الجزئ 86 من واش طيبتي اليوم بسم الله تفظلو - الصفحة 24

ام سهام 02 · 2014-08-24, 22:33

صح عشاكم ويعطيكم الصحة واش حطتو

تعشينا الطعام باللبن والرايب وعنب والحمد الله

hanane220 · 2014-08-24, 22:37

انا سمحولي راني رايحة ما قدرتش نكمل و الله رسالة المرحومة بهاء الاسلام بكتني حتى ماما بدات تعيط عليا الله يرحمها و سمحولي لبنات لي مرديتش عليهم في الغد

دائمة الحمد · 2014-08-24, 22:44

ام سهام صحة عشاك
نحنا الرخساس عنا ماكولات تجي غيربيه كيما العدس والجاري غير ساعات نعملوهم بكسرة الفوروالرجال تاعنا يموتو على الرخساس
وثاني يشربو بيها الحليب كيما الكسرة الاخرى

ام سهام 02 · 2014-08-24, 22:49

شكرا حبييتي دائمة الحمد المرة الجاية ان شاء الله انديرو مع العدس

رانا نتعلمو عادات بعضنا البعض

lyzzabel · 2014-08-24, 23:30

صح عشاكم حبيباتي و يعطيكم الصحة على واش طيبتو وحطيتو ،، ربي يدوم عليكم النعم
اولادي يعطيك الصحة حبيبتي البغرير يشهي مالغري ما نبغيهش بزاف مي تاعك شهاني و بصحتكم لي ميني كيك صالي و الكفتاجي ياك ولا راني غالطة
داءمة الحمد بصحتكم الرخساس و الميني بيتزا حبيبتي
حنان يعطيك الصحة كلشي يشهي
ام سهام بصحتكم الطعام ممممممم شحال نبغي السفة سيييييرتو تاع غيري هي و الطعام بالمرقة مانيش عارفة علاش هههههه ،، حقا بغيت نبهك بلي الرخساس لي يديروه أهل الشرق حاجة و الفطير تاعنا حاجة اخرى ماشي كيف كيف
ام ياسو الغالية شكرا على الرابط حبيبتي ان من قسم الطبخ ما نزيدش و الحمد لله لبنات قاع نعرفوهم ربي يجيب الحفظ و يبعد علينا و على البنات كامل ولاد الحرام
ام سراج و نورهان و جيادا بصحتكم واش طيبتو حبيباتي

راني كاااااوووووو مالتعب و الحمد لله على كل حال ،، شكرا لكل وحدة باركتلي ربي يخليكم يا غاليات ،، دعواتكم بتيسير الأمور و الفرج
تصبحن على الف خير والى الغد بحول الله عز و جل

اللهم لا اله الا انت سبحانك اني كنت من الظالمين ،، أستغفرك و أتوب إليك انت التواب الرحيم

lyzzabel · 2014-08-25, 09:18

صباح الانوااااار و الخيرااااات على خلة الأحباب و نهاركم طيب

ميمتي الحبيييييبة يا عمرييييي ربي يحفظك و يخليك على الدعاء اللهم امين و لك بالمثل يا الغالية ،، لا مازال ما رحلتش قلت للبنات بلي راني نفرز فالحوايج لي نديهم لداري باش نروح نستفهم على غرضي قبل ما نرحل ،، و الرحيل مازال ما بانش وينتا ،، و سورة البقرة دارها ن ع هاذي شحال من يوم بصح نعاودوها بإذن الله ،، موااااااااااااااح فوق الجبين

سمسومة ربي يخليك غاليتي غادي ندير بنص يحتكم بارك الله فيك ،، انا تاني مازال راني نخمم على الفطور ،، بانتلي شحال من حاجة بصح الوقت قليل

أوتار الأمل الزبادي بدون نكهة هو الياوورت الطبيعي yaourt nature

السعيدة بجدارة ربي يسعد أيامك حبيبتي

جيادا صباح الورد حبيبة ،، العصبان راهي قالت حنان بلي شراوه واجد و غادي بالاك اليوم ولا غدوة تديره و تحطه موضوع

داءمة الحمد و بيبا صباحكما اسعد غالياتي

اللهم ما اصبح بي من نعمة او بأحد من خلقك فمنك وحدك لا شريك لك فلك الحمد و لك الشكر

lyzzabel · 2014-08-25, 09:25

احلى صباااااح لأحلى قطعة سكرررررر حنان ما بيها غير الخير ،ً نظن دخلت لموضوع وفاة الأخت بهاء الاسلام و تأثرت ،، انا شفت فقط العنوان اعلى صفحة المنتدى بصح ما دخلتش قلت مين نقعد نشوف شكون هي نظن كانت عضوة فالمنتدى على حساب لي فهمت ،، ربي يرحمها و يرحم موتانا و موتى المسلمين جميعا امين

قوليلي واش فطورك اليوم باش ما نخرجش على الموضوع هاه ؟؟

ام محمد 05 · 2014-08-24, 23:45

مساء الخير لبنات ممكن تعطوني وصفة عجينة العشر دقائق والف شكر ام ياسين على الرابط مزية ولهتيني

انتصار فاطنة · 2014-08-25, 01:01

تفضلي اختي
https://www.djelfa.info/vb/showthread...CF%DE%C7%C6%DE

R I A D · 2014-08-25, 05:08

صباح النور و الهناء و السعادة
ربي يصبحكم بالصحة و العافية

اقتباس:

المشاركة الأصلية كتبت بواسطة lyzzabel

راني كاااااوووووو مالتعب و الحمد لله على كل حال ،، شكرا لكل وحدة باركتلي ربي يخليكم يا غاليات ،، دعواتكم بتيسير الأمور و الفرج
تصبحن على الف خير والى الغد بحول الله عز و جل

اللهم لا اله الا انت سبحانك اني كنت من الظالمين ،، أستغفرك و أتوب إليك انت التواب الرحيم

حبوبتي الغالية راني روطااار ....على واش باركولك؟؟؟ما تقوليليش رحلتي؟؟؟
يا ربي يجعلك تدخلي لدارك بالربح و الهناء و السعادة و الصلاح و الفلاح امين يا رب
و مبروك الف الف مبروك و ما تنسايش تشغلي سي دي تاع صورة البقرة

اللهم انت ربي لا اله الاّ انت
خلقتني و انا عبدك
و انا على عهدك و وعدك ما استطعت
اعوذ بك من شرّ ما صنعت
ابوء لك بنعمتك عليّ
و ابوء بذنبي فاغفر لي
فانّه لا يغفر الذنوب الاّ انت

Simassim · 2014-08-25, 08:19

صباح الخير والربح ونهاركم مبروك ان شاء الله
ليزا راكي راحلة ان شاء الله تدخلي ها بالربح وديري كيما وصلتك امرياض ديري قران وخليه قبل ما تسكني ربي يعاونك على الرحيل يهلك نظمي صوالحك باش ماتنغبنيش وفرزيهم باش مايتخلطولكش

مازلت نخمم. على الفطور وتلفت واش ندير