شاب مطلق يريد الزواج من جديد - نصائح من فظاكم

[الدكتور سام]

ابغض الحلال الى الله عز و جل الطلاق............................

[voice75]

je veux des personnes dans la même situation....merci

[لحن الفرح]

اخي الكريم انصحك ان لا تتسرع في الزواج .
خذ متسع من الوقت .

[amira chaba]

نظن انك شاب عمرك 30 سنه
مطلق منذ 4 سنوات
تجربه زواج فاشله وواضح انك تزوجت صغير
صبرت 4 سنين بزاف
..................................
الحياه لازم تستمر و الخوف او المحاضرات متنفعش
الواقع يختلف
...................................
الغيره راح تكون موجوده من جانب طليقتك و زوجتك الجديده و حتى ابنك
المهم
اختار زوجه صالحه و من الاول خليها تعرف انها مسؤوله على ابنك و قيمته من قيمتك انت
و خلي وليدك قريب منك على الاقل يحكيلك اذا ظلماتوا
اما علاقتك بطليقتك خلاص انتهت يبقى الكلام فجال وليدك و المفروض يكون هدا الكلام سطحي او فوجود مرتك الجديده و هكا ترتاح
..............................
نصيحه لما تتزوج شوف حل باه مرتك متجيبش ولد تاني فالعام الاول على الاقل تعرف عقليتها مليح و تشوف اذا تتغير معاملتها لولدك او لا
و راقب نفسك حتى انت ممكن تتغير

[latifa19]

خويا نمدلك رايي انشاء الله طيح في بنت فاميلا بصح اول شئ فهمها بلي مصلحتك وليدك فوق كل اعتبار لانو بعتبر يتيم وفهمها بلي كاين اتصال بينك وبين زوجتك السابقة على جال وليدك كي تحط النقاط فوق الاحرف من اليوم الاول انشاء الله مايكونشس مشكل بصح دبر في بالك حاجة مهمة بلي المرآة راهي غيارة بطبيعتها انت حاول تفهم زوجتك الثانية بصح ما ما تحللهاش العين كيما تقولو في سطيف وانشاء الله تطيح في بنت فاميلة تصونك تربي وليدك احسن تربية .

[voice75]

اشكركم يا اخوتي على النصاءىح وانتظر المزيد خاصة من نساء متزوجات من رجل مطلق

[الوداع]

أول نصيحة أقدمها لك لا تنظر للزواج على أنه صفقة قد تربحها أو تخسرها، هناك دائما أمور لا تخطر على البال في البداية ويمكن مراجعتها بعد ذلك، بالنسبة للمجربين لدي صديقة تزوجت من رجل في نفس وضعيتك يعني مطلق وله ابن، وبصراحة هي منذ البداية شايفة روحها دايرة فيه مزية ، فصفة المطلق لها وزن سلبي وهي ليست في صالحك، من جهة ثانية زوجها خوفا من الوقوع في الطلاق مرة ثانية أصبح عبدا لها يطيع كل أوامرها، صديقتي ليست إنسانة سيئة ولكن هي امرأة ككل النساء ... متى أمسكت على الرجل ذنبا فهو مذنب مدى الحياة، بخصوص الطفل هو لا يسمح لها بأن توجه له أي ملاحظة ، يعني ايدير كيما يحب وهذا خطأ في رأي الأطفال مهما كانو يحتاجون إلى تربية وتوجيه

هناك قريب آخر مر بتجربة الطلاق وتزوج مرة ثانية وسمعت أنه ندم على زوجته الأولى، لهذا أنصحك ألا تقارن بين الاثنتين فهذه لها محاسن لا تملكها الأخرى والأخرى تملك محاسن لا تملكها الأولى، اذا نويت على الزوجة الثانية فانسى الأولى ولا تفكر بها مع العلم أنك لن تنساها نهائيا

وفي الأخير أنصحك أن تخوض تجربة الزواج الثانية على ريتم الزوجة الثانية ...

[bass_inf]

أولا عليك بالمرأه المتدينه

ثانيا : اللي اوله شرط اخره نوووور ...

من يوم الرؤيه الشرعيه قوللها يا بنت الحلال راه ابني ثم ابني ثم ابني ... معاملتك ليه اتكون ومأنك جبيتيه من كرشك

كون حازم في هدا الامر باش اتخاف المراه

ما تقوللها والو على مرتك القديمه هي عارفه انها لازم اتكون معامله لانها بينكم ولد واكيد هي راح تستنتج وحدها

شي اخر قوللها دائما وذكرها انه هذا الولد عندي بالدنيا وادا حابه ترضيني ربيه ربايه مليحه

[z.abdo]

السلام عليك أخي

أولا انصحك بالتريث ولا تتسرع


تخيل لو تتزوج مرة ثانية وتجد الزوجة الاخير أسوأ من الأولى فتصبح ترى الأولى جنه


لهذا اخي الكريم يجب علينا ان نصلح انفسنا وكأني اراك لك الرغبة في الزواج من جديد لكن هذا خطأ


أولا اخي عليك ان ترجع زوجتك لكن قبل ذالك يجب ان تضعو النقاط على الحروف

يجب الإحترام بينكم الإبتعاد على ما يكره الطرف الآخر

فعل ما يحب الطرف الآخر

يجب ان لا تركز على الاشياء السلبية في زوجتك بل ركز على الاشياء الإيجابية

اكسر الروتين بخرجة عائلية أز نزهة تكون فيها الرومنسية والكلام الطيب


أخي الكريم انت مش راح تخسر شيء جرب من اجل اسرتك

من اجل ولدك

من اجل زوجتك ممكن راك ظالمها


انتظر ردك اخي

[سماء الامل]

.........نعم....حاول دخل الفكرة اتناع ترجاع زوجتك...انت قلت راها وصلت الاموربيناتكمالى نقطة الا رجوع..........
من قالك ...بالاك هي مازال تحوس اعليك ....انت جرب جس النبض أولا..........كلنا ننتضر رك

[kelly2929]

أرجو ان تتصل بي في أقرب وقت لامر يهمك

[عادل إن شاء الله]

ربي يسهل ليك خويا بصح دير حساب الطفل لي عندك