الجزء 106 من واش طيبتي اليوم, معا لنتعلم فنون الطبخ - الصفحة 24

malek firdaouss · 2014-12-24, 11:15

اقتباس:

المشاركة الأصلية كتبت بواسطة lahna moka

أم ريان عبد الله بارك الله فيك على التوضيح هاكا راني حابة تكوني معانا و تشاركينا بخبراتك

ملك فردوس تفضلي حبيبتي
https://www.djelfa.info/vb/showthread...e1%ca%d1%df%ed

شكرا لك اختي بارك الله فيك

rahma2014 · 2014-12-24, 11:24

صباح الخير عليكم يا بنات لهنة اطباقك روعة

lahna moka · 2014-12-24, 11:48

رحمة شكراااا حبيبتي و فرحت كي عجبوك
سلمى شكرا و بارك الله فيك أختي
غذانا راهو واجد اللي حابة تجي اهلا و سهلا و روووضة حبيبتي دوك انا نجيك ضيفة على جال الشخشوخة

Simassim · 2014-12-24, 11:51

لهنة نجي نفطر اممممم عالسردين تاع البلاد كيفو ماكانش هنا قليل
فطوري تبدل درت الزيتون
رحت نغسل القش صبت الماكينة خسرت وااااع نقسملكم حاجة حاجة تغسلوهم.

lahna moka · 2014-12-24, 12:37

سمسومة طبعا حتى تقولي ارواحي و نفطرو و نتشايخو
دائمة الحمد غاليتي بلا ما تشقايلي يا حوجي انا نجيك و على عيني و راسي نجيب عطورة و سمسومة و نجو عندك ممممممممم جماعة و لا احلى
أمال حبيبتي السردين كي نشريه نحطو في ما بارد و نبدا ننقيه من الراس و الامعاء و بعدما نكمل نغسلو مرتين او ثلاثة بلا ما نضغط عليه غير باش تتنحى هاذيك القشرة و اذا بغيت نديرو دولمة كيما ليوم ننحيلو الشوك عادي بلا ما يتفتت
ملاحظة: اللي يتفتت هو السردين القديم يعني يكون معروض للسخانة اما الجديد تلقاي صعوبة بسيطة باش تنحي الشوك لانو اللحم لاصق فيه.
اولادي حبيبتي ربي يفرحنا كامل و يسمعنا غير الاخبار السارة يا رب الحمد لله طمنتينا على اختي الامنيات و هاهو غذاك مممممممم

طالبة حبيبتي صح غذاك
نهال حبوبتي مرحبا و شكرااا على المباركة بصحتكم البيتزا ممممممممممم

دائمة الحمد · 2014-12-24, 12:02

سلام حبيباتي
عطورة والله قتلتيني بالضحك علابالي بيك تحبيني
والله امس النت لي عملتها بيا التالي ما نقدرش على التغيب على كوزينتنا
لهنا بصحتك الغدى يشهي
نشقالك ونجي نتغدى

ام محمد 05 · 2014-12-24, 12:10

لهنة حبيبتي ممكن طريقتك بالتفصيل في تحضير السردين هههههههههه حتى كي غسليتيه حليتيه من داخل ومفسدلكش انا موالفة نحلو يتفتتلي

awladi · 2014-12-24, 12:17

السلام عليكم وصح فطور الجميع عشانا وفطورنا والحمد لله مطلوع وسلق والماسدوان تاجلت لليوم راهي واجدة خص غير البيض شريت وجيت ونسيت مارغرين للقهوة ندير شوية مقروض توحشناه اسماء ادي بنتك للطبيب راهي مزالت صغيرة حنونة سلمى مرحبا بك وشاركينا اطباقك ووصفاتك

عطرالذهب · 2014-12-24, 12:18

ام سراج وملاك في عوايدنا المولد يدو عشا طايب شخشوخة او كسكس وتوابعه قيس العائلة برك نسموه عشا المولد
وحاجة نتاع لبسة جبة او غوب مونطو وحلويات وحنة

awladi · 2014-12-24, 12:20

وهذا الحلوى ليكم ربي يسمعكم الاخبار الحلوة لهنا كوزينتك مربوحة عليا اليوم سمعت خبر مليح والحمد لله ياربيصفو القلوب بينتكم رانا اليوم اهنا وغدوة مانعرفريهام الامنيات راهي مليحة والحمد لله ان شاء الله تدخل

awladi · 2014-12-24, 12:26

فال الخبر الي سمعتو اليوم ربي يفرحكم كاملام سراج ادي واش تقدري حنونة احنا يدو طمينة في طبسي الكبير تاع طعام تاع العراس ومزوق تهلكي جيبك ويدو كوسمتيك وحاجة تاع الشتاء ليها مونتو وليماها جبة تاع الشتاء وتريكو تاع الصوف ويدو زوج جاجات والطعام والفواكه وسنوة حلوة تكون يا مقروض ولا قريوش حاجة معسلة ربي يهنيه خوك ولعقوبة الي مزال

طالبة الجامعة · 2014-12-24, 12:29

بصحتكم واش فطرتوا كاملين

nihale89 · 2014-12-24, 12:34

الف مبرووووك الكوزينة ان شاء الله تكون فال خير علينا كامل
غدايا بيتزا

أنواار الإيماان · 2014-12-24, 12:48

سلااااااااااااااااااااااااام كيفكم يالغاليات الفحلات
من التطبيقات لي ماحبوش صورهم يظهرو في الموضوع
قراتان الكرم لام اماني محاجب بالشحمة المذابة لا رامي
وخبز فريال الرائعة وطريقة تجميد الفراولة لام اسلام جربوها راهي هايلة

أنواار الإيماان · 2014-12-24, 12:49

وراني درت الفاني نتاع ام سهام مزال مانشفوش القشور مليج كي نرحيهم نصور