كل وحدة طريقتها ببياض البيض مع السكر أو بالفوندون أنا درت كاس حليب + فاني وضفتلها السكر قلاصي حتى تحصلت على طلية نخليكم مع الصور باه تفهمو أكثر
/color]

[img][/img]

[img][/img]

[img][/img]

[img][/img]

[img][/img]

[img][/img]

[img][/img]

[img][/img]
[img][/img]

[img][/img]

هذا القاطو نهديه لأختي ام خديجة 1 و الغالية oussama لتشجيعهم المتواصل و الدائم لي ربي يحفضكم ويخليلكم كل واحد عزيز عليكم
وهذا الصحن لكل واحد دخل إلى موضوعي أنا في إنتضار الردود لا تبخلو عليا

[img][/img]

[نور الهدى التبسية]

مشكورة
لكن لم تظهر الصور

[ريم اياد]

شكرااااااااااااااااااااااااا

[HANDA14]

يعطيك الصحة و العافية باين بلي يخرج ملييييييييييح