وصفات حراير الكوزينة الجزء الثاني

[ام سراج وملاك]

التونة بصوص التومات زينب 83

وصفة التونة صوص تومات اسهل مايكون تاع ضيق الوقت و البنة اممممممم

نجيب علبة تونة طبيعية يعني معلبة في الماء و الملح فقط ، انا نصفيها و نحطها في صفاية ونزيد نشللها ، ونديرلها صوص تومات كيما تع البيتزا و نزيدلها الثوم و الدبشة و لا معدنوس، وممكن زيتون خضر مقطع و اذا حبيتي ديري الزيت انا مانحبوش ، وفوقها حطي التونة و خليها طيب فوق نار خفيفة جي اممممممممم ولادي يحطو فوقها زيت الزيتون انا لالا ، حنا راهو البحر بعيد علينا يعني قليييييل وين نلقى التونة الطازجة هذي تحل المشكل لانها بدون نكهة و انت ديريلها كيما تحبي وزيد بلا زيت يعني صحية لانو تونة الطماطم المعلبة فيها الزيت و السكر

[idron0]

خبزة الكرنب والبطاطا ام يسرا

تحكمي راس كرمب تقطعيه رقيييق وتفوريه مليييييييح ,من بعد قليه مع الثوم المرحي والفلفل الاسود والملح في شوي زيت ملييييييييييح حتى تشوفيه ذبال ,ومن جهة اخري طيبي الجاج بصوص بيضاء تكون خاثرة
اقلي البطاطا مربعات صغيرة ولا تحبي تفوريها ومنبعد شوحيها في شوي زبدة الا متحبيش القليان,
فتتي الجاج تاعك وخلطيه بالكرمب والبطاطا ,
ومن جهة اخرى خلطي البيض حوالي 4 او 3 مع هديك الصوص تاع الجاج والفرماج والدبشة وشوي خمارة (اختياري ) مليح وزيدي عليهم خليط الكرمب
خلطيهم وحطيهم في الفور ولا كيما درت انا طيبتها في مقلاة متلصقش منين طابت من تحت قلبتها باش تكمل طيابها .
حنونة تقدري ديريها باللحم المرحي تجي اممممممممممم ولا حتى التونة ادا كنتي تبغيها ,في هادي الحالة زيدي للبيض الحليب ولا لا كرام فراش باش متجيكش ناشفة .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[ام ايمان 11]

وصفة البريك في الفرن للاخت زينب 83

بطاطا مغلية و مرحية في الخلاط ماشي بالفرشيطة باه جي كيما لكريمة و فيها ثوم و ملح و بهارات و دبشة ، صدر دجاج مغلي في ماء و ملح و ثوم و ليمون و مفتت، بصلة الطويلة ماشي حب مقطعة صغيرة ، ترانشات تاع طماطم ، زيتون اخضر مقطع ، فلفل حار مقطع ، شوي بيض و اللي تحب دير بيضة كاملة ، و جبن

نحط كلشي طبقات يعني بطاطا و فوقها الجاج و نكملو باقي المكونات ، في ورقة الديول لكن ندير ورقة كاملة و ربع ورقة نحطو تحت الحشو باه يشد مليح ، يعني ورقة كاملة و فوقها ربع ورقة

و نغلقها و نحطها في بلاطو مدهون بالزيت و نزيد ندهنوهم بالزيت مليح بواسطة فرشاة ، نشغلو الفرن قبل يعني يكون سخون من قبل ، نطيبوهم من التحت مليح و نزيدو نشغلو من الفوق حتى يحمارو

اذا سخنا الفرن قبل ، راهم يطيبو ثم ثم و مايطولوش خلاص يعني15 دقيقة و راهو يجي بنين و مقرمش و طري

نقدرو نديرو الحشو لي نحبو تونة ، سلق ، لحم مفروم لكن مانستغناوش على البطاطا راهي جي امممممممم تذوب كيما الفرماج

[idron0]

باتيسري ام محمد تاج

هي وصفة الرولي تاع ام كوثر بصح انا مادرتش الكاكاو يعني بيضاء اذا تحبي نحطلك الرابط وكي روليتو دهنتو بطبقة معجون المشمش وكي برد زدت فوقو طبقة كرام شونتيي ومبعد روليتو برفق وقصيتو عرض ثﻻثة سنتم ودهنت الجوانب بالكرام شونتيي ومرمدتو في الكاوكاو مرحي بالقشور ومن فوق عملت الوردات بالكرام شونتيي وزينت بالسوبر كرام ذوق فراز.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[أم التوأم]

مقروط oum yousra
درتو 3كيلات سميد و كيلة زبدة و زيدت شويا زبدة عندي واحد الطريقة تعلمتها من ماما هي كي نبسس المقروض امليح نهز شويا في يدي و نكورو ونرميه فوق الدقيق لكان تحلت الكورة يعني راهو خاصو الزبدة و لكان متحلتش يعني راهو مبسس امليح مانزيدلوش الزبدة و من بعد نضيف لو شويا ماء زهر و ماء و نبلو بلى مانعجنو و نخدم المقروض نتاعي عادي

[idron0]

تتبيلة الدجاج lyzzabel

الجاجة حضرتلها ماغيناد درت فيها ملح و فلفل اسود و كمون و راس الحانوت و موتارد و عصير ليمونة و ملعقة اكل عسل و شوية زيت موالفة ندير زيت الزيتون بصح كملي و زعيييترة و ثوم بودرة و خلطت كلشي ملييييح و طليت الجاجة تحت الجلد و من داخل و من برا و الداخل عمرتها بفصوص ثوم و ورقات رند و زوج بصلات تاع الشط يعني البصل الاخضر او الطويل قطعتهم بالطول و ربطة معدنوس و ثلاث حبات يعني زريعات من بسباس النجمة مشي النجمة كاملة ،، و ربطتها ما لرجلين و الجنحين باش ما تهربش ههههههه و خليتها فالثلاجة تشرب ملييييح و من بعد نحطها في كيس الشواء و نزيد عليها غير شوية ماء و نطيبها في فرن متوسط .

[idron0]

البالمي بالزيتون الاسود و الاخضر cuisineshowdalatifa





هي العجينة المورقة نحلها و نحط من جهة زيتون أخضر مقطع ومن الجهة الثانية زيتون أسود مقطع و نلف كل جهة للوسط و نقطعها دوائر

[idron0]

مطلوع محشي على الطريقة المغربية R I A D

ديري شوية دقيق و شوية فرينةو الملح و خميره الخبز بليهم بالماء الدافئ و ندلكه جيدا ثم نتركه جانبا يرتاح,
نقطع اللحم "هي حطت لحم و قصته رقييييق " "لكن انا درت لحم مفروم احسن" ونقطع البصل مكعبات رقيقة أيضا و الدبشة و المعدنوس +الملح+فلفل اكحل+الفلفل الأحمر+الكركم +الهريسه و زيت الزيتون نمزج الكل جيدا,

نأخذ كويرة من العجين و نبسطها فوق شوية سميد و نضع الحشو وسطها ثم نجمع عليه العجين,

نقلبها و نبسطها جيدا و هكذا حتى ننهي الكل,
ثم نضعها فوق منديل و نغطيهم بآخر حتى يتخمروا و نطهيهم في الفرن
و ها هم الصور يشرحوا احسن

[mimi30]

omaymen ام ريمة والاخوات هايليك الوصفة ناكدلكم الكيكة تجي بزاف هشيشة
80غ شكلاطة سوداء
2كيسان ونصف فرينة فيها مغرفة خميرة كيميائية
2 نغارف صغار فاني
2مغارف كبار كاكاو
175 غ زبدة
2 كيسان سكر
2بيض
1كاس كريمة سائلة او حليب
نسخن الفرن عى درجة 175
ندهن المول مليح ونرشو بالفرينة ونحي الزيادة منو
المقادير الجافة نخلطها مع بعض
نذوب الشكلاطة في المكرواوند او بالبان ماري
نخلط مليح الزبدة الطرية مع السكر من بعد نزيد البيض بالحبة نزيد الشكلاطة الذابة واخيرا المقادير الجافة ونحط الكل في الفرن لمدة 40حتى 45دقيقة
غير بشوية عليه راو يجي يذوب في الفم

[idron0]

طريقة تحضير قلب اللوز دائمة الحمد

تمّ التحديث ‏منذ أكثر من سنة‏

السلام عليكم و رحمة الله

بتجربة ناجحة مني أنقل لكم طريقة صنع قلب اللوز
جربتها وكانت ناجحة ماشاء الله وكأنها التي تباع في المحلات بل أحسن
اليكم الطريقة كما وجدتها

قلب اللوز بطريقة سهلة

لكل تجربة للاول مرة جربي رطل سميد او كيلو
2 كيلات سميد خشين
1 كيلة سكر
نصف كيلة زيت
نصف كيلة ماء الزهر
نصف كيلة ماء
قرفة نصف مغرفة صغيرة
الحشو
3 كيلات للوز او كاوكاو
1كيلة سكر نقص 1 اصبع قرفة نرش بماء الزهر
الشربات
500غ سكر
1 لتر ماء
الديكور
حبات كاوكاو او للوز
نخلط السميد مع السكر جيدا حتى يصبح يبرق ونرمي القرفة فوقها
نزيد فوقه نصف كيلة زيت ونخلط جيدا
ونرش بالماء الزهر
نعمل بكف اليد كورة وادا تشكلت يعني حلاص ماء الزهر لان السميد كين اللي يشرب وكاين لا
نمسح السنوة جيدا بالزبدة نقسم العجين على 2 ونفرغ الخليط بدون الضعط عليه
في الوسط نعمل الحشو
ناخذ معرفة كبيرة وكاس ماء ونشمخ المعرف ونمسح من فوق

[img]

نفرغ الحشو بدون الضعط

[img]

ونرفد العجين ونفرغ فوق الحشو بدون ضعط بمغرف مبلول في الماء نمسح الوجه

[img]

تعملي خطوط بدون ان تضعطي للاسفل السنوة غير من فوق لكي

[img]

والان تدخليه للفرن درجة حرارة مرتفعة توضغيه في الوسط الفرن وتوجدي الشربات

نتمنى يعجبكم و تجربوه فهو جد راااااااائع

وكملاحظة زيدو شويا الشربات يمكن يتشربها كله

ملاحظة: قلب اللوز قيس ما سخن الفور وحطيتو يطيب

الما ء ما عملتش هزلي كيلة غير ربع ماءزهر وبعد لاسقيتو بالشربات طول غطيتو ببلا اوخر ورجعتو للفور سخون وطافي

الحشو : كوكاو مطحون,شوي كاكاو و شوي قرفة .
و لا هزي شوي من عجينة قلب اللوز و زيدي لها الكاكاو و القرفة.
او لوز بقشوو مرحي خشن تقدري تعوضي بالكاوكاو محمص +قليل من عجينة قلب اللوز وكاكاو .


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

تارت yasmalak

التارت مليييح اللي ما تجيهمش الجينواز طااالعة,ساهلة ماهلة,
تخدمي 2 بيسكوي رولي تاع 4 بيض و 120 سكر و120 غ فرينة ناقصة مغرف و تعوضيها بمغرف كاكاو,كي تطيبو اسقيهم بالشاربات و ديري البيسكوي الاول وفوقو طبقة شونتيي و البيسكوي التاني و غلفيييها بالشونتيي من قاع الجوانب.



و قطعيها لمستطيلات العرض تاعه هو الارتفاااااع يعني قدما تحبيها عالية عرضييي السباتي

إضغط هنا لرؤية الصورة بحجمها الطبيعي.

و ديريييهم في المول اللي يتحل بهدا الطريييقة و غلفي الوجه ملييييح بالشونتي و دخليها تبرد شوية وتحكم روحهم

إضغط هنا لرؤية الصورة بحجمها الطبيعي.
وهدا شكلها
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


كملي غلفيييها و التزييين كل وحدة و كيفاه تحب

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
ملاحظة السبتات اللي تقطعيهم دريهم واقفييين ماشي راقدين,يعني دوريهم على المول صاير داير هههه,
تقعدلك سبتة قطعيها شوية صغيرة وديريها فالنص و اقسمي منها مورسوات صغار عمري بيهم الفراغات ادا كانو,
شوفي شكلها كيفاه يجي من داخل,الطبقات يجو واقفين.

إضغط هنا لرؤية الصورة بحجمها الطبيعي.

[idron0]

المقرونة عازفة الناي
نقلّي البصل و الثوم والفلفل الحار ( انا نرحيهم دايما بعض يعطيو بنة اممممممممممم ) في شوي زيت ونضيف لهم 2 ملاعق طماطم مصبرة و حبة طماطم مرحية واللحم ( حسب اللي عندك سواء تاع دجاج او خروف او مرحي )و نضيف الرند و الملح وفلفل اسود و البهارات اللي متعودة عليها و فلفل احمر مرحي حار مانكثرش و نمرق ونزيد شوي معدنوس ونخليها حتى يطيب اللحم و تكون مرق بزايد شوي
* نطيب المقرونة فماء مملح وفيه راس ثوم ونطيبها نص طياب
* بعد مانصفي المقرونة نصبها فقالب الفرن و نضيف عليها المرق باللحم و نزيد زيتون اسود و فرماج مقطع مكعبات وندخلها للفرن حتى تنضج وبالف صحة وهنا .


إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

كيكة النيستلي لسعيدة 88
خلطي 4 بيضات مع قرصة فانيليا جيدا ثم ضفي علبة حليب مكثف ( يكون عادي مش كراميليزي )وخلطي مليح بالباتور ثم حبسي الباتور وزيدي كاس كبير فرينة ( او كاس و نصف نتاع قزوز ) و 1 خمارة قاطو وخلطي مليح حتان تدخل الفرينة في الخليط ثم زيدي 2 ملعقة كبيرة زبدة طرية وخلطي فرغيها في مول لي تحبي ودخليها الفرن 180 درجة من 20 حتى 30 دقيقة انتي و الفرن نتاعك
ملاحظة :
انا استعملت حليب مكثف نتاع الدار (انتاج محلي ) استعملت في الميكسور حطي كاس حليب غبرة + كاس سكر رطب +نصف كاس ماء سخون ( مش يغلي سخون برك ) +2 ملعقة زبدة طرية وخلطي جيدا
هاذ الكمية عملتلي 2 علب حليب مكثف
اقتصادي 100 ب 100

[idron0]

بديل الجيلاتين دائمة الحمد

الجيلاتين استبدليه بالفلون بالصح اعملي بدل الحليب عصير مطابق لنوعية الفلون والعلبة تاع نصف لتر اعمليها ف يكاس غير ربع ماء اوعصير وراح تستغني عن التفكير فيما يسمى بالجيلاتين عمري لا استخدمتو.

[idron0]

قراتان بطاطا lyzzabel

بدون حشو ديري التالي:
في بلا تاع الغراتان قطعي حبة بصل صغيروووونة بالعرض يعني دواءر رقييييقة و اذا عندك البصل الطويل يكون احسن و فوقه ستفي طبقة من البطاطا تكوني قطعتيها دواءر بالعرض مشي غليظة و معاها بصلة صغيروووووووووونة تاع الصح ههههه رابي و تبلي بالملح و الفلفل الأسود و خلطي كلشي ،، حطي فوقها فرماج رابي ولا تاع المثلثات كثري و زيدي غطيها بطبقة اخرى تاع بطاطا و فرغي فوقها كمية من الزيت و شويييية ماء ما تكثريش ،، و غطي البلا بالالمنيوم و دخليه للفرن على 200 درجة ،، مين تطيب لازم تكون ناشفة نحي الألمنيوم و حطي عليها فرماج رابي كمية مليحة و رجعيها للفرن يدوب الفرماج و يتحمر شوية و بالاكي تحرقي البصل لي من تحت لازم يتحمر غير شوية تجي بنيييينة بزااااف .