مجلة الشعلة للمرأة العربية .. شعارنا معا نحو التغيير للأفضل - الصفحة 20

chahrazed-m · 2011-08-23, 11:27

السلام عليكم

ماعليش بلقيس ان شاء الله يتعدل وترجعي
وترجع ايمان في اقرب وقت
وشكرا قلتيلي وين نلقا ام حاملة القران
درك نحوس على الموضوع

جلة نور · 2011-08-23, 18:00

اختي اذا اذا تحتاجي مساعدة فاي حاجة قوليلي بلاك نقدر نعاونك

chahrazed-m · 2011-08-23, 18:50

جلة نور
هام المواضيع لي يخصو

لبنات ماذا بيكم لي تقدر على موضوع تقلي باه نشوف لي مزالو نكملهم

انا ديجا راني حكمت المواضيع لي عندي فكرة عليهم وراح نديرهم وبقاو هادو
المهم نحط المواضيع وكل وحدة تقلي وش راح دير

موضوع على الاناقة
موضوع على الغذاء والتغذية وهاد الشيء يعني من هاذ القبيل
واحة الثقافة والادب ماحكمت حتى موضوع
نورمالمو ندير موضوع على مرض ........ انا فكرت في سرطان الثدي وش رايكم؟
وفي تاريخ اعظم النساء خيرت سودة بنت زمعة وهي اول زوجة للرسول بعد خديجة شكون تحب تكتبلنا فيه؟
وموضوع ولا 2 في الادب

نورمالمو هادو هوما لي بقاو

chahrazed-m · 2011-08-23, 21:37

بارك الله فيك اختي

انا عجبني وجاي مجمل عن الاناقة انا ننقلو لايمان وهي تخير من المواضيع لي تديرو لهاد العدد والا ما داراتوش ان شاء الله العدد الجاي

كي تدخلي احذفيه

ليلى الجزائرية1 · 2011-08-23, 21:41

اخت ليلى صحيح انه يجب ان تكون من كتاباتنا لكن في بعض الاحيان نستعين بمعلومات من النت ونعدل ونضيف بعض الاشاء من عندنا
يعني نعدلوا فيها
هو المهم الامانة العلمية
مثلا لو جبنا مقال لكاتب معين نذكرو الكاتب
والا من كتاب معين نذكرو الكاتب والكتاب باه تكون عندنا مصداقية

وجزاكن الله خيرا

وصح فطوركم[/quote]

اختي شهرزاد إذا حبيتي نعمل مقتطفات من كتاب لعبد الرحمان العريفي ومعنون ب:إستمتع بحياتك" يحكي فيه على فنون التعامل مع الناس في ظل السيرة النبوية .......بأسلوب رائع جدا

الشعلـ إيمان ـة · 2011-08-24, 11:15

السلام عليكن
بارك الله فيكن أخواتي
والله مجهود رائع قمتن بيه
شكرا لك شهرة ربي يحفظك
بالنسبة لهمسة العدد هذيك عليا متخموش
والحوارات اتفقت مع زهرة القدس نديرو حوارات خاصة الآن ونبطلو الحوارات الافتراضية لانها منقولة دائما
وزهرة محضرتلنا حوار مع بلقيس ان شاء الله تشارك بيه في العدد الخامس

البنات انا كي قلتلكم المواضيع ما لازمش تكون منقولة مش معناه ان في كل الاعداد السابقة هي كذلك
ولكن حنا رانا نطورو ونحسنو
اللي غلطنا فيه مرة نتجاوزه المرات المقبلة
واكيد مش من اول عدد نقدرو نطبقو كلشيء ..

ايضا فكرة ليلى من كتاب العريفي أعجبتني بامكانك تطبيقها ليلى
وحضريلنا مقال هذا العدد ان شاء الله

مشكورة براءة على المشاركات الجميلة

وفكرة سرطان الثدي هايلة شهرة يا ريت تديروهالنا

+
خبر جديد
تم افتتاح واحة العلوم والتكنولوجيا
يلا كل واحد يدلي بدلوه بافكار واضافات للواحة
لانو مازال مبدينا فيها والو

chahrazed-m · 2011-08-24, 13:07

اوك مليح على الحوارات حاجة مليحة

وعلى سرطان الثدي نحوس انا وزيد وحدة تحوس هكا يكون جمع للمعلومات مليح

وعلى فكرتك ليلى هااااايلة نموت على هداك لكتاب

درك نشوفو تراه للعلوم والتكنلوجيا
رغم ان رايي خليه للعدد الجاي على خاطر درك رانا غير مع باقي المواضيع والواحات

ليلى الجزائرية1 · 2011-08-24, 18:32

أختي إيمان نشكرك على التوضيحات اللي قدمتيها ونوعدك باه نعمل ملخص ما أثار إهتمامي من كتاب العريفي
وهكذا تكون لي فرصة باه نقرا فيه شوي من يوم اللي شريتو ما طليتش عليه .

الشعلـ إيمان ـة · 2011-08-27, 12:35

اوك بنات

شهرة الواحات لخرين نورمالمو ساي كامل
دبرولي غير للعلوم والتكنلوجيا

وليلى مادبيا تبعثيلي الملخص اذا قدرتي للعدد هذا ولا مكاش للجاي معليش
بارك الله فيكم

¨°o.O (أمـ ♥ لؤي) O.o° · 2011-09-03, 19:38

بانتضار العدد الخامس ومايحمله لنا من مفاجئات على احر من الجمر

الشعلـ إيمان ـة · 2011-09-05, 15:16

نشر العدد الخامس من مجلة الشعلة للمرأة العربية

الشعلـ إيمان ـة · 2011-09-05, 15:21

إلى كل من شاركتنا قرار التغيير أو لم تلتحق بنا بعد

يسرنا دعوتك للمضي معنا في درب صانعات الأجيال

يستمر الحلم ويستمر قرار التغيير

لنصل بأخواتنا في الله إلى محطة التغيير الخامسة

فكوني فيها لتنهلي من جديدها ومفيدها

مجلة الشعلة للمرأة العربية بحلتها الخامسة تدعوكي لتتخذي قرار تغيير حياتك الآن

إلى الأفضل إلى النجاح

حملي العدد الخامس من المجلة من هنا

ليلى الجزائرية1 · 2011-09-05, 17:02

اقتباس:

المشاركة الأصلية كتبت بواسطة الشعلـ إيمان ـة

إلى كل من شاركتنا قرار التغيير أو لم تلتحق بنا بعد

يسرنا دعوتك للمضي معنا في درب صانعات الأجيال

يستمر الحلم ويستمر قرار التغيير

لنصل بأخواتنا في الله إلى محطة التغيير الخامسة

فكوني فيها لتنهلي من جديدها ومفيدها

مجلة الشعلة للمرأة العربية بحلتها الخامسة تدعوكي لتتخذي قرار تغيير حياتك الآن

إلى الأفضل إلى النجاح

حملي العدد الخامس من المجلة من هنا

بوركت وبوركت جهودم اختي غيمان وجهود كل من أسهم معك في إخراج العدد الخامس من المجلة إلى النور.

farahe 18 · 2011-09-09, 10:26

السلام عليكم
انا اود ان اشارك معكم ولو بالقليل لكن لا اعلم ماذا اقدم لكم ارجو ان تشرحو لي ولو بالقليل وجزاكم الله خيرا

ليلى الجزائرية1 · 2011-09-09, 11:35

اقتباس:

المشاركة الأصلية كتبت بواسطة farahe 18

السلام عليكم
انا اود ان اشارك معكم ولو بالقليل لكن لا اعلم ماذا اقدم لكم ارجو ان تشرحو لي ولو بالقليل وجزاكم الله خيرا

نسعد بإنظمامك إلينا اْختي فرح ،إليك هذا الرابط الذي به شرح مفصل لفعاليات ملتقانا ملتقى محبات الجنة.

https://www.djelfa.info/vb/showthread.php?t=624934