الجزء 188 من كوزينة حراير الجلفة مرحبا بالاحباب و اشهى طياب.

[بيان 5]

بارك الله فيك
في ميزان حسناتك ان شاء الله

[ام هدول]

مسا الخير لبنات.....بصحتكم ..ماشاء. الله الكوز.ينه.....باهيه وعامره.ربي يدومها لمه ونعمه.
اليوم رحت للعقيقه.ماقدرىتش نصور...
جيت نطل.برك .نهوله...نحيك على سياسه تدفئه.لمصارن....هااايل كلش



كامل ..كا مممل ...لبنات ....يعطيكم الصحه
ام فاطمه ربي يشفي زوجك طمنينا .

[idem16a]

المشاركة الأصلية كتبت بواسطة بيان 5

السلام عليكم يعطييييك الصحة حبيباتي على الاطباق الشهية
حيوتة واقيلا كنتي صايمة ربي يقبل
مادابيك تعطيني طريقة الافخاذ باش نديرها غدوة ان شاء الله

مرحبا بيلن،الله يبارك على الطابلة،كل شئ مكمول،من الشربة والبوراك،البيتزا والسلاطة،ما خليتي فيا والو،والله يعطيك الصحة،خاصة هاذيك البيتزا راهي تغمز وتتبلا فيا،،يما يما

[idem16a]

المشاركة الأصلية كتبت بواسطة طيور الجنان

عشايا تليتلي بالجاج

صباح الخير طيور،،اواه تفاهمتو على راسي،،قتلتوني بالطيابات،،تليتلي تاعك،راني رايحة ونولي عليه،طيبتيه على حبة،تليتلي وعليه الكلام،طيور طمنيني على وليدك،والله ما قعدت باه نسقسي

[بيان 5]

شكرا اختي
كلامك عسل ماشاء الله عليك وين كنتي مخلية هاذ الابداع والروح المرحة الله يبارك ربي يخليك ديما هكذا ويفرحك يارب

[idem16a]

المشاركة الأصلية كتبت بواسطة sousou 5

مساااااااااااااااااااء الخير حبوباتي عشائنا خفيف ظريف درت تارتولات سالي و سوب اعطوني رايكم فيهم الا راني شاطرة ولالا هههههه

سوسو ،ذي عايزة كلام،شاطرة ونص،يا يما الترتولات ،راهم يلعبو داخل مخي في رمضان،ممكن الوصفة،الله غالب هما عيطولي،،،ههههه

[idem16a]

المشاركة الأصلية كتبت بواسطة بيان 5

شكرا اختي
كلامك عسل ماشاء الله عليك وين كنتي مخلية هاذ الابداع والروح المرحة الله يبارك ربي يخليك ديما هكذا ويفرحك يارب

اسكتي برك راني عاقلة شوية،،نضت نصلي الفجر،تفكرت زوج ام فاطمة،ربي يرجعو سالم غانم

[idem16a]

المشاركة الأصلية كتبت بواسطة حياة نور الدين

هدا فطوري والحمد الله حريرة وارز بصوص الفرماج والزيتون وافخاذ فاغسي والحمد الله

صيامك في الجنة حياة،،طابلتك كاننا في رمضان،متحفة وعلى قانيها،،بصحتك،وصح صيامك ،ربي يتقبل يا رب،،حاجة واحدة كيفاه حسيتي،والله بنت الاصل والاصول

[idem16a]

المشاركة الأصلية كتبت بواسطة أم فاطمه

السلام عليكم خوتتي راجلي راه فالمستشفى ادعيو ربي يشفيه ويعفيه معنديش من غيره

االهم انت الشافي لا شفاء الا شفاءك،،شغاء لا يغادره سقها،اللهم اشفيه اللهم اشفيه،حبيبتي ام فاطمة،ادعيتلو في صلاة الفجر،،يارب معافى وطهور ان شاء الله،طمنينا عليه

[حياة نور الدين]

صباح الانوار حبيباتي

ام فاطمة يا درا زوجك طمنينا حبيبتي وربي يشفيه ويعافيه

ام مهدي راكي ناشطة ماشاء الله عليك والاحساس جا وحدو بلاك من طرقة الكلام وبعض الكلمات تاعنا وبس هههه

ام هدول اهلاا حبيبتي وشكراا على طلتك وبصحتك العقيقة

[حياة نور الدين]

[بيان 5]

صباحكن سعيد اخواتي
ام فاطمة طمنيا على زوجك
ليوم ان شاء الله غدايا بواقي باش نقدر ندير الميناج
لعطلة قريب تخلاص ونرجعوا للعمل
قريب نبكي ههههه

[طيور الجنان]

صباحكم عسل حبيباتي .
ام فاطمة واش احوالو زوجك اليوم ان شاء الله احسن ربي يحفظو.
بيان و حياة و ام مهدي شكرا على كلامكم .
ام مهدي هههه كلامك روووعة حبيبتي عندك روح مرحة هااايلة. ووليدي يسقسي عليك الخير الحب مازاد مانقص بقى نفس الحبات اللي ظهرو من قبل والله مافهمت.
بيان ربي يعينك حنونة بالشوية برك.
جيت نحطلكم زلابية البنان طازة ههههه هذا واين درتها ماحبش موقع التحميل من بعد نحطها ان شاء الله.

[nihal159]

صباح الخير ياحراير؛ بسم الله ماشاء الله الكوزينة راهي تشهيييييي.
سوسو يعطيك الصحة على لي ثاغثولاث؛ فن و إبداع؛ يشهيو؛ راكي فحلة بنت فحلة؛ ربي يحفظك لوالديك و يرزقك بولد لحلال.
أم مهدي، بصحت النينجا ههههههههههه الطابلة منوعة و تشهي، بصحتكم؛ مطرح مايسري يمري.
حيوتة كالعادة ماكلتك تبان بنينة و تشهي؛ ربي يدوم عليكم النعمة و يوسع رزقكم.
سعيدة بصحتك التليتلي يشهي و راني نستني فالزلابية يمييييييييي.
بيونة ياحنونة ههههههههه الله يبارك حرة؛ طابلة منوعة و مكمولة؛ بصحتك ياختي و استمتعي بواش بقى من العطلة؛ أرجعي لفراشك و تكوّري هههههههههههههه.
أم فاطمة الغالية؛ ربي يشفي مولا بيتك و يرجعو لدارو و وليداتو في كامل صحتو و عافيتو؛ ماتنسايش طمنينا.
أم هدول؛حبوبة استمتعي بالعطلة و لحباب؛ بصحتك .

[idem16a]

صباح الخير حبيباتي ،هذي تاع القهوة،عاوت يويو صباح،القاطو كان عندي،والباتسري لي جابتها اختي،،،واكيد شوية السرقة تاع ولاد اختي،رحت وليت لقيت الحالة تلحست