حبيبتي ايمان دادووو عروستنا الحلوة نعطيك بعض الاطباق الساهلة وبريزونطابل مع نصائح
اول نصيحة ذهبية حنونتي جامي ديري طبخة جديدة عليك وماجربتيهاش راح تغامري قادرة تصلح وقادرة ماتصلحش عندك
ثانيا ديري ثقة في روحك وفي طيابك
نبداو بالمينو
ديري مقبلات مثلا ميني بيتزا ولا ميني كيش ولا كوكا ولا حميص ساهل ولا سلاطة رولي بريزونطابل وجديدة ولا اوردوفر منوعة وزينيها راه المنتدى فيه ماشاء الله سلايط وتزيين روووعة
نجيو للطبق الثاني وكتغيير من الشوربة ولحريرة ووووو ديري سوب الفروماج خفيفة وساهلة وبريزونطابل وزينيها بالكرام فراش مممم راح تبهريهم
نجيو للطبق الرئيسي حنونتي ديري واش تعرفي مثلا كفتة بالزيتون واحشي الزيتون باللحم ولا غطي حبيبات الزيتون بالكفتة ممممم ولا قراتان في ساشية السباقيتي حاجة جديدة ولا ديري طاجين الجبن مممممم المهم اي حاجة تعرفيها وتتقنيها
وكاطباق جانبية ديري لي قراتان عليك وعلى اللحم مرحي فلي قراتان ممممممممم
واذا عندك مثلا سلافك des jeunes حاولي ديريلهم البيتزا ولي كيش ولي قراتان هذا مايحبوووو واذا ماعندكش كاين غير لعجايز ديري لي سوووب والشخاشخ والبخابخ والتغميسات لزوم السنين هههههههه نتمسخر ياعروووسة ههههههههههههه
حبيبتي والديسار نوعي مرة سلاد دو فخوي ومرة لي موووس ومرة الفلون ومرة ليقلاص ومرة لي تاغتولات بالفواكه محطوطين بجيهة
حبيبتي اذا عائلة زوجك يعني ميسورين فتقدري تنوعي كي يكون القضيان واللحم يجيوك الافكار روووعة واذا ناس عادي فتمشاي مع ميزانتيتهم
والخبز مثلا مرة مطلوع مرة رخساس مرة خبز الدار ومرة خبز ام اماني وخبز فريال وووووووو راه المنتدى فيه انواع خبز رووووعة
حبيبتي كاش سؤال راني في الخدمة وكي نمخمخ كاش عفايس راني نحطهملك
حقة ماتنسايش لي قاطو تاع لفطووور المهم الحاجة لي تعرفيها وموالفة ديريها باتقان حتان توالفي الفور تاعهم وتوالفي طيابهم وتدخصي عليهم وتتنحالك الحشمة هذيك اساعة ازدمي وماتخافييييش
عندك الكوارث المطبخية مع الستخاس والحشمة راه الشيطان يدور عليييك ههههه
لبنات تعيشو كاش افكار نورو عروستنا الحلوة
( تقرير عن مشاركة سيئة )، و الموجودة أسفل كل مشاركة .
2014-04-06, 13:17
العرض العادي
