دورة خطواتي الواثقة لأصبح ربّة بيت متألّقة

[sali kanouza]

السلام عليكم فراشات كيف الحال ام هاجر ام متين الغالية جهينة والاخت سي ان شاء الله راكم بالف خير والغائبات راهم بزاف ان شاء الله يكونو كامل بخير ام شمسو بارك الله فيك راني متبعة البرنامج يوم بيوم

[حياتي كلها امل]

اختي شوفتي كيفاش تقول تفاهمنا
جهينة كيما قلتي المطبخ ماهوش موسخ بزاف مع كل مرة نعمل تنضيف لحاجة وزيد ماعنديش بزاف عملت تنضيف عميق بصح كي جي مناسبة واحد لازم يدور على حوالو
اهلا سالي وشراكي
اهلا بيك اختي فرحة يااختي سايسي على روحك واخدمي قيسك حتي تفوت المرحلة ويثبت حملك وتخافي بعيد الشر كشما يصرى تندمي وزوجك يلوم عليك

[arwa alaa]

صباح الخير عليكم فراشات واش راكم مع البرد
ام متين جهينة سي ام هاجر كيف الاحوال
ربي يعينكم مع البرد والشغل

[Sii]

الحمد لله سوال عليكم اخواتي سالي وشراكي واش راهم وليداتك وام اروى نتمنى راكي بخير وتحسنتي ربي يقويك ويشفيك
اختي فرحة العمر تهلاي فروحك كما قالولك لبنات اخدمي حاجات خفاف برك حتى يكتب ربي ويثبت الحمل وبتنحالك هاد المشكل ويرحمها ربي

[فرحة العمر]

شكرا لكل وحدة ردت وربي يفتحها في وجوهكم ويبعد عليكم الهموم انا راني فالخامس واحتمال نزيد في السابع ولازم نظف الدار على الأقل في الشهرين هذو.الأخت اللي اقتارحت عليا نجيب وحدة من العائلة مانقدرش لانو خواتاتي مزوجين بعاد وأهل زوجي وحدة ما تعاون يحبو الزردات والماكلة والخدمة ربي يساهل وعندو خواتاتو صغار بصح غير من ابوه منقدرش نجيبهم امو معايا وهي صغيرة بصح ماتعاونيش خلاص كل شيء نديرو وحدي ربي يعيني وخلاص واسمحولي كثرت عليكم

[جهينة اليقين]

ما نيش معاك يا حبيبتي فرحة الصحة اسبق من اي شيءوالحمل راهو صعيب ضرك ماشي كيم زمان شوفي كاش واحدة من اهلك تعاونك فالحوايج الصعاب وانت لاباس اذا درتي حاجات خفاف بيد ما زبدتي لا يكلف الله نفسا الا وسعها

[arwa alaa]

اختي فرحة بلعقل على روحك وانتي اولى من الشغل ووسخ عام ينحيه نهار ومشي محتم عليك الشغل مدام زوجك متفهم الوضع ومدخلكش في الناس واش تقول راكي في وضع صحي ماش مليح وقلتي لطبيبة على الماء الي يسيح منك ؟
ولاكان تقدر وحدة من خياتك تجيك مرة في السمانة تسيقلك
والمواعن حطي كرسي فوقو مخدة واغسليهم والطياب كذلك

[ام صفصف]

السلام عليكم فراشات،ان شاء الله تكون كامل بالف خير

[ام صفصف]

اروى حبيبتي،ان شاء الله تكوني راكي تتحسني

[ام صفصف]

اختي فرحة،صحتك و صحة جنينك قبل كل شئ
ومادام زوجك متفهم،فلايوجد اشكال،الوقت يمضي وتزيدي ان شاء الله وتلقاي الخدمة مستنياتك

[ام شمسو محمد]

السلام عليكم.
اليوم العشرون من مراجعة و إدراج أساليب الفراشة ،و ضمن مخططنا الأسبوعي اليوم هو :
الثلاثاء : " اليوم الحر "

يوم من الأسبوع تنصح الفراشة بألا تتقيدي فيه ببرنامج خاص أو عمل محدد،فقط حافظي على الروتينات اليومية.
إختاري اليوم الحر حسب ضروراتك ، ربما تفضل الأمهات يوم الثلاثاء لأن أولادهم لايدرسون في المساء و سيكون عليهم القيام ببعض المهام ( نقل الأبناء إلى مقر نشاطهم الرياضي الأسبوعي ،زيارات إجتماعية ضرورية ، بعض التسوق ، خرجات طارئة ...).
عندما لا تبرمجين عملا خارج الروتينات لا تشكلين ضغطا على نفسك و تكونين مرتاحة في القيام بنشاطاتك .
يمكنك اختيار اليوم الذي يكون لديك فيه عمل كثير خارج المنزل حتى لا تلتزمي بعمل آخر في المنزل.
من حقك أن تجعلي اليوم الحر " يوم كسل " ( لا نقصد أبدا الروتينات اليومية ) ، تحتاجين إلى فواصل إستراحة حتما ، و قد ترغبين بممارسة أعمال أخرى تحبينها ( خرجة مع الصديقات ،جلسة على الإنترنت ، حمام مغربي ممتع......).
تستطيعين جعل هذا اليوم فرصة لاستدراك بعض الأعمال المبرمجة التي لم تنجزيها ،أو لإستباق أعمال أخرى تريدين القيام بها في الأيام القادمة......لكن حذاري لا تستمري في الجري وراء المهام من أجل تعويضها !!!

[ام صفصف]

بارك الله فيك ام شمسو، راني نتبع ونطبق
وعلى فكرة،عندك اسلوب تبسيط وتقديم رائع

[ام شمسو محمد]

أم صفصف كي قريت ردك تبسمت من السرور شهادتك انتي بالذات بالنسبة ليا وسام.

[فرحة العمر]

كثر خيركم والله ريحتوني ربي يريحكم دنيا وآخرة الحمد لله زوجي مريحني وحتى الماكلة يقولي ماتنوضيش ديريها بصح انا نعرف ظروفو والماكلة تاع برا غالية وتحب مصروف وانا بعد كلامكم قررت ندير غير الضروري كيما الماكلة و غسيل المواعن اما الباقي كي نطمن على البيبي نديرو لانو التسياق ممنوع عليا مدايرة عملية على سرتي وانا في الشهر الثالث إدعيولي يتمملي حملي ويشفيني الاخت اللي سألتني على الماء قاتلي الطبيبة مكروب وعطاتلي ندير عليه تعيارات لانو كاين بزاف لقاتو داير براسو كامل

[جهينة اليقين]

حبيبتي فرحة لو كان تطرحي انشغالاتك في الدردشة احسن باش تاخذي راحتك في الكلام ومنها تنحي على خاطرك واحنا رانا معاك باذن الله