9 مشتركات في المرحلة الثانية .....وهل هناك امل للبقية

[stayfiya]

راني رايحه نخدم انا بالتوفيق للجميع و في الليل نتلاقاو سلام

[biba04]

صباحك اسعد سطايفية وام اثري نتوما على الاقل تصميم موجود انا لاتصميم ولا شيء راسي حبس

[OM AYA]

صباح الفل و الياسمين

[OM AYA]

انا على الورق ما درتش مش راح ندير عندي تصور معين و رايحة نطبقوا بلا تفلسيف و السلاااااام

[نور الامل 12]

صباح الانوار والافكار المشرقة صباح الاعمال الناجة والتصميم المميز لالا التنفيذ المميز وقيل معطوش هذا الشعر سطايفية ام اثري بيبا ام اياكامل لبنات ربي يكون معاكم ويوفقكم ورابيد مبقاش الوقت لا ترددولا تاخر الى الامام سر
كثرت عليكم من التفلسيف

[سَلْسَبِيّلْ]

صباح النور واش راكم كامل كشما اخترعتو انا عن نفسي بلوكيت

[sakura be]

صباح الخير وشراكم بنات كشما بديتو ؟؟؟؟
انا عييت مع باط الطماطيش سلخني وماحب يتشكل............وزيد مالقيتش الصبغة اللي نقدر نلونو بيها عييت نحوس .تبانلي نغلفوا بالقماش وانتهى لانو الوقت مابقاش .

[نور الامل 12]

المشاركة الأصلية كتبت بواسطة sakura be

صباح الخير وشراكم بنات كشما بديتو ؟؟؟؟
انا عييت مع باط الطماطيش سلخني وماحب يتشكل............وزيد مالقيتش الصبغة اللي نقدر نلونو بيها عييت نحوس .تبانلي نغلفوا بالقماش وانتهى لانو الوقت مابقاش .

اختي البسي ليقون وخدمي واذا غلفتيهم بلكل ميبانوش وكلي مدرتي والو بعد شقاك الصبغة ديري حتى الغوج دي زونقل ومعليك غير بلمقس الي يقسو بيه الاشجار والا البانس وانانقترح عليك الباط تع الطماطم ديري منو غير اكسسوار واللي تركزي عليه البدون راهو ساهل في التشكيل لوكان تسخنيه شوية وتشكلي وبلاك تتحرقي ومبعد تقولي جرت نور الليقونة ثم الليقونة نشاالله تعجبك افكاري وتساعدك

[souheila dz]

شكر خاص للأخ عمر و للمتسابقات الفحلات بالتوفيق للجميع المهمة تبان صعيبة ربي يعينكم

[kika85]

اخي عمر انا ما رانيش مشاركة في التحدي بصح فهمت انو ممكن يستعملو البيدون والباطة بانهم يقصوهم متلا قطع صغار ويستعملوهم في بلاصة العقاش؟

[ام مهدي 03]

السلام عليكم. بالتوفيق للجميع

[سَلْسَبِيّلْ]

جيت نطل الغاشي اكل يشكي ربي يكون في العون

[فريولة ابتسام]

مساء الخير واش راكم البنات لقيتولها راسها ولا مازال......... سمعتوا اخر خبر الاخ عمر ديجا لم حوايجو باه ايروح للجزيرة ايا ديرو فيه الزكارة وخلوه هنا.....ماتخلوهش ايروح

[stayfiya]

مسااء النيلو و لحديد مساء الكُلاَّب و لمقص و الكيتور و البانتورة مساء الخبطات و لجراح و الدمومات. ام قريب يجيوني الاسعاف خويا عمر رانا تبالافرينا شرطنا لاااازم تديرلنا تعويضات ياخي اكسيدون دو طرافاي غير ديرلنا لاسيرونس يعني كيفاش جاتك الفكرة هاذي !!!!

[LAMIA TEFFAL]

المشاركة الأصلية كتبت بواسطة stayfiya

مسااء النيلو و لحديد مساء الكُلاَّب و لمقص و الكيتور و البانتورة مساء الخبطات و لجراح و الدمومات. ام قريب يجيوني الاسعاف خويا عمر رانا تبالافرينا شرطنا لاااازم تديرلنا تعويضات ياخي اكسيدون دو طرافاي غير ديرلنا لاسيرونس يعني كيفاش جاتك الفكرة هاذي !!!!

مساءك ورد وجمال وابداع اجمل تحية سمعتها من بداية المهمة شكلك راكي مندمجة معها 100%100 والله حوادت راهي مالية بيوت سكان المنتدى راني قطعت صبعي مع انو العلبة تاع هنا مشي كيما تاع البلاد سهلة الاستعمال يالله ربي يكون معانا وكملوا المهمة على خير