لماذا يهرب الرجل من الحب حتى وان كان صادقا

[المبتغية لمرضاة الله]

المشاركة الأصلية كتبت بواسطة soso sirin

والله صح كاين منها نهار تقوليلو لالا و ماكانش منها و هاذي انوغمال و هاذي طريق ماشي باينة علاه واحد يدخل روحو فيها هو يقعد غير يهدر غير يهدر و يكرهلك حياتك نهار انتي تقوليلو ايه و خلاص بديتي تبغيه و يحس بلي راكي بين يديه يولي يتسبب حتى تحسي روحك انتي الي جريتي موراه ماشي هو سبحان الله واحد مرات مايفهم والو فيهم هي الصح ماشي غير الرجال حتى النسا مي حاجة قليلة

كثرت هذا الظاهرة وربي يهدي عبادو كان جاو يحسبو انو كيما راهم يديروا لبنات الناس رايح يرجع لاخواتهم او بناتهم
حتى واحد ما يتجرا ويحط نفسو في هذا الموقف والعكس صحيح

[المبتغية لمرضاة الله]

المشاركة الأصلية كتبت بواسطة عميروش الحر

حبيت نشارك بصح مخي ما حبش يعصر فكرة مليحة نكتبها
المهم الله يهدينا ويزوجنا زواج صالح
الزواج ماشي غير حب على خاطر الحب يبقى يتمتع بيه الزوجين على اكثر تقدير عام ولا عامين وكي يوالفو بعضاهم ولا نقول كي تخلاص بطارية الحب خصوصا مع مسؤولية الاولاد تولي العلاقة بيناتهم عادي وكل همهم يكبرو هادوك الاولاد ويوفرولهم كل الحاجيات...لهذا واحد قبل ما يتزوج بقلبو يتزوج بعقلو ويشوف المرا لي تساعدو وتصبر معاه كي تخلاص بطارية (الحب)
هاني عصرت مخي ههههههههههه

امين يا رب يرزقك الزوجة الصالحة لي توالمك هو حتى اذا مات الحب بين الزوجين لازم تكون المفاهمة والعشرة الطيبة لانو ربي قال جعلنا بينكم مودة ورحمة يعني تقدر طرفك الثاني وترحمو بلا ما يعذبو بعضاهم

[المبتغية لمرضاة الله]

المشاركة الأصلية كتبت بواسطة z.abdo

حسب رأي

أول حاجة اللي يدير هكذا لا يخاف الله
أتتلاعب ببنات الناس على الأقل بعدما رايت أنكما توافقتما عليك بباب الدار على سنه الله ورسوله مش تتمسخر ببنات الناس
كما تدين تدان
فيك أنت أو في بناتكم

صح لسانك وبارك الله فيك

[المبتغية لمرضاة الله]

المشاركة الأصلية كتبت بواسطة fatehdz

شخصيا لا ولن ابوح بحبي لفتاة حتى أتأكد منه فالحب عندنا إلتزام بالزواج بعكس المجتمعات الغربية والتي تبيح ما يحضره ديننا ويحرمه
عموما، لابد من التريث قليلا

تريث اخي على قد ما تقدر بلاك يطيرولك بيها وساعتها تندم وتقول يا ريتني اعترفتلها ودقيت بابها وطلبت يدها

[المبتغية لمرضاة الله]

السلام عليكم ورحمة الله تعالى وبركاته

بعد غلق الاستطلاع الظاهر ان السبب وراء هروب الرجل من الحب براي الاغلبية يرجع لعدم قدرته على الارتباط والاستقرار اشكر جميع

من مر من هنا وترك ردا او صوتا او اكتفى بالمشاهدة

[امينة 1991]

اقول لكل بنت احذري من ان تعطي قلبكي لرجل ليس زوجا لكي لأنه سيجرحك .

[محمد...عبد النور]

السلام عليكم و رحمة الله و بركاته
كما تتعدد الاجابات و التجارب، يتعدد البشر في أفعالهم
و قد ابتلينا بما يصطلح عليه بمسمى الحب لسهولة الاتصال الذي تيسر بواسطة التكنولوجيا من هاتف و غيرها
و كما ان بعض الرجال يمكن أن يصطدم بعدة امور فيفر فالفتاة أكثر منه ، ممكن تكبر أحلامها و تدير شحال من فخ في آن واحد
لكن كل شخص و ظروفه و كل شخص و أخلاقه
و ليس أحد من الناس معصوم من الخطأ فقط الرجل بشر و المرأة بشر و الظروف تحدد الأمر و قبل ذلك قدر الله
نسأل الله العافية لنا و لجميع إخواننا و أخواتنا فقد نُبتلى و لا نصبر
ربي يوفقنا و يصرف علينا كل أمر سيئ
ســـــــــــــــــــــــلام

[redha11]

الرجل بطبعه لا يحب الخسارة
و ان وجد صدا من المراءة فانه يجتهد بكل ما اوتي من قوة و من الحيل لايقاعها في شراكه ليثبت لنفسه ...ما كان له فيه شك
فان بقيت متحفضتا معه دامت العلاقة . و ان اشبعته من نفسها مل منها
على قول احد الائمة لا تشبعيه نفسك قبل الزواج فيمل منك بعده