موضوع جذيذ - الصفحة 2

ام امجد14 · 2012-04-21, 22:02

انا بناتى واحدة ثلاث سنوات واحدة سبعة شهور ما زال ما نخبيلهم اليس كذلك

ام مرية · 2012-04-21, 22:16

رحبا بيك حنونتي اسمحيلي هادا وين شفت موضوعك شكرا على الطرح المميز عجبتني فكرة الموضوع كل الامور الي تهم ربات البيوت طرحتيها هنا بالنسبة لعولة رمضان عندي ما نهدر اما تجهيز البنات انا بنتي عمرها 3 سنوات مازال الحال ولكن نهدرلكم على اختي راهي في مقام الزواج ورانا نوجدولها ان شاء الله ربي يفتح عليها بولد الحلال وصافي هي وكل البنات لي عودة في الغد ان استطعت ان شاء الله باش نحكي باسهاب نموت على التقرعيج هههههه

فوزية22 · 2012-04-21, 22:29

السلام عليكم انا نحب نشار كم بآرائي الحمد لله على كل حال عندي ولد واحد حاليا لاكن دايمن نحب نوجد له حوايج العيد بكري وقبل ما يلحق رمضان على خاطر في رمضان سخانة تاع الطقس و الاسعار تحرقني وزيد ولدي انشاء الله السنة هاذي ندخله للتحضيري نوجدله اكثر المهم الي عندهم دراري كل مرة اشري لواحد فيهم زوج تبديلات على حساب دراهمكم و بالنسبة للبنات انا تبان لي كي تزيد الطفلة ديريلها شحيحة (حصالة )خبيلها فيها كل شهر نسيب مين تكبر تلقى دراهمها واجدين ولا قدرتوا وجدولهم الذهب لكن على حساب السعر تاعه ماشكيتش[/b]
و الادوات و الكتوبا كذلك كي تلقاي الفرصة اشري مجموعة من الكراريس و خليها عندك و الكتوبا مالازمش كامل جدد تقدري تشريلهم من عند الدراري لي سابقينهم في العوام
ان شاء الله ربي يخليلنا و ليداتنا و ازواجنا و يرزقهم الرزق الحلال و يقدرنا على تربية اولادنا
قولواآمين

houdehoud · 2012-04-21, 22:30

شوفو بالنسبة ليااولادي إذا كتبلي ربي نديرلهم حساب في البنك وكل شهر نحطلهم 1000دج و الباروكاللي يجيهم من زيادتهم و روح نلوحهولهم في حسابهم البنكي هاذ الساعةعندي غير لينه ربي يحفظهالي و طرحت الفكرة على راجلي عجباتو بصح مازال ماطبقهاش mais والله اذا خدمت نديرها

sondse1 · 2012-04-22, 08:39

الف شكر ليك عزيزتي على هذا الموضوع الجميل و الله يستحق التثبيت

ان شاء الله لي عودة الى الموضوع باقتراحات

حبيبتي ام امجد / ام مرية / هدهود

واش احوالكم توحشتكم بزاااااااااااااف

ام امجد14 · 2012-04-22, 09:29

صباح الانوار عيكم جميعا واش احوالكم
صح صح سندس راكى نسيتينا واش احوالك
عجبتنى فكرة شحيحة للبنات غادى نطبقها ان شاء الله
وايضا فكرة الكراريس ملابس

ام امجد14 · 2012-04-22, 09:40

يا اختى ام مصطفى ربى ينجحلك اولادك
انا ايضا ولدى امجد راه عندو امتحان الابتدائية رانى نحاول باش نشريلو ملابس جديدة باش يفوت بيها وننصحك ما دريش الزهو عليهم كى ينجحو ان شاء الله
وما تكلفيش روحك مع المهنئين راكى تجيبى العين ليهم
ولى توكليها لناس شريها حاجة تفرحيها بيهم و تكافئيهم بيها

مريم سلسبيل · 2012-04-22, 10:43

رانا نستناو في ام مارية تقلنا على عولة رمضان

وللاخت للي عندها مشكل في الاحدية انقلك نشري لولادي من سبابط الشيفون والله يلبسو السباط عام ومابتقطعش مش غي الزوالي للي يشريهم حتى لل يكاين لهم لانه جلدهم صحيح وميتعبوش ولا واش رايكم

نيفرتيتي. · 2012-04-22, 11:24

اخواتي انا العام هذا ماني فاهمة فيه والو لاني راح نرحل
راح نكري دار في دزاير بمليون ونص الشهر ونخلص عام
راح نكري كاميو ندي بيه القش
ماعلاباليش قداه يخرجلي كلش على هاديك راهي تالفتلي الحسابات
نحكيلكم على الاعوام اللي فاتو انا مانيش في بلادي كي نجي مروحة ندي معايا الفاح والفريك والطماطم انا نحب الطماطم تاع تونس ومانلقاهاش وين راني درك ثان ندي الملوخية اللي ثارت عليها الحرب ههههههههههه
ايضا نشري حوايج بصح مانكثرش لانه بعيد الحال الماعن كاش موديل ملاح تاع صحونة برمة للشربة
وكي نتفكر نعاود نحكيلكم

ام مرية · 2012-04-22, 11:37

السلام عليكم ورحمة الله وبركاته ام امجد هدهد سندس حبيبتي وام مصطفى ربي معاك ام دودة الحنونة وكل البنات كي راكم والله نشكرك بزاف اختي ولا نقولك خالتي ما علاباليش شحال في عمرك المهم نشكرك على الموضوع راكي لميتي كل الاحبة ربي يدومها والي نسيتها تسمحلي

انا جبت عادت يما لداري كي قرب رمضان نعملو عولة
1الجلبانة نشري كمية حتى ل25 و30 كيلو نفصصها ونعملها في سشيات نعبر قيس كل ليلة في ساشي ونكونجليها

2 الحار نخلل شوية مع كاش خضر ونعمل شوية بالطماطم ونكونجليها واذا حبيتو الطريقة نقلكم عليها

3 الطماطم تاني نرحيها ونطيبها ونحطها في الكونجيلاتور
4 نفس الشي للفلفل الحلو نقليه عادي في الزيت ونكونجليه
5 نخدم في الوقت نتاع الفريك والمرمز شوية نخليها لسيدنا رمضان
6 نفتل شوية طعام وشوية محمصة للسحور
7 نشري كمية برقوق ومششمش ونعملها مجففة في البيت ونخبيها لرمضان
8 تانا السفرجل نعملو بالعسيلة ونخبيه انا نموت عليه
ولي عودة نكمللكم ضيافتي لسيدي رمضان

نيفرتيتي. · 2012-04-22, 11:57

اقتباس:

المشاركة الأصلية كتبت بواسطة ام مرية

السلام عليكم ورحمة الله وبركاته ام امجد هدهد سندس حبيبتي وام مصطفى ربي معاك ام دودة الحنونة وكل البنات كي راكم والله نشكرك بزاف اختي ولا نقولك خالتي ما علاباليش شحال في عمرك المهم نشكرك على الموضوع راكي لميتي كل الاحبة ربي يدومها والي نسيتها تسمحلي

انا جبت عادت يما لداري كي قرب رمضان نعملو عولة
1الجلبانة نشري كمية حتى ل25 و30 كيلو نفصصها ونعملها في سشيات نعبر قيس كل ليلة في ساشي ونكونجليها

2 الحار نخلل شوية مع كاش خضر ونعمل شوية بالطماطم ونكونجليها واذا حبيتو الطريقة نقلكم عليها

3 الطماطم تاني نرحيها ونطيبها ونحطها في الكونجيلاتور
4 نفس الشي للفلفل الحلو نقليه عادي في الزيت ونكونجليه
5 نخدم في الوقت نتاع الفريك والمرمز شوية نخليها لسيدنا رمضان
6 نفتل شوية طعام وشوية محمصة للسحور
7 نشري كمية برقوق ومششمش ونعملها مجففة في البيت ونخبيها لرمضان
8 تانا السفرجل نعملو بالعسيلة ونخبيه انا نموت عليه
ولي عودة نكمللكم ضيافتي لسيدي رمضان

يا الحرة لازم تقوليلنا السفرجل كيفاه
انا الطعام كي نجي نجيب من البلاد نشري ويفتلولي لاني مانعرفش نفتل ههههههههههههههههههه

مريم سلسبيل · 2012-04-22, 12:20

نشكرك ام دودة
خبرينا على السفرجل والبرقوف
وللي عندها تجارب ناس ناجحين من ماليها تقلناعليهم هكدا نستفادو
بالنسبةللدار ان عندياكثر من 10سنين وانا نبني فيها ومازال لوكان تحزمت من الاول راني خلصتها علبيها درتلكم هدا الموضوع كي يكبروا الاولاد الحالة تصعب تندمي على النهارللي ضيعت فيه دورو ب لا فايدة

هبة الكوثر · 2012-04-22, 12:54

اقتباس:

المشاركة الأصلية كتبت بواسطة مريم سلسبيل

نشكرك ام دودة
خبرينا على السفرجل والبرقوف
وللي عندها تجارب ناس ناجحين من ماليها تقلناعليهم هكدا نستفادو
بالنسبةللدار ان عندياكثر من 10سنين وانا نبني فيها ومازال لوكان تحزمت من الاول راني خلصتها علبيها درتلكم هدا الموضوع كي يكبروا الاولاد الحالة تصعب تندمي على النهارللي ضيعت فيه دورو ب لا فايدة

قولي الحمد الله حبيبتي وان شاء الله كي نهار اليوم تكمل ونهنولك قولي الحمد الله ربحتها درك اه ديري دار تكحلي بالركيزة وتقولي يايما لعزيزة والاراضي ولاو نااااااااااااااااااااااااااار وكلش بمكتوب ربي ياختي كي يكتبلها تكمل تكمل ان شاء الله وربي يشدلك ولادك ومولا دارك

دعاء القلوب · 2012-04-22, 14:45

اقتباس:

المشاركة الأصلية كتبت بواسطة ام مرية

السلام عليكم ورحمة الله وبركاته ام امجد هدهد سندس حبيبتي وام مصطفى ربي معاك ام دودة الحنونة وكل البنات كي راكم والله نشكرك بزاف اختي ولا نقولك خالتي ما علاباليش شحال في عمرك المهم نشكرك على الموضوع راكي لميتي كل الاحبة ربي يدومها والي نسيتها تسمحلي

انا جبت عادت يما لداري كي قرب رمضان نعملو عولة
1الجلبانة نشري كمية حتى ل25 و30 كيلو نفصصها ونعملها في سشيات نعبر قيس كل ليلة في ساشي ونكونجليها

2 الحار نخلل شوية مع كاش خضر ونعمل شوية بالطماطم ونكونجليها واذا حبيتو الطريقة نقلكم عليها

3 الطماطم تاني نرحيها ونطيبها ونحطها في الكونجيلاتور
4 نفس الشي للفلفل الحلو نقليه عادي في الزيت ونكونجليه
5 نخدم في الوقت نتاع الفريك والمرمز شوية نخليها لسيدنا رمضان
6 نفتل شوية طعام وشوية محمصة للسحور
7 نشري كمية برقوق ومششمش ونعملها مجففة في البيت ونخبيها لرمضان
8 تانا السفرجل نعملو بالعسيلة ونخبيه انا نموت عليه
ولي عودة نكمللكم ضيافتي لسيدي رمضان

اهلا زهزوهة واش راكي لحبيبة والله ليك وحشة كبيييييييييييييييرة الله الله عليك يالشاطرة تحمري الوجه يا بنت عمي لعزيزة اذا ممكن توريلي الطريقة تاع الحار اللطماطم و الفلفلة الحلوة و البرقوقة و المشمش و السفرجل سمحيلي تقلت عليك راكي عارفة لازم نبين روحي عند بيت شيخي.............

hakim3148 · 2012-04-22, 15:23

اشكركن اخواتي على اهتمامكن وردوكن والله يااخواتي ام دودة وياام امجد وياهدهد وياسندس وياممارية والله الوقت غلا بزاف ولازم الحيلة باه نعمروا بيوتنا ونقموبيهم لا اخواتي انا مانيش باغي ندير الزهو المهم اولادي ينجحوا بصح الضياف فيهافيها وخصوصا شيخي ابوا زوجي دائما حاصل فينا ديريلي فطور ولازم المشوي مايخممش مين نجيبو هذه الايام كل يوم يقول لزوجي خاصني المشوي وحنا والله ماعندنا حتى مليون مخبي للزمان ولما قالومنبعد رد عليه وقالونخاف نموت وما نكلش المشوي عندك والله يا خواتاتي عنده الاورو وياكل اللحم غني كل يوم واحنا نسكنو حذاه والله مايتفكرنا ويبغي يبروفيتي فينا طولت عليكم قلبي راه معمر اما انا كل شهر نشري 5ل زيت و1كغ قهوة و2كغ حمص و4طماطم و8كغ سكر و5صابون مارساي و2شامبو وعلبة امواريال 3كغ و10كغ سميد ندير بيه الحرشة والمسمن الصباح للاولاد و25كغ فرينة للخبز و1كغروز كنت نشري العدس واللوبيا وهذه المرة لا مابغوش ياكلوهم اما الاخت اللي قالت لي على احذية الشيفون والله نبغي قاع قش الشيفون لكن للاسف مانخرجش فقط عندما نروح لدارنا نخرج للسوق كون تسمع بيا عجوزتي دير حالة تقولو راه تحكم فيك وتتسوق يعني انت ماكش تحكم اما على مشكل ليكوش راه عندي كارثة كل بناتي مبلين بالتبول الليلي والله راني نخلص معاهم ارجوكم اللي عندها وصفة ناجة تقولي عليها على فكة ياام مرية انا كذلك عندي بنتي مرية4سنوات