للإجابة عن استفساراتكم حول السنة الأولى '' تخصص الطب '' و كذا '' الطب العسكري ''

[islam17]

ممكن سؤال ماهو الملف المطلوب للدخول الى الطب العسكري
وقد سجلت في الموقع مادا بعد
وممكن على اي اساس يتم الانتقاء معدل ام ترتيب ام من كل ولاية 2 ام ماذا

[.زَيْنْ الْدِيِنْ.]

المشاركة الأصلية كتبت بواسطة selmaimene

in sha allah tripondili akhi zine din
je veux te poser une question:
hna za3ma les étudiants de medecine est ce que on peux faire des recherche pour découvrir les remedes de differents maladies ou b1 c'est juste etre un medecin

مرحبا أخــي ،،، نظن أنو البحث العلمي تقدروو ديروو بعد التخصص ،، والله ماعنديش معلومات كثيرة

ممكن سؤال ماهو الملف المطلوب للدخول الى الطب العسكري
وقد سجلت في الموقع مادا بعد
وممكن على اي اساس يتم الانتقاء معدل ام ترتيب ام من كل ولاية 2 ام ماذا

الملف النهائي ،، مشترك كيفو كيف ملفات الانظمام لبقية القوات ،، تلقاه فالموقع اللي سجلت فيه ولا فالدليل ...
أما الملف الأولي ،، فيه شهادة التوجيه اللي تطبعها من النت و فيه شهادة ميلاد و اظرفة و استمارات تقدم لكم ،، والله ماشفيتش ملييح على كل الاوراق ،، نحاول نبحثلك عليها
بالنسبة لكيفية الانتقاء ،، راجع المشاركة 45

السلام عليكم ورحمة الله
موضوعك يا اخي رائع و مفيد للغاية
لقد كنت متابعة عن بعد ههه والآن حان وقت الخروج من الظلام
اخترت الطب و كانت لدي عدة اسئلة اغلبها تمت الاجابة عنها بعد طرحها من طرف الاعضاء جزاهم الله كل خير
جعلها الله في ميزان حسناتك اخي
صح فطروكم

شكـــرا اختي ،، أي سؤال نحن في الخدمة

شكرا مرة أخرى يا أخي

هاا ؟ 8:15 ؟ دبرتوووها
أنا نسكن أصلا في قسنطينة (عين اسمارة)
معناتها لا مجاال
ال6:00 فيها فيها ههههههههههههه

+
شكرا على النصائح بالنسبة للغياب
+
معناتها تهنينا من ولي الأمر ! >> مع أني مانيش مالفة نغييب خلاص
يعني نورمالمون نكمّل على المنوال
وزيد كي نصحتني مانغييبش بإذن الله خلاص ههههه

شكرا لك ورايحة نخمم في أسئلة أخرى بإذن الله

اممم عين سمارة ،، نظن ماشي بعيدة بززاف عالنوفال ؟ يعني ماكآش circulation كيما الشآلي ؟

[✿❀سًجّْـدًةْ خٌشٌـوُعٍـ ❀✿]

السلام عليكم ورحمة الله
موضوعك يا اخي رائع و مفيد للغاية
لقد كنت متابعة عن بعد ههه والآن حان وقت الخروج من الظلام
اخترت الطب و كانت لدي عدة اسئلة اغلبها تمت الاجابة عنها بعد طرحها من طرف الاعضاء جزاهم الله كل خير
جعلها الله في ميزان حسناتك اخي
صح فطروكم

[DIDO MIDO]

السلام عليكم
هل حقا يجب ان يقبلوني في الطب المدني كي اضع ملف الطب العسكري ؟؟

هل يجب ان يقبلوني في الطب المدني فقط ام انه لا باس طب او صيدلة او جراحة اسنان

لاني وضعت في الاختيارات العشر صيدلة ثم طب اسنان و طب وضعته 6

و شكرا

صحا فطورك

[.زَيْنْ الْدِيِنْ.]

المشاركة الأصلية كتبت بواسطة dido mido

السلام عليكم
هل حقا يجب ان يقبلوني في الطب المدني كي اضع ملف الطب العسكري ؟؟

هل يجب ان يقبلوني في الطب المدني فقط ام انه لا باس طب او صيدلة او جراحة اسنان

لاني وضعت في الاختيارات العشر صيدلة ثم طب اسنان و طب وضعته 6

و شكرا

صحا فطورك

لالا ما شرط الطب ،، صيدلة و طب اسنان ثاني يقبلوك عادي

[Abde Slam]

السلام عليكم

وش هوما les gardes؟؟؟؟؟

[manel.1706]

المشاركة الأصلية كتبت بواسطة Abde Slam

السلام عليكم

وش هوما les gardes؟؟؟؟؟

les gardes هو أنو مناوبة يعني تبات خدام في السبيطار عندنا في وهران تبدأ المناوبة من الرابعة مساءا حتى الساعة الثامنة صباحا وممبعد دير rapport de garde مع chef service وتخرج حوالي العاشرة صباحا حنا عندنا في وهران مكاش حتى للسنة السادسة في موديل الاستعجالات يفرضو عيك 2 مناوبات لكن تقدر دير من عندك

[Abde Slam]

المشاركة الأصلية كتبت بواسطة manel.1706

les gardes هو أنو مناوبة يعني تبات خدام في السبيطار عندنا في وهران تبدأ المناوبة من الرابعة مساءا حتى الساعة الثامنة صباحا وممبعد دير rapport de garde مع chef service وتخرج حوالي العاشرة صباحا حنا عندنا في وهران مكاش حتى للسنة السادسة في موديل الاستعجالات يفرضو عيك 2 مناوبات لكن تقدر دير من عندك

شكراا اختي وبارك الله فيكــــ،،

[نعمة القدوس]

والله ماعلابالي لكان النوفال بعيدة على السمارة بزافف
صح ماكانش سيركيلاسيون بالصح ماعلاباليش
(رحتلها مرة وحدة وماشفيتش عليها)

بالصح مانعرف .. نزيد نسقسي

إيييه حقا
الدروس .. يمليوا عليكم ؟ لأني مازلت مانزربش فالفرنسية
ولا كيفاه ؟

هل تقترح عليا نتعلم نزرب الكتابة بالفرنسية بسرعة ؟
+
تنظيم الكراريس
كيف تقترح عليا ندير ؟ نشري كراريس
ولا نشري هادوك الأوراق المتطايرة ؟

[.زَيْنْ الْدِيِنْ.]

المشاركة الأصلية كتبت بواسطة نعمة القدوس

والله ماعلابالي لكان النوفال بعيدة على السمارة بزافف
صح ماكانش سيركيلاسيون بالصح ماعلاباليش
(رحتلها مرة وحدة وماشفيتش عليها)

بالصح مانعرف .. نزيد نسقسي

إيييه حقا
الدروس .. يمليوا عليكم ؟ لأني مازلت مانزربش فالفرنسية
ولا كيفاه ؟

هل تقترح عليا نتعلم نزرب الكتابة بالفرنسية بسرعة ؟
+
تنظيم الكراريس
كيف تقترح عليا ندير ؟ نشري كراريس
ولا نشري هادوك الأوراق المتطايرة ؟

مايمليوش عليكم بززاف ،، كلش فلي بوليكوب
و حتا كي يمليوا مارآحش يزربوا لأنهم يقدروا الظروف
+
بالنسبة للكراريس والله كل واحد و طريقتو ...
أنا كنت نكتب فالاوراق البيضاء و نمسّكها مع لي بوليكوب كل درس بأوراقو
و الكل يوضع في حافظة مقسمة بعدد المواد

ممكن سؤال كم هي منحنة طالب الطب لعسكري ومن اي سنة يبدأ في الاستفادة منها

المنحة هي 9000 دج شهريا ،، ابتداءا من الشهر الأول
و ابتداءا من السنة 4 يبداو يخلصوا

[islam17]

ممكن سؤال كم هي منحنة طالب الطب لعسكري ومن اي سنة يبدأ في الاستفادة منها

[isma3ilmoh]

السلام عليكم ورحمة الله وبكاته
صح صحورك اخي زين الدين و جزاك الله خَيرا على المبادرة الطيبة
اود ان اسألك عن الحفظ :
هل يجب حفظ الدروس كيما تع الشريعة ؟؟ اام يكفي ان تفهم في المحاضرة وتراجع مادرست
زعما . في الامتحان يقدر يقولك عرّف ؟ ولا اذكر ؟
+ اخي ضربت طلة على السيتولوجي لم افهم شيئا دروس بزاااااف
باين حنشووووف ايام سووودة

[.زَيْنْ الْدِيِنْ.]

المشاركة الأصلية كتبت بواسطة isma3ilmoh

السلام عليكم ورحمة الله وبكاته
صح صحورك اخي زين الدين و جزاك الله خَيرا على المبادرة الطيبة
اود ان اسألك عن الحفظ :
هل يجب حفظ الدروس كيما تع الشريعة ؟؟ اام يكفي ان تفهم في المحاضرة وتراجع مادرست
زعما . في الامتحان يقدر يقولك عرّف ؟ ولا اذكر ؟
+ اخي ضربت طلة على السيتولوجي لم افهم شيئا دروس بزاااااف
باين حنشووووف ايام سووودة

مرحبا بيك خويا ...
بخصوص الحفظ ،، لازملك جلسة ،، او ما اسميه بالتربص المغلق ،، جو هادئ ،، تحاول تركز قدر الامكان ،، تحط أمامك لي بوليكوب ،، و ال pc و تنظمنهم ،، ،،
تسمي بسم الله و تتوكل على الله ،، تحاول تفهم مخطط الدرس اجمالا يعني العناوين فقط ،، تقسمو الى اجزاء ،، تفهم كل جزء على حدا بالاستناد للرسومات ، الفيديوات أو ملاحظات .... المهم تفهم ...
كي تكمل الفهم تبدا تحفظ ،، ماش عن ظهر قلب لكن تحفظ بذكاء و تحاول تتخيل الاسئلة اللي قادر تجيك على هذاك الجزء و تكون قادر تجاوب عليها ،،، كي تكمل ،، بعدها بمدة تحاول تراجع الكور بلا ما تشوف للورقة + تحل الامتحانات السابقة ،،
هذي كآنت طريقتي و حالة وآحد ما حضرش لي كور للأسف لكنها فعالة و الحمد لله
بالنسبة للسييتووو والله ساهلة خلاص ،، روح شوف الاناتومي ،، Mmbr inferieure

صلاة الظهر
واين ووكتاه كنت تصليها ؟

في أغلب الاوقات كنت نرجع للاقامة عا12 ،، يعني نصليها فالاقامة
أما كي مانروحش كنت نأجلها للمساء مع صلاة العصر '' ربي يغفرلي '' لأنو الشآلي لي كنا نقراو فيه جا في بلاصة خالية مافيها والو

[isma3ilmoh]

المشاركة الأصلية كتبت بواسطة .زَيْنْ الْدِيِنْ.

بارك الله فيك خويا وان شاء الله نشوفوك دكتوووور قد الدنيا
+

الاسئلة تع الامتحانات كيفاش ؟ هل كلهم qcm ؟
يعني واحد مزهر يقدر ينجح ؟؟

[.زَيْنْ الْدِيِنْ.]

المشاركة الأصلية كتبت بواسطة isma3ilmoh

بارك الله فيك خويا وان شاء الله نشوفوك دكتوووور قد الدنيا
+

الاسئلة تع الامتحانات كيفاش ؟ هل كلهم qcm ؟
يعني واحد مزهر يقدر ينجح ؟؟

ان شاء الله يا خويا ،، ربي يحفظك

فقسنطينة ،، كل الأسئلة ب سيستام qcm
الزهــــر و ماأدراك ما الزهر غير ماتفكرنيش ....
مرة جاوبت على 10 اسئلة كامل a تخيل في 10 مافيهمش ولا وحدة a '' فالثلاثي الثالث ''