~ ~ ~طلباتكم مجابة بإذن الله ~ ~ ~

[هنو ام ياسر]

السلام عليكم بنات
اولا اريد ان اشكركن جزيل الشكر على كل ما تقدمنه لنا من معلومات قيمة....جزاكم الله خيرا ....
عندي سؤالين الاول لحبيبتي زينب 83 :
_في وصفتك البطاطا المقلية في الفرن باش نقدر نعوض ورق الزبدة.
_بالنسبة للسؤال الثاني : راني شريت كيكوطة جديدة واش ندير لها قبل ما نبدئ نطيب فيها كاين الي قالولي غلي فيها الحليب.
الف شكر لكل المشاركات.

[sasamer]

سلام حبيباتي... حابة نشري الة توريق العجين ..انصحوني بماركة مليحة
دعواتيي

[أم ياسين الزهراء]

هنو فيضي فيها الحليب بكري كنت ندير هكى وكيكبرت بطلت كلش نغسلها وانطلق

[emily21]

شكرا أختي سماح سماح راني لقيت ضالتي وكذلك أم سراج وملاك ل1كغ كسكس يحتاج في الأول نصف لتر ماء وفي المرة الثانية ربع لتر ماء بالمناسبة أستعمل عمر بن عمر المتوسط هايل

[ام انفال الاء لجين]

المشاركة الأصلية كتبت بواسطة chahrazed g

عندي ديول يبس و بدا يتفتت واش نقدر ندير بيه

حمصي الديول في الفرن ...فتيه ضيفي له الكوكاو محمص و مطحون ..شوية جلجلان شوية زبدة دائبة و لميه الما بالشكولا او بالعسل او بالنيسلي لك الاختيار.......و تقدري تعمري بيه الشكولا في الوسط نتاع مول السليكون يجي يهبل......

[ام انفال الاء لجين]

يعطيكم الصحة كامل اخواتي على واش راكم تحطو ......بوركتن.

[ام نوردين]

المشاركة الأصلية كتبت بواسطة أم ياسين الزهراء

هنو فيضي فيها الحليب بكري كنت ندير هكى وكيكبرت بطلت كلش نغسلها وانطلق

يعطيك الربح ام ياسين ههههههههههه ضحكتينى وعلاش مقلقة

[oum islem]

هنو ام ياسر الكوكوط لازم جربيها اولا حطي فيها الماء ولما يغلي اغلقيها وشوفي اذا تتغلق مليح واذا تصفر او لا واذا يخرج منها الهوا ثم طيبي فيها وبصحتك بصراحة اكثر حاجة نخاف منها في المطبخ الكوكوط والبراس نتاع القهوة

[sasamer]

سلام ..
قاطو كندر لام طيري الجنة عجبني بزاف بصح مالقيتش الصور في الرابطط ...فهل من مساعدة مشكور ين

[مرام اروى]

السلام عليكم ورحمة الله وبركاته موضوع رااااااائع
هاهم الصور نتاع القاطو كندر
[IMG][/IMG]

[مرام اروى]

[مرام اروى]

[مرام اروى]

IMG[IMG][/IMG]

[مرام اروى]

[IMG][/IMG]

[مرام اروى]

[IMG][/IMG]
راهم ماحبوش يطلعوا مع بعضاهم حطيتهم لك بالوحدة