حائــــر تائـــه يطلب المساعدة

[amira chaba]

عادي يا أخي تزوج و بعد 5 سنين ان شاء الله تكتب موضوع تاني و تقول نفس الكلام
زوجتك امرأه تزوجتها صغيره يعني شخصيتها المفروض تتكون على يدك
انت راجل و الضرب و الاهانه رايحين يخلوها تحب عائلتها اكتر و تسمع كلامهم اكيد تخاف ترميها و تبقى من غير سند
الحاجه الثالثه انت اتزوجت بعد ما حبيت و تقدر ترجع حياتك جنه او ترجعها نار

[Abdenour07]

اولا انا راني قلت بان زوجتي في نفس سني، 31 سنة ييعني مشي صغيرة
ثانيا شكون قالك راني اهنتها و لا حقرتها؟
ثالثا، اختي انت راكي تقولي إن شاء الله نتزوج و بعد 5 سنين نرجع و نكتب نفس الشيئ، علاش اميرة؟ و لا نتي المهم ضد فكرة الزواج!!!!!!

[amira chaba]

المشاركة الأصلية كتبت بواسطة abdenour07

اولا انا راني قلت بان زوجتي في نفس سني، 31 سنة ييعني مشي صغيرة
ثانيا شكون قالك راني اهنتها و لا حقرتها؟
ثالثا، اختي انت راكي تقولي إن شاء الله نتزوج و بعد 5 سنين نرجع و نكتب نفس الشيئ، علاش اميرة؟ و لا نتي المهم ضد فكرة الزواج!!!!!!

لو كنت تزوجت وحده اختارتها عائلتك كنت نفكر فأنك بديت تحب لاول مره فحياتك لكن انت اخترت بنفسك لا و تحديت الناس فجالها
و هذه المره تاني رايح تتحدى مرتك و دير مشاكل مره تانيه فجال الزواج !!!!!!!!!!!
تكلمت معها و ناقشتها مرارا و هددتها بالطلاق، ......طردتها من المنزل......... لكن اخاف االاا اعدل فانا لااطيق زوجتي الحالية

هذا كلامك و انا قلت الاهانه ( الطرد و التهديد بالطلاق) و الكره للفقلبك تحس هي بيهم لانها زوجتك و امرأه قبل كل شيء ولما تحس بهذه الحاجه اول شيء تفكر فيه انها تكسب اهلها و تسمع كلامهم

آخر حاجه انا ماشي ضد فكره الزواج و لا ضدك بالعكس نتمنالك الخير مع مرتك و بنتك اما مع وحده تانيه منتمنالك والو
انا ضد تفكيرك لانه عندك مشكل عوض ما تحل المشكل نتاعك بديت تفكر فالزواج و من الاول خايف من انك ماش رايح تعدل

نقولك حاجه: كاين جديد تلفلك عقلك و لا مكاش؟؟

[نسائم الهدى]

عذرا أختي أميرة
الحب شيء والزواج شيء آآآآآخر مغاير تماما
في الحب تكون داااااااااائما
السماء زرقاء
والأرض خضراء
والشمس صفراء
والورود حمراء
والفراشات تطير
لكن في الزواج لن تكون الأمور دائما هكذا
الحب هو الأحلام
أمّا الزواج فهو الواقع
السيدة في عمرها 31 سنة ومازال أهلها يتحكموا فيها ؟؟؟
علاش مراهقة ولاّ صغيرة ؟؟؟
ونقول لأختي عائشة
يا شوشو السيد راه يقول منذ الأيام الأولي من زواجهما اكتشف أن زوجته عديمة الشخصية وعمرها 26 سنة
ومنذ ذلك الوقت مازالت على ما هي عليه
أختي هذا السيد راه بشر دم ولحم وخمس سنين عازب وهو متزوج والله ما حياة
صح عندكم الحق يخمم في بنتو مي حالته هو ما فكرتوش فيها ؟
ما فكرتوش واش معنتها 5 سنين تعب و إجهاد نفسي وعصبي وجسدي ضربة وحدة ؟
الناس تفرح كي تجي في العشية للدار
ما خممتوش هو كي يكون جاي العشية للدار واش يكون شعوره؟
نقولك خويا ؟
حالتك وجعتني ولوكان جيت نعرف زوجتك كان ممكن ننصحها ونعرفها لأنها راهي من سني تقريبا
مي الله غالب ما عندنا غير الدعاء ليك
ربي يكون في عونك
وربي يهديها وينوّر بصيرتها
سلاااااااااااااااااااااااااااااااام

[amira chaba]

المشاركة الأصلية كتبت بواسطة نسائم الهدى

عذرا أختي أميرة
الحب شيء والزواج شيء آآآآآخر مغاير تماما
في الحب تكون داااااااااائما
السماء زرقاء
والأرض خضراء
والشمس صفراء
والورود حمراء
والفراشات تطير
لكن في الزواج لن تكون الأمور دائما هكذا
الحب هو الأحلام
أمّا الزواج فهو الواقع
السيدة في عمرها 31 سنة ومازال أهلها يتحكموا فيها ؟؟؟
علاش مراهقة ولاّ صغيرة ؟؟؟
ونقول لأختي عائشة
يا شوشو السيد راه يقول منذ الأيام الأولي من زواجهما اكتشف أن زوجته عديمة الشخصية وعمرها 26 سنة
ومنذ ذلك الوقت مازالت على ما هي عليه
أختي هذا السيد راه بشر دم ولحم وخمس سنين عازب وهو متزوج والله ما حياة
صح عندكم الحق يخمم في بنتو مي حالته هو ما فكرتوش فيها ؟
ما فكرتوش واش معنتها 5 سنين تعب و إجهاد نفسي وعصبي وجسدي ضربة وحدة ؟
الناس تفرح كي تجي في العشية للدار
ما خممتوش هو كي يكون جاي العشية للدار واش يكون شعوره؟
نقولك خويا ؟
حالتك وجعتني ولوكان جيت نعرف زوجتك كان ممكن ننصحها ونعرفها لأنها راهي من سني تقريبا
مي الله غالب ما عندنا غير الدعاء ليك
ربي يكون في عونك
وربي يهديها وينوّر بصيرتها
سلاااااااااااااااااااااااااااااااام

يعطيك الصحه درتي درتي و رجعتي للكلام ديالي
الحب حاجه و الزواج حاجه
و هو محتاج حب و احاسيس و بعد فتره من الزواج تبدى المشاكل و يرجع الفتور على خاطر ميعرفش يواجه و يغير حالته هو يعرف يغير المراه
يعني لحل ماشي فالزواج الحل انه يكلم زوجته و يعدل افكاره

اما

العذاب فهو يرجع لداره ماشي لغوانتانامو و الحمد لله ملقاش زوجته مع راجل تاني و لا فاسده و لا معفونه يعني يقدر يرجع حياته مليحه

و انت فعمرك 31 سنه و لفاتني بليله فاتني بحيله لكن نقولك سمعنا الكلام منه برك و كان غير مقنع يعني شخصيتها ضعيفه و من بعد ؟
متاكده لو سمعنا منها راح يكون هو الغالط

[نسائم الهدى]

المشاركة الأصلية كتبت بواسطة amira chaba

لكن نقولك سمعنا الكلام منه برك و كان غير مقنع يعني شخصيتها ضعيفه و من بعد ؟
متاكده لو سمعنا منها راح يكون هو الغالط

بارك الله فيك اختي أميره
وصح عندك الحق في هدي غلبتيني وأعترف بذلك
لأنني دائما نقول كيما تقول جدتي
(القاضي يسمع من زوج والجوج يسمع من زوج)
وتقول تاني
(الله يجيرنا وشهودهم ملايكتهم )
صح ممكن لوكان تحكيلنا هي يطيح هو الغلطان
وممكن صح هو راه حاب يعيش الزواج تماااااااااما كيما كان عايش الحب
وعقلوا الباطن لم يستوعب المسؤولية التي وقعت على عاتقه بعد الزواج ولم يقتنع بأن الزواج واقع والحب أحلام
وممكن أن يكون هو من أحبطها
ربما رأت منه بعد الزواج وجها آآآخر لم تره في فترة الحب والخطبة وهذا ما أحبطها وجعلها تكون هكذا
تعرفي صح عندك الحق ولا أنكر ذلك
مي أنو وحدة تعيش مع واحد ما يحبهاش حتى وتكون هي تحبوا والله ما حياة
المهم الله يهديهم وينوّر بصيرتهم
بارك الله فيك
وسلااااااااااااااااااااااااااااام
ملاحظة: العذاب النفسي أفضع ملياااااااااااار مرّة من تعذيب غوانتانامو صدقيني

[salimsalm]

تزوج ؟؟؟؟؟؟

[abdel02]

الزواج حب ومودة
انا لست ادري مايدور بينكما
ولكن علاج المشاكل بين الزوجين
كلمة حب
ترى لما كان الرسول عليه الصلاة والسلام يداعب زوجاته
ويسابق عائشة وتغلبه
انظر خويا عبد النور
تغلبه...هل في نظرك هي تسبقوا
مستحيل ولكن لنا في رسول الله اسوة حسنة
ربي معاك ويهنيك
وعسى ان تكرهها ويجعل الله فيها خيرا كثيرا
واعلم ان النساء خلقن من ضلع اعوج
اصبر واحتسب لربي وشوف لهاذيك البنيتة
ننتظر اخبار سارة عليك وعلى بنت عبد النور

[نسائم الهدى]

أختي شوشو
لقد أفحمتني
لك كل تقديري واحترامي

[Abdenour07]

ا

[Abdenour07]

السلام عليكم
إعذروني على غيابي فقد كنت في سفر عمل كالمعتاد... عندما قراة تدخلات الاخوة و الاخوات تمنيت لو كنت حاضرا، لكن للاسف.
والله ماعلابالي واش نرد
المهم كلامكم مازعفنيش، بالعكس، انا لما قررت اني نطرح مشكلتي في هذا المنتدي، كنت اعرف اني ساناقش ناس في المستوى مثلكم، استفيد بخبرة كاش واحد كبير او نصيحة من طرف ما او حتى دعاء، لانه عندما يكون الواحد في مشكل صعيب و يطول، مجرد انو واحد يحس بيك تعتبرها حاجة كبيرة.
باش نوضح المور اكثر، قالتلي مرة زوجتي "ان مرة مانستاهلكش" بالاك ذرك تفهموني، و انا انسان نتعامل بالحوار و النقاش نفهم و نتفهم،كي نجي نهدر معاها في كاش مشكل تتجاهلني و تسكت ماتقول لا ايه لا لا حتى انا كرهت و ليت ما نهدر معاها في حتى حاجة، هذا مثال فقط و قطر من بحر
يارب اصلح احوالنا و احوال جميع المسلمين

[amira chaba]

المشاركة الأصلية كتبت بواسطة abdenour07

السلام عليكم
إعذروني على غيابي فقد كنت في سفر عمل كالمعتاد... عندما قراة تدخلات الاخوة و الاخوات تمنيت لو كنت حاضرا، لكن للاسف.
والله ماعلابالي واش نرد
المهم كلامكم مازعفنيش، بالعكس، انا لما قررت اني نطرح مشكلتي في هذا المنتدي، كنت اعرف اني ساناقش ناس في المستوى مثلكم، استفيد بخبرة كاش واحد كبير او نصيحة من طرف ما او حتى دعاء، لانه عندما يكون الواحد في مشكل صعيب و يطول، مجرد انو واحد يحس بيك تعتبرها حاجة كبيرة.
باش نوضح المور اكثر، قالتلي مرة زوجتي "ان مرة مانستاهلكش" بالاك ذرك تفهموني، و انا انسان نتعامل بالحوار و النقاش نفهم و نتفهم،كي نجي نهدر معاها في كاش مشكل تتجاهلني و تسكت ماتقول لا ايه لا لا حتى انا كرهت و ليت ما نهدر معاها في حتى حاجة، هذا مثال فقط و قطر من بحر
يارب اصلح احوالنا و احوال جميع المسلمين

آمين يا رب

يمكن تكون صح تعمل بلحوار
شفت شحال من مره جاوبتك ............و الكلام لكنت نقول فيه
جربت نزعفك
و
لقيتك صح تتفهم
جرب تحكيلها على الحوايج لتكرهم و تحب تغيرهم
و
لما تقولك انا منستاهلكش يمكن تكون سمعت منك او من غيرك كلمه جرحتها
اعطيلها فرصه و 2 و 3
يمكن تتغير
اصلا فالمرحله لكرهت فيهاا لهذه الدرجه يمكن اي وحده تلعب بعقلك و لا بقلبك احسن
اي امرأه رايح تشوفها ملاك
فكر و هذه حياتك خويا عبد النور و انت تعرف كيفاه تكملها
ربي يقدملك لفيه الخير يا رب

[Abdenour07]

المشاركة الأصلية كتبت بواسطة amira chaba

آمين يا رب

يمكن تكون صح تعمل بلحوار
شفت شحال من مره جاوبتك ............و الكلام لكنت نقول فيه
جربت نزعفك
و
لقيتك صح تتفهم
جرب تحكيلها على الحوايج لتكرهم و تحب تغيرهم
و
لما تقولك انا منستاهلكش يمكن تكون سمعت منك او من غيرك كلمه جرحتها
اعطيلها فرصه و 2 و 3
يمكن تتغير
اصلا فالمرحله لكرهت فيهاا لهذه الدرجه يمكن اي وحده تلعب بعقلك و لا بقلبك احسن
اي امرأه رايح تشوفها ملاك
فكر و هذه حياتك خويا عبد النور و انت تعرف كيفاه تكملها
ربي يقدملك لفيه الخير يا رب

يقولوا الصبر ينال، راني صابر و خلاص، حبيت برك نوضح حاجة، انه لا توجد حتى وحدة في بالي في الوقت الحالي، معناه ماشي راه كاين وحدة هي لي راهي لاعبتلي براسي، انا اصلا لو اني نقرر باش نتزوج مرة ثانية علابالي رايح نلقى صعوبة باش نختار، لانه في المراة الولى كنت متيقن باني ساكون اسعد انسان و رايح نكون اسعد اسرة، فاذا بي انا اتعس انسان
والله ربي يجازيك على وقتك و جهدك، بارك الله فيكم

[النجمة القطبية]

المشاركة الأصلية كتبت بواسطة abdenour07

االسلام عليكم،
مشكلتي بدات منذ ان تزوجت، حيث خطبت فتاة في مثل سني كانت تدرس معي في الثانوية، و لتاكدي من انها هي من ستكون سندي تجاهلت فيها ب الامور، مثا السن و مرضها و اشياء اخرى متعلقة بوالديها، تم الزواج رغم معاضة اهلي في بادء الامر، و منذ اليوم الاول بدات المشاكل، و ذلك بسيطرة اهلها عليها معنويا و ماديا و نفسيا، اذ فوجئت بان ليس لزوجتي شخصية و تخاف من اهلها الى حد الموت،بل و تقف ضديي الى جانبهم حتى و لو كنت على حق، تكلمت معها و ناقشتها مرارا و هددتها بالطلاق، دون جدوى، طردتها من المنزل لكن اهلي كانو يرجعوها خوفا على ان اكون ظلمتها، المهم اني كنت اضن اني ساجن، ثم تراجعت لفترة عن فكرة الطلاق لاعطيها فرصة لكن دون جدوى، و اقتنعت اخيرا انها لاتليق بي، في تلك الفترة رزقت بطفلة، وحركت في مشاعر الابوة، مضى الان على زواجي خمس سنوات عجاف، مروا كاسوأ فترة في حياتي، لا اريد ان اسمح في ابنتي ولا اريد ان ابقى كاعزب متزوج. اني عازم ان شاء الله على الزواج مرة اخري لكن اخاف االاا اعدل فانا لااطيق زوجتي الحالية.
سامحوني اعرف اني اطلت عليكم، لكن القلب تعمر و ان شاء الله اجد من يساعدني او تساعدني و جزاكم الله خير[

اخى الكريم
مشكلتك فيها عدة نقاط ولو انها تبدو لى غير واضحة وكان هناك جزء او حلقة مفقودة
انت قلت انك تزوجتها على الرغم من امور كنت تراها بمثابة نقص فيها يعنى وكانك لم تكن راضى عن هذا الاختيار من البداية ولكنك رايت فيها السند ولم توضح من اى ناحية
ثم قد اشرت الى امر مهم جداا اولا عدم رضاك على اهلها فى بداية العلاقة ورفض اهلك لهذا الزواج ايضا ولم تفسر لتتوضح لدينا الامور
هناك جملة ايضا لم افهمها كيف سيطرة اهلها عليها حتى ماديا
هل سبب مشاكلك مع زوجتك هم اهلها لانها تقف معهم مرارا وتكرارا بمعنى هم سبب المشكلة ام ان هناك امور اخرى
المهم اخى
الزواج هى علاقة لابد وان يسودها المودة والاحترام وانت قلت بنفسك انك اتخذت الكثير من الخطوات منها منع الهاتف عنها ومنعها من زيارة اهلها واضف ما ذكر فى موضوعك من طردها وحتى عدم ارجاعها بل تكفل اهلك بارجاعها والله اعلم بالباقى اعتقد ان مثل هذه الامور متعبة نفسيا لاى امراة مهما كانت وربما قليل من تتحمل ما يدل على ان زوجتك متمسكة بك وببيتها
ولو كانو اهلها يسيطرون عليها اصلا لما فكرو بارجاعها لك لذا استغرب واقول ان هناك حلقة مفقودة
اخى الكريم فى الزواج اما امساك بمعروف او تسريح باحسان
هذا هو مبدا الزواج
هناك من قالت تزوج عليها او اعمل واعمل
انا اقول قرار الزواج بالثانية فى الاسلام ليس نكاية بالاولى ولا لتاديبها انما هو رخصة لك وحلال احله الله لك بمعنى واجبك اصلاح بيتك الاول قبل فتح الثانى
هذا ان قررت الزواج
وانت بنفسك اعترفت انك غير قادر على العدل
الحل بيدك اما تحتفظ بها وتصلح ما يمكن اصلاحه وتحسن معاملتها ومعاشرتها او تسرحها وانتهى
اما اعتقادك ان الزوجة الثانية قد تكون احسن من الاولى فلا اضمن لك وما ادراك قد تكون اسوء ولا نعلم حتى الان المشكل فيك ام فيها
اخى الكريم رايي ان تعمل المستحيل لاسترجاع حياتك وانقاذ زواجك من الفشل
واعتقد ان زوجتك متمسكة بك والا لما رجعت
فحاول ايجاد الاخطاء واصلاحها
وتاكد ان الزواج السعيد يحتاج لجهد وعمل ومثابرة مثله مثل اى عمل فى الدنيا لا شئ ياتى دون جهد
من جد وجد اذن اجتهد فى استرجاع زوجتك وامتلاك قلبها وتحسين خلقها واكيد ستحصد وان لم ينفع تبقى الطرق الاخرى هى الحل
وفقك الله

[Abdenour07]

المشاركة الأصلية كتبت بواسطة النجمة القطبية

اخى الكريم
مشكلتك فيها عدة نقاط ولو انها تبدو لى غير واضحة وكان هناك جزء او حلقة مفقودة
انت قلت انك تزوجتها على الرغم من امور كنت تراها بمثابة نقص فيها يعنى وكانك لم تكن راضى عن هذا الاختيار من البداية ولكنك رايت فيها السند ولم توضح من اى ناحية
ثم قد اشرت الى امر مهم جداا اولا عدم رضاك على اهلها فى بداية العلاقة ورفض اهلك لهذا الزواج ايضا ولم تفسر لتتوضح لدينا الامور
هناك جملة ايضا لم افهمها كيف سيطرة اهلها عليها حتى ماديا
هل سبب مشاكلك مع زوجتك هم اهلها لانها تقف معهم مرارا وتكرارا بمعنى هم سبب المشكلة ام ان هناك امور اخرى
المهم اخى
الزواج هى علاقة لابد وان يسودها المودة والاحترام وانت قلت بنفسك انك اتخذت الكثير من الخطوات منها منع الهاتف عنها ومنعها من زيارة اهلها واضف ما ذكر فى موضوعك من طردها وحتى عدم ارجاعها بل تكفل اهلك بارجاعها والله اعلم بالباقى اعتقد ان مثل هذه الامور متعبة نفسيا لاى امراة مهما كانت وربما قليل من تتحمل ما يدل على ان زوجتك متمسكة بك وببيتها
ولو كانو اهلها يسيطرون عليها اصلا لما فكرو بارجاعها لك لذا استغرب واقول ان هناك حلقة مفقودة
اخى الكريم فى الزواج اما امساك بمعروف او تسريح باحسان
هذا هو مبدا الزواج
هناك من قالت تزوج عليها او اعمل واعمل
انا اقول قرار الزواج بالثانية فى الاسلام ليس نكاية بالاولى ولا لتاديبها انما هو رخصة لك وحلال احله الله لك بمعنى واجبك اصلاح بيتك الاول قبل فتح الثانى
هذا ان قررت الزواج
وانت بنفسك اعترفت انك غير قادر على العدل
الحل بيدك اما تحتفظ بها وتصلح ما يمكن اصلاحه وتحسن معاملتها ومعاشرتها او تسرحها وانتهى
اما اعتقادك ان الزوجة الثانية قد تكون احسن من الاولى فلا اضمن لك وما ادراك قد تكون اسوء ولا نعلم حتى الان المشكل فيك ام فيها
اخى الكريم رايي ان تعمل المستحيل لاسترجاع حياتك وانقاذ زواجك من الفشل
واعتقد ان زوجتك متمسكة بك والا لما رجعت
فحاول ايجاد الاخطاء واصلاحها
وتاكد ان الزواج السعيد يحتاج لجهد وعمل ومثابرة مثله مثل اى عمل فى الدنيا لا شئ ياتى دون جهد
من جد وجد اذن اجتهد فى استرجاع زوجتك وامتلاك قلبها وتحسين خلقها واكيد ستحصد وان لم ينفع تبقى الطرق الاخرى هى الحل
وفقك الله

بارك الله فيك على هذا الكلام الموزون و العقلاني، هي راهي متمسكة بي صحيح، و هذا لانها لا تريد الرجوع للجحيم الي كانت فيه في دار باباها، انا كان علابالي بلي والديها .................. ، وهي كانت واعدتني غير نتزوجوا نعيشوا كيما نحبوا، ولكن هيهات... و واش درت انا حوايج ماشي ملاح كانوا ردات فعل و ليس فعل.