الى كل المجتهدين والناجحين هل أنتم مع أو ضد - الصفحة 2

faten06 · 2012-05-06, 15:39

شكرااا على الموضوع

أنا مع الدراسة في الصيف......نديرو مراجعة عامة على الدروس الاساسية لي تدخل فالباك ......و كون غير ندخلو فيها الفرنسية .

fullafifi · 2012-05-07, 00:30

انا علي حسب راي نرجعوا الدروس شوية في الصيف بس مو معناتها نجبها غير قرايا. لان لو منرجعش نلق روحي نسيت الدروس في بداية سنة وخاصة في الرياضيات والفيزياء بالدرجة الاول وكدلك العلوم .لان ابعة اشهر ونصف من العطلة قادر تنسي كل شي تصيب روحك فرغان وكانك في يوم تلقيتش بهدا الدرس ومتقدرش هدك الوقت تراجع ولاتكمل الدروس معها .ويكن الوقت قد فات لهدا انصحكم ان تراجعوا شوية وش فها في هدا العطلة كل نهار تخص منها ساعة او نصف ساعة للمراجعة ماك خسر فيها ولوا .

fifi94 · 2012-05-07, 15:54

انا مع الدراسة في الصيق وربي يكون في عوننا أجمعيييييييييييييييييييييييين

virus-dz · 2012-05-07, 18:14

من رأيي ان تعملوا دروس خصوصية في الجمعيات او غيرها لكي تدخلو العام القادم ونتوما فاهمين
+ تدخلوا بعقلية الباك

ammmira · 2012-05-09, 09:40

السلام عليكم ورحمة الله وبركاته
أنا في رأي لازم منتعبوش رواحينا بزاف في الصيف باه كي ندخلوا مندخلوش عيانين ديجا
العام الجاي انشاء الله اكيد راح يكون التركيز اكثرهم على المواد العلمية ومنلقاوش وقت للمواد الاخرى كيما الانجليزية والفرنسية لهدا من الاحسن كون في هادي الصيف نقضيو عليهم انشااااااااااااااااء الله

الحمد لله رب العالمين.

مسوس ب.أ · 2012-05-09, 10:00

عندكم صح واش قلتوا ملازمش نتعبوا أنفسنا في الصيف و خصوصا راح تتلاقى مع الرمضان و السخانة بصح نركزوا غير شوية على مراجعة الدروس فقط التي نحتاجها في العام القادم مثلا في الرياضيات (الجداء السلمي و المتاتاليات و الدوال...) في الفيزياء (الحمص و الإرجاع و الأكسدة...) في العلوم (ADN...) و لازم تاني نقراو كتب فرنسية باش نعودوا أنفسنا على هادي اللغة فمثلا أنا أكره الفرنسية لكني أحب الإنجليزية كثيرا بصح لازم نعود نفسي على حب قراءة الفرنسية في الصيف إن شاء الله و كيما الأساتذة تاوعي يوصوني .... (أقراو الكتب تاع les fables و حاولوا تشرحوا الكلمات لي ماتفهموهومش بالفرنسية يعني استخدموا قاموس فرنسي-فرنسي).

***ســـــــــــــــــلام*

ahmed khalil3 · 2012-05-14, 18:40

هاذي حاجا مليح نقراو في الصيف ولي راه حاب يرتاح بعد الباك ان شاء الله ترتاحو حتى تكرهوا .......................

rizo · 2012-05-15, 11:47

اياكم و دراسة المواد الاسايسة في الصيف
كل شيئ في وقتوا حلو و بعدين هاي اسمها عطلة
انا قررت نقرا فرنسية الكتب الجرائد لي نلقاها نقراها نفس الشيئ بالنسبة للانجليزية و نزيد نقرا كتب ابراهيم الفقي رحمه الله

RiDS · 2012-05-15, 12:32

راح ندير ليكور مي خفافي برك لانو ما كملناش مقرر نتع الرياضيات
فيزياء ++ علوم بصح بلعقل برك لفرونسي و لونقلي ما عنديش مشاكل و الحمد لله نزيد كشما ندبر اجتماعيات نحفظها

ahmed khalil3 · 2012-05-15, 19:09

كيما انا خاطيني فزنسي و انجليزية ما نعرفش نقراهم يا خي تقدرو تعا ونوني

Misty56 · 2012-05-15, 19:37

انا مع المذاكرة الخفيفة الغيييييير مكثفة

والله لن تضرنا بشيئ

ومن قال انها مضرة

فانا اعتبره ممن يريدون تثبيطنا