جزء 173 من واش طيبتي اليوم كوزينة احلى رفقة طيبة

[فاتي 05]

[ملاك ملاكي]

المشاركة الأصلية كتبت بواسطة فاتي 05

بااااااارك الله فيك اختي في ميزان حسناتك ان شاء

[ملاك ملاكي]

المشاركة الأصلية كتبت بواسطة حياة نور الدين

ام رويدة بصحتكم حبيبة امم تشهيت مع الصباح

بحورو صباح النور

ام يوسف اهلااا اختي صباح الانوار

ويييييينك يااا حلو واش الاحوال راكي غاااايبة ولا انا لي غااايبة والقتك نشيطة
ربي يعينك حبيبتي

[x ام رحاب x]

حبيت انشكر ام هدول على عشاها تسلم ايدك حبيبتي
فضيلة كل عام وامك كي الوردة المفتحة وربي يخليهالكم احلى مفاجئة درتوهالها الام تستاهل كل شيء ربي يطول في عمرها
ملاكي الله ايفرحك وربي يحلي ايامك حبيبتي كلش هايل وبريزونتابل راكي فحلة ماعندك ماتزيدي وزيدي حمرتينا وجهنا قدام ناس بيتك مرة ونص
بحورتي الحمد لله الي اليوم لاباس خير من البارح
ام هدول احلى صباح عزيزتي

[حياة نور الدين]

بحورة بصحتك اللوبيا والبارح محلمتش خخخخ رقدت بعد ارق والحمد الله

ملاكي واش راكي حنونة وتلبازك قصدي روائعك تحفففففة حمرتي وجه ميمتك حنونة الله يبارك
ومانيش غايبة راجعي مليح زهيتلكم الكوزبنة هههههه

فضيلة عقبال 100 سنة للوالدة وربي يحفظها ويحفظكم لها ان شاء الله

ام رحاب زاش درتي فطور ههههههع
انا بقالي الرشتة من البارح

ام هدول صباحك زين حبيبتي

فاتي اهلااا وبارك الله فيك على الادكار

ام رويدة تفضلي الوصفة انا جربتوا وجا رووووعة

[*سندوسة*]

صباحكم ورد وفل وياسمين يا احلى عضوات تعلمت من عندكم بزاف ماننساش فضلكم كاين لي مقامها كيما الوالدة وكاين كيما الاخت ربي يحفظكم وشكرا لكل وحدة ذكرتني في ردها
نموت عليكم ماعنديش اطباق حصرية لكن كي نوجد نصورلكم
انتظروني قريبا
ربي يوفقكم ويسعدلي صباحكن
بوسة كبيرة ليكم مواااااااااااااااااااااااااااااااح

[نوال عيسى]

السلام عليكم ورحمة الله وبركاته
نهاركم زين جميعاااااا دون استثناء حاضرين وغايبين وخلف الكواليس
*سندوسة* العفو حبيبتي رانا كامل هنا نتعلمو ونشجعو بعضانا .. خلينا نتمتعو باطايبك
أم سدرة العفو حنونة مانلومكش لانو كل واحد عندو اشغال لا تعد ولا تحصى راكم ملاح لي راكم طلو حبيت برك نوصلك انك بالبال وما نسيناكش وتوحشت اطايبك
*توبــــة* من تنظيمك للردود عرفت انك من جماعة تنظيم الكراس وعلامة ممتاز ههههههه مام انا كان كراسي هكا يعطيك الخير فكرتيني .. وربي يخليك ويحفظلك احبابك
fadila34 امممممممممممم اطايبك تشهي ربي يبارك وربي يطول في عمر الوالدة وكل عام هي بخير ويحفظهالكم يا رب
x ام رحاب x اكلك ما عندي ما نقول فيه الله يبارك ويعطيك الصحة راكي مكفية وموفية وشكرا ليك لانو تشجعي فيا باش نولي فحلة وشاطرة كيفكم ونولي نشارك معاكم قبلاتي ليك
صفحة بيضاء العفو حبيبتي رانا خيات هنا ربي يبعد عليكم كل شر ويحفظكم والحمد لله لي كانت سلامات واذا مازال الخلعة اشربي ما مع شوية سكر ولا شوية مزهر .. وهذاك التمر نمووووووووت عليه بصحتكم
اشرقت نفسي اممممممممممممممم تسلم الايادي
حياة نور الدين شهادتي مجروحة في اطايبك دائما في القمة وتشهي والكيكة خرجتلك علامة بصحتهم ضيوفك .. اممممم نموت عالرشتة وراهي تشهي رسليلي منها ههههههه والله غير نموووت عليها
mosta*limoges يا مامي على هذوك المحاجب ربي يبارك يشهو
ام هدول يا عيني على ذيك البربوشة من الشخشوخة للبربوشة امممممممممممممم شهيتيني تع الصح بصحتكم
أم هبوبة عشاك هاايل والبركوكس اممممممم ولا البيسكوي قاللهم اسكتو يمي يمي تسلم الايادي
أم ياسين الزهراء هههههه يعطيك الخير ضحكتيني .. وبصحتك الطعام والكيكة اكيييد خرجو حكاية
ام يوسف2 بصحتكم وغير بالشوية على روحك
جنة الفردوسْ صباحو وشراكي
النرجووسة كل شي امممممممممممممم تسلم اديكي
فاتي 05 الله يسلمك .. ارشيفك علاااامة ربي يبارك .. والطعام والروز اممممم ولا الكيكة ما عندي ما نقول بصحتكم
أم اسيل
صباح النشاط والحيوية هههه .. يعطيك الصحة كل شي يشهي بصحتكم
ام رويدة والله غير كيما كنتي في بالي توحشتك وتوحشت اطايبك .. وباروكك علاااامة اممم بصحتكم .. اذا ممكن وصفة المقروط ..
ملاك ملاكي صباح النور .. وارشيفك حكااااية الله يبارك
زقزوقة وام جوجو وام تاجو وام ساجد وام صابرين وام اماني واسمهان وليزابيل ..و..و..و..والقائمة طوييييلة واللي ماذكرتش اسمها تسمحلي وتدخل تفكرني باش ندير تعديل على خاطرها
مريوووومة ادخلي طمنينا
واللي ما ذكرتهاش تسمحلي كااامل حراير والله يبارك عليكم
صحاا غداكم كااامل

[mosta*limoges]

صباح الخير عليكم لكل المتواجدات و لغائبات و شكرا فاتي على الأدعية و يانوال راكي أديتيها لتوبة غير دخلت قابلني جرنالك الله يبارك
سندوسة صباح الفل و لياسمين عروستنا ملاك أرشيفك رائع ربي يحلي ياماتك فضيلة عقبال ل100 سنة كل عام و الوالدة بألف خير أم رحاب أم رويدة أم أسيل صفحة بيضاء جنة الفردوس حيووووتة و أم هدوووووولة صباح النور

[*سندوسة*]

السلام عليكم هدا فطوري ليوم
درت شربة لسان العصفور اظفت للمقادير قطعة يقطين هي لي زادت حلاة الشربة جات بنينة بزاف طحنت الخضرة خليت غي الحمص وماكترتش الخضرة باش ماتجيش تقيلة بزاف

وكفتة دجاج منسمة بتوابل الشواء وصلصة المايونيز والهريسة كذلك منسبة بالاعشاب السلطة راهي تتباع فالمحلات
والفواكه والعصير
وربي يدومها نعمة

[حياة نور الدين]

صح فطوركم البنات
انا سخنن الرشتة وفطرت مع بناتي الفطور تهنيت مازال العشاء ان شاء الله تخمامو هههه

سندوسة والله شعور متبادل اختي وربي يفرحك وفي انتظار اطباقك الحصرية

نوال كلامك حشمني وبكاني وووو تخلطت عليا المشاعر من دوقك الراقي حبيبتي شكراااا على شهادتك حبيبتي

موستا اهلاااا حبيبتي صح فطورك

[القبايلية]

هذا كان فطوري نتاع البارح

العجوزة و ليدها راحو للبلاد لقيت روحي درت طبقي المفضل سوب الخضر و سلاطة

[IMG]file:///C:\DOCUME~1\HC\LOCALS~1\Temp\msohtmlclip1\01\clip_ image002.jpg[/IMG]

[*سندوسة*]

الله يسلمك اختي حياة
انا لعشا راني نخمم ندير شوفلور فالفور يعني راني قطعته وغسلته باغية نفوره ونزيد نقلي بطاطا مكعبات
ونخلطهم مع بعض ونزيدلهم توابل نتاع المعقودة يعني قسبر وتوم وفلفل اسود والملح وحوالي 3 حبات بيض او 4 وندهن بلاطو نتاع زاج ونعمر ونديره يطيب يجي روعة تقدري تزينيه كيما تحبي بافرمااج ولا المايونيز والهريسة بعد ماتكوني قلبتيه في صحن تقديم

[القبايلية]

هاهي الصورة

[القبايلية]

أخواتي العزيزات ما عرفتش كيفاش نظهر الصور

[حياة نور الدين]

سندوسة فطورك يشهي اختي راني ديت حبة كفتة وشوية ديسار هههعهه يعطيك الصحة

القبايلية اهلااا اختي للاسف الصورة لم تظهر حطيها مرفقة ونحاولوا نظهروها