موضوع مميز الجزء 17 من واش طيبتي اليوم شاركونا موائدكم الرمضانية - الصفحة 23

إلهام07 · 2013-07-17, 11:21

ام محمد تاج والبانات لخرين باش يكون في علمكم اللي تحط وصفة راني نهزها طول نحطها في موضوع بروقة نتاع الوصفات هكذا باش نتفاهمو وترجع سرقة مقننة خخخخخخخخخخخخخخ

حقة أم محمد تاج عاودي حطيلي صورت محشي الاسكالوب باش نحطو مع الوصفة

ام طيوبه · 2013-07-17, 11:42

صح رمضانكم جميعا .حبيت نشارككم الكوزينه ونوريلكم بعض ااطباقي المتواضعه اللي كلها تطبيقات من منتدانا العزيز طبعا ومن صاحبات الخبرة...تفضلو شوفو وقيموني

هذي قراتان وكروكي مالح تع نينافرات...روووعه

وهذا قلب اللوز تع ام رامي ومثلجات الهام ايه....هايلين في السهرة

وهذا كرواصون ام اماني......تححححححفة للسحور طبعا

صح فطوركم

أم ماجد · 2013-07-17, 11:51

صباح النور لبنات
ساعة وانا مع الارشيف
المشكل انتاعي نحب نقا

oum ibrahim · 2013-07-17, 11:07

ام محمد صباحك ورد يا وردة انت واش احوالك البارح حطيتيلنا المايدة و هربتي خليتينا كملنا و غسلنا المواعن واستنينا ما جيتيش ههههههههههه
السكالوب يشهيييييي و لا البطاطا ياعيني ازربي لينا بالوصفات حالا بالا مالا على قولة الهام هههههه

أم محمد تاج · 2013-07-17, 11:08

أم ابراهيم أنا حلم واولادي حياتي ولبنات لي حابيين السكالوب محشي هاو ليكم:
جيبي صدر دجاجة كامل وبواسطة الموس حاد شرحيهم بلا ماتقصي يعني أعملي كل جهة كالورقة وزيدي الجهة الاخرى تاع الصدر حطيهم لاصقين في بعضاهم فوق الألومينيوم لازم باه يساعدك في طي السكالوب ثم أبداي داوي السكالوب تاعك ذرذري عليه الملح وفلفل أسود ومبعد طبقة موطارد وطبقة مايوناز وشومبينيو مقطعين وشوي زيتون أخضر مقطع وكمية فرماج تغطي كل المقادير ثم من الفوق رشة زنجبيل ورشة فلفل أحمر حار وفي الأخير حطي باقات صغار تاع المعدنوس بلا ماتقطعيه وبالحيلة أبداي رولي السكالوب تاعك ماتخافيش إذا خرجلك شوي وجيبي خيط خشين وأبداي أربطي السكالوب مليح ولوحيه في كيس الشواء أحسن من الألومينيوم لأنو كيس الشواء راح يخرجلك العصارة مبعد تحلي فيها لاكرام فراش
حطي السكالوب ساعة يطيب مالازمش ينشف خليه يبرد ونحي العصارة ديريها في مقلة وديري عليها فنجال كرام فراش مع شوي ملح وفلفل اسود وشوي فرماج شيدار وتهز غلية فقط وتكون عندك صوص هايلة
من جهة أخرى ردي الصدر تاعك في الفور يحمار شوي برك ونحيه وخليه يبرد وقصيه وزينيه بلاكرام فراش تقدري تقدميها مع روز بالزعفران ولا بطاطا بوري ولا بطاطا مقلية ولا الشكل لي قدمتو

أم ريمة* · 2013-07-17, 11:13

صباح الخير ام ابراهيم كيف الحال ؟؟ مع السخانة والكوزينة واش رابحة ديرى للفطور؟؟؟

ladymillion · 2013-07-17, 11:13

خلاص بسملة نجيب قشي ونجي ههههههههههههههههههههههههههههههه وشكرا على الثقة حبيبتي بصحتكم
ام أماني هااااااايلة أطباقك تبارك الله عليك وصفاتك راااااائعة وشكرا على الثقة

oum ibrahim · 2013-07-17, 11:26

اهلين ام ريمة والله الحمد لله ماكانش السخانة بزاف والله مازال ما خممتش في الفطور وانت واش معولة
الهام روحي للصفحة 15 تلقاي الطبق نتاع ام محمد و16 فيه وصفة البطاطا
ام محمد ربي يخليك يا الغالية هاااايل

أم محمد تاج · 2013-07-17, 11:27

ماعليش حنونة تكرمي
والله نسيت موضوع بروووووقة

basmala farah · 2013-07-17, 11:28

ام ابراهييييييييييم و ام محمد تااااااااج واش احوالككم
لهووووووووووووم لهوووووم هدو اكلات تاع شحال من يوم ماشي غي يوم واحد انا بروحي ما نكترش خاطرش عائلتي صغييييرة
ارواحي حكمتك هههههههههه كيفاه الزيتون قلتيلي ما تقدريشديريه و يتعبك ههههههههه علاه حسبتيني درت بيدو زيتوووون ههههههههه هدوك غي 10 ولا 15 حبة ههههههههههه غي زينت بيهم الطبق و نتي دي الفكرة و ديريها للخطابة ولا كي تكوني عروسة باه تخلعيييييهم هههههههههههه و ما تكتريش فقط تزيين و خروووووج عن الروتييييييين
لايدي ارواحي بصح نخاف دادو تخطفك منيييييييي هههههه جيبي قاع ماريوووك ههههههه

أم ريمة* · 2013-07-17, 11:28

الحمد لله الهام دايما ندعيلك ربى يقويك على الطريق والسخانة انا نجى نخرج تحكمنى الخلعة ونتفكرك المهم ديرى فى بالك بلى عندك اجر مضاعف حاولى ترقدى بعد ما ترجعى للدار وصح فطورك

إلهام07 · 2013-07-17, 11:36

ربي يخليك ليا ام ريمة والله راكي أمنا الثانية هنا ، نحاول نرقد العشية بصح عندي اختي كي تشوفني راقدة يضربها 100000000000000 جن انا راقدة وهي فوق راسي تنوض فيا

بسملة ماطيحلهمش من يدي لو يموتو

أنواار الإيماان · 2013-07-17, 12:14

اقتباس:

المشاركة الأصلية كتبت بواسطة إلهام07

ربي يخليك ليا ام ريمة والله راكي أمنا الثانية هنا ، نحاول نرقد العشية بصح عندي اختي كي تشوفني راقدة يضربها 100000000000000 جن انا راقدة وهي فوق راسي تنوض فيا

بسملة ماطيحلهمش من يدي لو يموتو

راني معاها
راكي تغيبي دقيقة نشتاقولك مابالك هي النهار كامل غايبة عليها ومن بعد تقوليلها نرقد

لحن الحياة. · 2013-07-17, 11:37

سلااااااااااااااااااااااااااااااااام بليييييييييييييييييز ام كوثر ممكن المقادير تاع لاكرام باتيسيار والطريقة رانيييييييييييييييييييييييييييي مييييييييييييييييييييييتة باش نجربها

أم محمد تاج · 2013-07-17, 11:33

السوال عليك بسملة يالغالية
موتيني بالضحك على الرد تاعك للهووومة هههههههههه
أم ريمة واش الأحوال؟؟؟؟
أم ابراهيم ياقرعاجة لقماش شريت بيزو بيزوو أخضر حشيشي ( لامود) خخخخ باه نخيط قندورة العيد