جيبولي كادووووووو - الصفحة 2

مريم الصابرة · 2012-05-17, 18:34

اقتباس:

المشاركة الأصلية كتبت بواسطة haloma02

اولا كل عام وانت بخير العقوبة ل 100 سنة ان شاء الله
انا جامي حتفلت بيه لأنو مش من عادتنا نحتفلوا بيه و احيانا يفوت النهار ومنفيقش بلي يوم عيد ميلادي
وفي الاخير نقولك ربي يعطيك ما تتمناي

السلام عليكم اختي شكرا الف شكر ربي يخليك ويعطيك ما تتمناي شكرا فالحقيقة انا نكنت نحتفل بيه زمان لما كنت صغيرة عندي سنوات ما إحتفلتش وما نحتفلش حتى لو تكون الفرصة لكن أمي تجيبلي القاطو ونشربو القهوة عادي يعني فقط شويا يزعقو بيا يقولولي كبرت ههههههه ويفوت النهار عادي لكن لما كنت مخطوبة واش من دلال واش من كادوات هههههه الله غالي الدايم ربي برك شكرا اختي ربي يخليك

مريم الصابرة · 2012-05-17, 18:37

اقتباس:

المشاركة الأصلية كتبت بواسطة امينة 1991

عيد ميلاد سعيد وكل عام وانتي بالف خير وصحة وعافية وسلامة
كيف حالكي مريومتي؟ ارجو ان تكوني في تمام الصحة والعافية , انا مانحبش نحتفل بعيد ميلادي لأنو يروح عام من حياتي وكي يوصل هذا النهار ما نصيبو غير وقتاه يخلاص ما نحملش نكون زعفااااااااااااانة بزاف خاصة اذا فكروني وقالولي اليوم عيد ميلادك خاصة هذا العام في مارس قفلت 21 سنة والله ماحسيتلهم كيفاش فاتو .
المهم عيد ميلاد سعيد وكل عام وانتي بالف خير , joyeus anniveraire
وهاهي هديتكي

افتحيهم تعرفي واش فيهم
وهاهي الكعكة ارجو ان تنال اعجابكي

واتمنى ان اضع لكي هذه في موضوعكي القادم باذن الله تعالى

وحلويات اخرى احلى واروع من هاته

السلام عليكم امينة اختي صحيتي وربي يخليك ويعطيك ما تتمناي انا الحمد لله و إنت وأهلك إن شاء الله راكم بخير
عادي ما نزعفش على العكس نحب يفوت العام باه نكبر يا امينة كنت مطيارة هههههههههههه قد ما نكبر نستعقل إن شاء الله نحاول ما نضمنش ربي يبارك مازلت صغيرة
شكرا على الكادو وشكرا على الحلويات وعلى رقتك وطيبة قلبك ربي يبارك فيك

مريم الصابرة · 2012-05-17, 18:38

اقتباس:

المشاركة الأصلية كتبت بواسطة معجزة الاكوان

العاقبة ل100سنة تعمر فيها مريم وترى اولاد اولا اولاد اولادها
كما بيونة
اما الكادو وجدي روحك وقعدي مليح وغمضي عينيك
امممممممممممممممممممممممممممممح
بزايد عليك

السلام عليكم اختي شكرا شكرا يا اختي ربي يبارك فيك وصلتني البوسة ربي يخليك تعيشي شكرا

مريم الصابرة · 2012-05-17, 18:40

اقتباس:

المشاركة الأصلية كتبت بواسطة soriaalg

كل عام وانتي بالف خير وفي صحة وسلامة ربي يكبرك في طاعتو وضا والدتك ربي يخليهالك
بالنسبة ليا انا كنت فقط وصحبتي الانتيم ديما تتفكرني وتجيبلي كادو وانا كيفكيف وبعدما كبرنا وتفرقنا ولات فقط رسالة تعني لي الكثير يعني انها ما زالت تتذكرني وانا ايضا اتدكر عيد ميلادها تقبلي مني هذي الورود كهدية اخوة

السلام عليكم اختي شكرا ربي يخليك ويجازيك فطرتيني بصحبتي كنا كيما إنت وصحبتك ولكن الدنيا تبدل الناس يا ختي وكل واحد مشا في حياتو مي معليش الدنيل تلاهي المهم راهي بخير شكرا اختي ربي يجازيك

مريم الصابرة · 2012-05-17, 18:42

اقتباس:

المشاركة الأصلية كتبت بواسطة عُضو مُحترم

ايهيه غدوا عيد ميلادك

المهم الف مبروك و كل عام وانتي بخير و العقوبة لالف عام

انا جامي درت عيد ميلاد

بصحتك القاطو

السلام عليكم خويا هيه غدوى عيد ميلادي شكرا خويا ربي يخليك ويجازيك أنا كنت نديرها لما كنت صغيرة اما من بعد لالا شكرا لك

مريم الصابرة · 2012-05-17, 18:45

اقتباس:

المشاركة الأصلية كتبت بواسطة لذريق

السلام عليكم أختي الكريمة مريم
كيف حالك و ربي يبارك لك في عمرك و يجعله سعادة و أفراح
تستاهلي كل خير و ألف هدية
بالنسبة لعيد الميلاد كما قال من سبقني هي مجرد عادة دخيلة و حتى ان فعلت فللأطفال الصغار
لكن لما يصيروا كبار يتم ترك هذه العادة
لكن القوم الجدد و القوار نتاوعنا بداو يبدعون و يخلقون ما لم يكن في الناس من عادات
هم حديثوا عهد بالشكارة و الدراهم و لا مجد لهم و لا عز و لا شيئ يُذكرون به الا المال و هم كلهم مِن مَن جمع المال بالحرام فتريهم ينفقونه في كل أمر يجلب الشهرة و نظر الناس
ربي يهدينا و كل عام و مريم بصحة و عافية
تقبلي مروري و جزيتي الجنة
أسأل الله أن نسمع عنك كل خير
ســــــــــــــــــــــــــــــــــــلام

السلام عليكم خويا الغالي واش احوالك ما راكش محتاج دعوة راك اخ شكرا وحتى إنت تستاهل كل خير الدنيا ربي يخليك على كل شي درتو معايا ويجازيك بالجنة انا كنت نديرها لما كنت صغيرة اما الآن لالا فقط بين امي واختي مرات إذا تذكرتني تجي هي وولادها وما نحكيلكش الحس راك سمعتهم هههههههههه شكرا اخي على كلامك الرائع ودعائك الغالي شكرا

مريم الصابرة · 2012-05-17, 18:46

اقتباس:

المشاركة الأصلية كتبت بواسطة عُضو مُحترم

الله غالب نسكن بعيد على alger

كون جبتلك الكادو ههههه

نكتفي بهذا

السلام عليكم خويا ربي يخليك هذي تكفي وبالزيادة روعة نموت على الشيكولا ربي يخليك اممممممم تشهي يا محترم تقول عارفني نحب هذا النوغ من القاطو شكرا

مريم الصابرة · 2012-05-17, 18:49

مين
ا

اقتباس:

المشاركة الأصلية كتبت بواسطة z.abdo

السلام عليك أختي

انا نقلك إن شاء الله يتم عليك هذه السنوات في طاعته وعباداته ويبعد عليك المعاصي والهم والحزن ويفرج عليك اختي

وتكون إن شاءالله هذه السنة هو شفائك من مرضك وربي يرزقك بالزوج الصالح الذي تقربه عينك أختي مريم

فقط في مثل هذه الأيام يجب ان نأخذ وقفة مع انفسنا حاسبو انفسكم قبل ان تحاسبو

هل نحن نقترب من الله بطاعاتنا أو هل نحن نبتعد من الله أكثر وأكثر مع مرور الزمن

وبهذه الطريقة الإنسان لا يظيع

تقبلي مروري أختي ولن انساك بدعائي بظهر الغيب

السلام عليكم خويا عبدو شكرا على المشاركة في كل مواضيعي شكرا شاعؤ الهجاء المهزوم
اللهم آمين شكرا على الدعاء لغالي وأنا بدوري ندعيلك البطالة طلقك بالثلاث ههههه وربي يفرج عليك وعلينا كلنا إن شاء الله وتروح تخطب ويجرو موراك بالمكنسة ونكون حاضرة وقلبي يتشفي فيك هههههههههه شكرا على كل شي خويا الغالي ربي يخليك

z.abdo · 2012-05-17, 18:50

اقتباس:

المشاركة الأصلية كتبت بواسطة مريم الصابرة

مين
ا
السلام عليكم خويا عبدو شكرا على المشاركة في كل مواضيعي شكرا شاعؤ الهجاء المهزوم
اللهم آمين شكرا على الدعاء لغالي وأنا بدوري ندعيلك البطالة طلقك بالثلاث ههههه وربي يفرج عليك وعلينا كلنا إن شاء الله وتروح تخطب ويجرو موراك بالمكنسة ونكون حاضرة وقلبي يتشفي فيك هههههههههه شكرا على كل شي خويا الغالي ربي يخليك

حضنية28 · 2012-05-17, 18:51

السلام عليكم اختي مريم بالمناسبة اهنيك بعيد ميلادك ان شاء الله عمرك كله في طاعة الرحمان هديتنا لكي اختي الكريمة هو ان لكي معزة في قلوبنا جميعا وهي اجمل واحلى هدية لكي دمتي طيبة وحنونة

حنيني24 · 2012-05-17, 18:53

اقتباس:

المشاركة الأصلية كتبت بواسطة مريم الصابرة

السلام عليم اختي حنونة حنان الحنينة كيف حالك بنانتنا
شكرا اختي ربي يخليك ويعزك يقربك إلى الله اكثر قأكثر الصراحة أنا كنت نحتم على بابا يديرهالي باه نزوخ على صحاباتي هههههههههه ولوكان ما يديرهاش نحرق الدار ونايفهم وما نهدرش معاهم هههههه كنت مستغلة حب بابا ليا وما يرفضلي والو ربي يرحمو
شكرا اختي تعيشي

رحمه الله عليه،،، إن شاء الله غي مدقوليناش
ديروها لي ولا نحرق المنتدى وتنايفينا هع هع
لكان كيما هاك،،، كلش علي قاع متخميش هع هع

حضنية28 · 2012-05-17, 18:55

متنسايش خليلي حقي نتاع القاطووووووووووووووووووووووووووو والقازوز

مريم الصابرة · 2012-05-17, 19:00

اقتباس:

المشاركة الأصلية كتبت بواسطة حنيني24

رحمه الله عليه،،، إن شاء الله غي مدقوليناش
ديروها لي ولا نحرق المنتدى وتنايفينا هع هع
لكان كيما هاك،،، كلش علي قاع متخميش هع هع

السلام عليكم اختي وي سور هذي غدوى لو ما يجيبوليش القاطو محرق روحي كالبوعزيزي حتى هي ولات لامودا هههههه اكي معروضى بعد الصلاة غدوى تجي تاكلي القاطو فالمنتدى هههههههه شكرا اختي

مريم الصابرة · 2012-05-17, 19:02

ا

اقتباس:

المشاركة الأصلية كتبت بواسطة asosa

متنسايش خليلي حقي نتاع القاطووووووووووووووووووووووووووو والقازوز

السلام عليكم اختي ما شي خسارة مي غدوى بعد الصلاة ارواحي تاكلي القاطو والقازوز وإدعيلي فالصلاة كان لالا ما نمدش القاطو ههههههههه لا جامي هذي ختي بلا عيد ميلاد مرحبا بيك تتعشاي وتباتي وتظلي الف مرحبا شكرا

2012-05-17, 19:04

السلام عليكم
كل عام وأنت بخير
أنا شخصيا ضد هاته الفكرة
حتى وفي الدار كاين لي يحتفلوا بيها ( نقصد الأطفال الصغار)مي أنا خارج مجال التغطية كي كونو محتفلين
بصح لاتارت ناكل منها إذا جابولي طبعا لأني ما مديتلهمش كادوووو
أما أنت أختي مريم نمدلك كادو هو دعائي لك
بأن يحقق الله لك ما ترغبين فيه يارب
( إدا قدرتي فليكسيلي شوي نتاع لا تارت راني نستنى )