واش طيبتي اليوم?الجزء92 كواليس عيد الاضحى*** - الصفحة 23

ام محمد و ملاك · 2014-10-07, 09:59

صباح الخير و صح عيدكم مبروك الكورينة حبيت نسقسيكم حابة اليوم نجرب مشيهدة ام سهام لكن ما عنديش الة التوريق و حابة نفس العجينة ندير منها صامصة ممكن تقولولي الحشو ماش ديرو فيه و كيف اتعامل مع العجينة بدون الة توريق و شكرا

لينا11 · 2014-10-07, 10:08

لينا يالينا حنونة ربي يخليك حبيبتي مرة حطيت المشوشة رولي في قسم الحلويات خسارة مادخلتيش هاداك الوقت حتان راحت غاضتني كي ماشفتيهاش [/quote]

ام رحاب حطيتي موضوع مشوشة وين ؟؟؟؟؟ انا اخر من يعلم اهيء اهيء اهيء انا كل مانديرها ندعيلك معيا ونضحك وحدي نقول ام رحاب ضرك لوكان نحطها تموت بالضحك تقول واش بيها لينا تتوحم عليها بلاك خخخخخ

هاتي رابط طيران

لينا11 · 2014-10-07, 10:24

بيبا حنونة معذرة دخلت ديركت بلا مانقولك مبروك كوزينة وماكولات ولحومات وشحومات ممممممم

هاكي طبسي هذا حلي الباب كوليه وحدك حنونة تستاههلي

قطيطوشة · 2014-10-07, 10:27

لينا أختي حابة نسقسيك
في المخبز و لا مقروظ اللوز أو أي حلوى مشابهة
120 حبة قداه يلزملي لوز؟

x ام رحاب x · 2014-10-07, 10:29

لينا حبيبتي هاكي الرابط

https://www.djelfa.info/vb/showthread.php?t=1674405

لينا11 · 2014-10-07, 10:40

اقتباس:

المشاركة الأصلية كتبت بواسطة قطيطوشة

لينا أختي حابة نسقسيك
في المخبز و لا مقروظ اللوز أو أي حلوى مشابهة
120 حبة قداه يلزملي لوز؟

قطيطوشة حنونة فالمخبز كيلو يخدملك 40حبة مليحة خاطرش حنا في بجاية نحبو حبة متوسطة خاطرش رايحة تزيدي تطليها
اما مقروط لوز نحبو حبة كبيرة
اما هنا في قسنطينة يحبو حبة صغيرة يعني رايح يخرجلك حوالي50 الى 55 حبة
وكل حلوى وشحال تخرجلك لانو حجم الحبة يلعب دور في عددها
كل ماحبيتيها كبيرة كل ماتديلك الحشو وكل ماصغارت كل مايخرجولك بزاف :d

قطيطوشة · 2014-10-07, 10:59

الله يعطيك الصحة عالرد اختي لينا
حابة نديرهم متوسطين لاهم كبار لاهم صغار للمقروظ قلت نديربالقطاعة يخي يجي بيها؟

باسم وبيسان · 2014-10-07, 11:08

صباح الخير او جوه الخير اعطيكم الصحة وتكلوهم بالهنة نشاله وربى يخليلكم ولادكم ورجالكم اميييييين

طالبة الجامعة · 2014-10-07, 11:13

السلام عليكم لقد عدت بعد الانتهاء من الاعمال الشاقة
حبيت نسقسيكم حبيت ندير الطعام بصح ماعرفتش نفوروا
كيفاه نديرلوا جاوبوني تعيشوا

باسم وبيسان · 2014-10-07, 11:28

اقتباس:

المشاركة الأصلية كتبت بواسطة طالبة الجامعة

السلام عليكم لقد عدت بعد الانتهاء من الاعمال الشاقة
حبيت نسقسيكم حبيت ندير الطعام بصح ماعرفتش نفوروا
كيفاه نديرلوا جاوبوني تعيشوا

صباح الخير قصدك النعمة (الكسكسى):confused

طالبة الجامعة · 2014-10-07, 11:33

اقتباس:

المشاركة الأصلية كتبت بواسطة باسم وبيسان

صباح الخير قصدك النعمة (الكسكسى):confused

ايه هاذا هو

kaouka · 2014-10-07, 11:39

اقتباس:

المشاركة الأصلية كتبت بواسطة x ام رحاب x

السلام عليكم ورحمة الله وبركاته
هادو الصور تاع العيد

هادو كواليس العيد

هاديالجلبانة حمرا وحرا تهبل بنينة

ان شاء الله يعجبوكم

ام رحاب كلش يهبل الله يبرك ولي عجبني لحميس نموت عليه كون نكلو كل يوم منكرهش منو ممممممممممم

باسم وبيسان · 2014-10-07, 11:40

اقتباس:

المشاركة الأصلية كتبت بواسطة طالبة الجامعة

ايه هاذا هو

احنا فى قسنطينة نديرو لاصوص نرمال كما موالفين
الكسكسى لكان مفتول فى الدار سوميه بالماء وقطريه وكى يشيهحطيلو شوية ملح وشوية زيت وحطيه يفور وكى يفور خدريه يعنى بخيه بشوية ماء وزيدى حطيه يشيه وكى يشيه حطيه يزيد يفور للمرة 2 وكى تنحيه حطيلو شوية زبدة وحبكيه وخطيه وحطيه فى السحن وحطيلو لاصوص تاعو وبصحتكم اتمنى انى افدتك

kaouka · 2014-10-07, 11:43

[QUOTE=دائمة الحمد;3991886602]ام هبوبة ربي يعاونك وصباح جميل حنونة
اولادي ياعيني على الشوى بصحتكم

قبل مانروح هذو بعض كواليسي كي نقعد نكمل لخرين

هذا اللحم قصو الجزار وانا فرزتو السهوم لكبار تاع الهدية والصدقة نفرح كي نخرجهم يكثر خير ربي [/QUOTE
كواليس وعليها لكﻻم بصحتكم نشاء الله كل عام وحنا عايشين هد الكوليس

ام طيري الجنة · 2014-10-07, 12:06

السلام عليكم ان شاء الله كامل تكونو بخير
راني مشغولة بزاف و مريضة راحلي الصوت خلاص راني بكوشة هههههه
و لكن حبيت ننقللكم هذا الموضوع الرائع عن المسلي لانني راني حابة نعملو ان شاء الله و ما دابيا لوكان الاخت دائمة الحمد ((( اللي نقولها صح عيدك و كل عام و انت بالف خير)) تطلع عليه و تقولنا كانش اضافات او هذي هي الوصفة بحذافيرها
هاهو الرابط و الف الف شكر لصاحبة الموضوع ام البنتين
https://www.djelfa.info/vb/showthread...ferrerid=50597