؟؟؟

[- بصمة خير -]

المشاركة الأصلية كتبت بواسطة همسة هنى

السلام عليكم

إنت حاب حل لمشكلتك ~~~ و إحنا متعاطفين مع خطيبتك (( على الاقل انا ))


أخي أتمنى أن تجد حلا بعيدا عن المنتدى سيصيبك الصداع هنا فقط

عليك نور

لو فقط يجرب معاها و من بعد اذا ماحبهاش او كرها مايقدر يعيش معاها

من بعد من حقوا الانفصال

كل شيء بسيف غير المحبة

و لازم الاستخارة

[rafika1988]

من سيضمن لك أن الفتاة التي تحبها ستقبل بك بعد كل ما حصل مع خطيبتك الأولى خصوصا أن الفتاتين زميلاتان في العمل على ما أعتقد ...

نصيحتي لك صل صلاة الاستخارة لتضح معك الامور
وربي يجيبلك اللي فيه الخير

[نور اليقين جيداء]

لي مكتوبة لك تديها صلي الاستخارة و ربي يسهل ان شاء الله

[naceur baba]

ياأخي ربي يهديك تجري من وراء وحدة رفضتك مرارا وتكرارا كون راجل وتحلى بالكرامة وخلي هذا المبدأ بين عينيك لا تفعل المستحيل من أجل من لا يفعل من أجلك حتى الممكن اكيد اللي تحبها راه عندها واحد واذا راك شفتها رجعت تعاملك مليح وووو فهذه تريد الإطاحة بك بعدما خطاها اللي تحبو نوصيييييك حاجة أنساااااااااااااااااااها ودير المستحيل باه تنساها ماشي باه ترجعلها صح صعييب بصح تبقى الكرامة فوق كل إعتبار اللي باعك بالفول بيعو بقشورو أما عن خطيبتك فأنا ارى انها بنت حلال وكي خلات خدمتها ماهيش على خاطر باه لازم تتزوج وأنما حنا البنات اللي قلنا حبسو الخدمة نحسبوه رااااجل وماهوش طامع في الشهرية وماتظلمهاش وتقول على خاطر راهي في 30 وووو بهذا راك تظلم في البنات ماتنساوش بللي الزواج بيد ربي كل وحدة والسن اللي ربي يفتح عليها فيه والله يااخوتي راكم تظلمونا بهذا القول تاخرت في الزواج وراهي بايرة ووو ربي يهديكم هذا الامر راهو بيد ربي سبحانو مش بيدنا لو كان جاء امتحان نقرى ونقرى حتى نربح بصح هذا مكتوب ربييييييييييييييييييي حاول انك تحب خطيبتك والمستحيل اللي راك حاب اديرو على جال اللي رفضاتك ديرو من اجل خطيبتك خييييييييييييييير قاع لوكان بطلت على خطيبتك روح شوف على واحدة اخرى وما ترجعش تحلل في الاولى واكثر من الاستخارة واكيد ربي حنان منان راح يبيلك الطريق الصواب واسمحلي خويا وماتزعفش مني وما تنساش تخبرنا عل جديدك امانة فيك وربي يهنيك وماتنساش حاااااااااااجة مهمة في حالة اذا ما قررت تفسخ الخطوبة خبر الطفلة وصرحها واطلب منها السماح لان دعوة المظلوم تقبل وسلام

[دلوعة أبي و زوجي]

المشاركة الأصلية كتبت بواسطة اميرة باحتشامي

للهوى عليك سلطان عظيم يا اخي حكم عقلك تبدل حب الملوك بالشوك وين صرات هاذي يا اخي

الفرق راهو كبير بين خطيبتك والمراة الثانية وعلاه راك تطيح بروحك وتنتقص من رجولتك هذا كيما تشوف فيك الثانية اما خطيبتك فيها الخير اذا ما قولتش هي كامل خير اذا ضيعتها راح تندم والله راح تندم باينة بنت حلال لو كان ما شافتش فيك مواصفات الزواج المثالي ما كانتش رايحة تقبل بك العمر في هذا الحالة ما عندو ما يفيد يفيد غير الصح لو كان تعرف واش كتبت واش قولت عليها رايح تطيشك على طول ذراعها ورايحة تنسى 30سنة ؟؟؟؟؟ لانه درة كيما هاذي مستحيل ربي يخيبها ولا يضيعها لانه ببساطة هو الرزاق

صلي الاستخارة مرة وزوج وثلاث وعشرة واستغفر ربي

ايه بلا ما ننسى اذا فسخت الخطوبة بلا سبب رايح تولي ذكر في مجتمع الرجال واحد ما يدير فيك الثقة حتى من المراة اللي رايح تفسخ على جالهالها ورايحة تحتقرك اكثر واكثر

واش حكايتك مع السحر بركا ما تشكك في عفة المراة واش ادير بك توكل ربي عليك والسلام هي ماهي خاسرة والو يكفيها 2 ركعات في جوف الليل وكيما تقول جدة اللي زهاتلو ليام يوجد عزاهم


وربي يفرج عليك

أختي إيمان و الأخوة لي سبقوني قالوا كلش واش حابة نقول
بصح كاينة حاجة جي في بالك بلي وحدة كيما هذي رايحة تسحرك ؟ و خايف و هي أخي مخفتش عليها ؟
تعرف هي كون تقل فيك برك حسبي الله و نهم الوكيل فيك خلاص داك الواد و ما بالك دعوة المظلوم في جوف الليل
سامحني أخي ربي يهديك و يسقم حوالك

[mounia 85]

انا نظن ماراكش حاب تبطل انت وتبوسي فيها باش تبطل هي على جال باش تردلك كاش هدايا جبتهملها نهار حفل الخطوبة على خاطر كون تبطل نتا تخاف ماتردلك والو والله اعلم نعرف لعباد لي كيفك كاين بزاف منهم
على خاطر مستحيل تكون تكرها لهاد ابدرجة وتستنى فيها هي لي تبطل وعن تجربتي الشخصية نهار تيقنت انو لي كان خاطبني ماقدرتش نبلعوا وكرهتوا ممكن اكثر مما تكره انت خطيبتك لاسباب طبعا ماشي مثلك بدون سبب ....قررت نبطل وواجهت الدنيا كامل حتى عايلتي ودرت لامبوسيبل حتان بطلت ورجعتلو كلللللللللللش
مالا ماعندك حتى حجة نتا تكرها ماجيش هنا وتهدر عليها وهي مسكينة مدايرة لامبوسيبل على جالك ....صارحها انت على خاطر ماهيش راحا تبطل غير ماتعولش عليها

[عُضو مُحترم]

انت تريد ان نقول لك افسخ الخطوبة

و هكذا تقنع نفسك بانك على صواب

لاننا قلنا لك افسخ الخطوبة و ارجع لحبيبتك الاولى

يعني ترمي الفارغ ....و تطلّع العامر كيما نقولو

============================

الحل بسيط

افصح الخطوبة

ولكن

هل سيتركك ضميرك مرتاحًا؟؟؟


شخصيا لا اعتقد