الجزء88 من واش طيبتي؟ مبروووك لكل العرسان والعاقبة اللي مزالو - الصفحة 23

yasmalak · 2014-09-08, 20:13

مسلخييييييير مرة وحدوخراوصحا عشاااكم
عشانا كيما قتلكم قبيلة مثوم

ام ياااسو يااااخااه وشنو هدو القوااعد ههه

sara aouassi بالنسبة للعجينة تاع التشاراك ختي ديري كيلة سمن والا زبدة دايبة و كيلة زيت و كيلة حليب و لمي بالفرييينة
والحشو ديري 3 كيلات لوز و كيلة ماشي معمرة سكر و لميها بالماء زهر
و القلاصاج كاس حليب و كاس ماء زهر وكاس زيت و كاس قارص و تلميها بالسكر قلاصي وخلطيها بمغرف ماشي بالباتور باش ما تيبسش اومباعد و الكولوغون دوبيه في شوية ماء زهر ما تديريهش غبرة ديراااكت
ان شاء الله نكوون فدتك ختيي

أم ياسين الزهراء · 2014-09-08, 20:16

واووووووووووووووووو الله يبارك يبان حنة في اليد الله يعطيكم الصحة

*رفيقة الدرب* · 2014-09-08, 20:21

يعطيك الربح أم ياسو ضحكتيني هههه
مشي خسارة فيك قنطار بطاطا هههههه
سلامك يوصل نشاله ضك نقولها بصح وش قصية ولدك و كيف فات على معسكر لارمي ولا آفار تاع الجامعة
ربي يشفي أم أنس و تسلك على خير

ام سراج وملاك · 2014-09-08, 20:25

يعطيكم الصحة كامل واش طيبتو لبنات كيما وعدتكم رايحة نحط تصويرة لتارت لي خدمتها لملاك في عيد ميلادها بصح متضحكوش عليا راني غير نتعلم الديكور راهو شوي مسروق من عند وحدة معانا بلاكش عرفتوها

هاذي لابيش خدمتهالها مع لتارت

هاذي لتارت نتاع سامية اختي عيد ميلادها فات كتبنالها فيها سمسومة

وهاذي نتاع وليد اختي حنين بزاف عيد ميلادو فات و كتب في لتارت نتاعو اسماء ولاد خواتاتي وبني

وهاذا قاطو كحلوشي جديد بدلت في شكل نتاعو

وهاذا قاطو نتاع ياسمليك لي قاتلي عليه شاوية حرة قوليلي رايك ورايكم ثاني نتم هاذي اول مرة نجربو

yasmalak · 2014-09-08, 20:28

ام ياسو نعرف نحني ياااك ههههههههه ياخااه شعال نكره الحنة

ام سراج علاه نضحو لاتااارت هااااااااااااااايلة الحاصول لي تااارت قاااااع هاااايلييين
هههه و القاطو قوليلي نتي رايك فيك عجبك؟؟

أم ياسين الزهراء · 2014-09-08, 20:28

دادو وليدي هدا العام جاء عندكم للغرب قالي لكان مانروحش نشوف الغرب نهبل والحمد لله قدرو ربي وزار وهران وتلمسان وبلايص ثمى نسيت وقالي فات على معسكر وقالي ناس الغرب ماشاء الله هايلين وخدومين شافوهم حابسين ديجون اللي يفوت يحبسلهم هدو الحكايات نسيناهم اهنا هههههههههههه قلتلو العام الجاي اديني معاك عندي حبابات بزاف من الغرب تقبليني زايرة عندكم بصح نروح للقيطون تاع جدك هبلني ماشاء الله ونشرط ونجيب معايا ام ماجد ودائمة باش يديرولي الكسرة واللبن هههههههههههههههه

أم ياسين الزهراء · 2014-09-08, 20:30

ام سراج سنة حلوة ولعقوبة لتارت النجاحات يارب والتزين مليح واش خصو والقواطو والتارت هايلين

حنان ماما تقولنا ماتقولوش نكره الحنة الحنة هي الحنان كيما اسمك وحتى انا ماعندي فيها حاجة

ام سراج وملاك · 2014-09-08, 20:34

اقتباس:

المشاركة الأصلية كتبت بواسطة yasmalak

ام ياسو نعرف نحني ياااك ههههههههه ياخااه شعال نكره الحنة

ام سراج علاه نضحو لاتااارت هااااااااااااااايلة الحاصول لي تااارت قاااااع هاااايلييين
هههه و القاطو قوليلي نتي رايك فيك عجبك؟؟

طلعتيلي المورال على لتارت واش نقلك حبيبتي قاطو ك روووووعة يذوب في الفم بارك الله فيك على الوصفة بصح مدرتش جوز كان عندي كرز مصبر درتو و لي مجربتوش غير تجربو

ام سراج وملاك · 2014-09-08, 20:38

اقتباس:

المشاركة الأصلية كتبت بواسطة أم ياسين الزهراء

ام سراج سنة حلوة ولعقوبة لتارت النجاحات يارب والتزين مليح واش خصو والقواطو والتارت هايلين

حنان ماما تقولنا ماتقولوش نكره الحنة الحنة هي الحنان كيما اسمك وحتى انا ماعندي فيها حاجة

ربي يخليك حبيبتي ام ياسن شكرااااااااااااا راكي فرحتيني

yasmalak · 2014-09-08, 20:39

ربي يشدهااالك ام ياسو
معلومة جديدة عليا هده انا ما نحبش ريحتهاا

ياعمرييييي مرسي ام سراج تعيشي و بصصصحتكم
حقااا نسيت نقولك كل عاام و بنتك بخييرلعقوبة لنهار تشوفيها عروسة

أم محمد تاج · 2014-09-08, 20:41

سلالالالالام حبيباتي ياحلواة وصح عشاواتكم
ام سراج حنونتي والله كنت راح نسقسي عليك كي مابنتيش وقلت بالاك اليوم راهي تسوق في طريق الجنانة مع شاوية حرة ثاني مابانتش ههههههه وكلش رووووووعة وسنة حلوة نشالله العمر كله
هههههههه يعطيك الربح ام ياسووو والله نضحك بالدمووووووع
افروديت رووووعة التشاراك والحنة الحنينة وهي شجرة مباركة
ادرارية الله يشفي البطبوط الاسمراني ياعمري والله مايستاهل

أم هنيدة · 2014-09-08, 20:44

السلام عليكم

صحة عشاتكم عشانا بيتزا ولله الحمد

ام سراج من فضلك اعطيني رابط الحلوة الاخيرة تع حنان خرجتلك هايلة الله يجزيك خير

omsalah · 2014-09-08, 20:46

تصحيح معلومة لاتقلن العقوبة بل قلن العاقبة ارجو ان تعم الفائدة

أم ملك · 2014-09-08, 20:51

مساء الخير حبيباتي
درت المقروط ها هو

درت 100 حبة مين جيت نقليه تفتتلي كامل في الزيت كرهت حياتي
مع العلم أنو أول مرة تصرالي المقروط أنا ملي كنت صغيرة نخدمو يخرجلي دايمن شباب

أم محمد تاج · 2014-09-08, 20:55

ام ملك حنونتي شكلوووو يهبل خسارة تفتتلك كون رديتيه في الكوشة ومنعتي حبيبات خيرلك