لماذا قلتم لنا الزواج صعب.....

[*سلامة*]

المشاركة الأصلية كتبت بواسطة نيل المنى

هذا في رأيي لا يصح ...و هاذي جنازة؟؟؟
العائلة يجب أن تعلم بالزواج و تفرح بابنها و كذلك عائلة الفتاة ،ليس بالضرورة أقامة حفل في الشيراطون،لكن أقل شيئ عشاء عائلي نعلم الناس بهذا الزواج الجديد.......و لا راهي غير امرأة و جات للدار؟؟؟؟

و بصراحة الأمر مثير للريبة.ليس لبساطته و لكن أن يتزوج رجل دون أعلام أخوته.؟؟؟؟؟غير منطقي.

والله يا اختي انا تان كنت نخمم كيفك

قلت ماجاياش ، زواج كيما هذا تقول جنازة

لكن اللهم اعلم ، بلاك فيها فايدة

على الاقل راه تزوج ، ودرك يدير دراري ، وماتنسايش الزواج راه ينضج العبد

شكرا ليك على ردك

[*سلامة*]

المشاركة الأصلية كتبت بواسطة عُضو مُحترم

كان و مازال صعيب

الله يهدينا

اللهم امين

سهلها تسهل خويا

ان شاء الله تتزوج ، قول امين

[عُضو مُحترم]

آمين
شُكرا اختي سلامة

[thorpe]

المشاركة الأصلية كتبت بواسطة *سلامة*

اهلا خويا حسين

شفت ، راني بديت نتعلم منك ندير مواضيع من الواقع المعاش ههه


لكن علاش راكم تعقدو فيها ، ديرو كيما صاحبنا واتزوجو واتهناو ، دجا هاذا وين عيطلنا قالك راه داير عشا نهار لخميس وراه عارضنا

على الاقل هنانا من التصديرة
الي تغيض في الامر الكورتاج هاذا ماكان :d


ثم ، خليك من شهر العسل ، الي تعرف ويعرف صلاحو حياتو كلها عسل في عسل
زيد نمدلك نصيحة ، والله من نيتي ، واش هاذي تمدلها 10 ملاين وتزيد معاه الذهب

شوف انا وحدة نعرفها لما تزوجت ، رغم ان راجلها الله يبارك عندو الفاني

جابلها الذهب و مدلها 5 ملايين برك

ودرك راهي مهنية معاه ، حاجة ماتخصها

ربي وفقكم الاخ ونفرحو بيكم

قول امين

ههه
سلام عليكم سلامة
شوفي قبيل راني كنت نحكي وانا نشوف بعين وحدة من التعب وهذا وين نض من الرقاد (( الرقدة الاولى برك الثانية من باعد ))
شخصيا كون ندير عفسة كيما هاذي يشنقوني تاع الدار ههه وحبابي

ايضا هيا نروحو نخطبوها

اول حاجة لا نكاح الا بولي
رايح نهدر مع باباها الاول
يقولي واش تخدم شحال تخلص شكون باباك كيفاش عايش ووووووو (( يطلعلك بيفي تاع الجوندارم ))

وتاكدي انو معظم الاولياء اليوم كون يعرف بلي راك رايح تتزوج ( سوكري )) موحال يمدلك بنتو لانو يدخلو الشك

اما بخصوص البنت الي ما تشرطش بزاف (( هاذي تخطيك من القبايل )) وراني مخمم نروح هاد الصيف نروح فاكونس لبجاية ولا تيزي (( منها فاكونس منها رحلة صيد او تقصي لصيد العروس المناسبة ))
اني نقسر

المهم اختي هذا امر يعود على كل شخص وكيفاش العقلية تاع دارهم

وايضا عقلية دار العروس

بارك الله فيك وجازاك كل خير

واحب ان اختم كلامي
يا سلااااااااااااااامة (( الزواج في وقتنا اصعب من الصعود الى القمر )) اذا كان عندك المال قادر تعكس في بنت الحلال وتبقا تحوس وتحوس وانت تكبر كيما بزاف شباب راهم لحد اليوم نعرفهم ما لقاوش البنت الي توالمهم (( سواء في التربية او في طريقة التفكير ))
اي ماشي ارواح ارواح ودخلها دارك (( راهي عشرة عمر وشريكة الحياة ))

[جسور المحبة]

لازم الوليمة وكذلك لازم الاعلان عن الزواج واشهاره
واي فرح واخوته لا يعلمون بذلك ولا يشاركونه على الاقل اخوته
انا ارى هذا تعقد

[*سيرتا *]

المشاركة الأصلية كتبت بواسطة *سلامة*

زيد نمدلك نصيحة ، والله من نيتي ، واش هاذي تمدلها 10 ملاين وتزيد معاه الذهب

شوف انا وحدة نعرفها لما تزوجت ، رغم ان راجلها الله يبارك عندو الفاني

جابلها الذهب و مدلها 5 ملايين برك

يا الاخت 10 ملايين+ 2 قناطر صوف بقيمة 2 ملايين هدا المهر في قسنطينة ..اما الدهب لكان قادر يجبهولهh في ليلة اللي يحنولها فيها يعني الدهب لا يدخل في اطار الصداق..اما انتوما 5 ملايين+الدهب كله مهر هل فهمتي الفرق بيننا و بينكم??

[*سلامة*]

المشاركة الأصلية كتبت بواسطة جسور المحبة

لازم الوليمة وكذلك لازم الاعلان عن الزواج واشهاره
واي فرح واخوته لا يعلمون بذلك ولا يشاركونه على الاقل اخوته
انا ارى هذا تعقد

لا اعتقد ان هذا تعقد ، لكن ربما تطبيق للسنة كيما قالو بعض الناس

والله اعلم

اما الاعلان عن الزواج راني معاك 100 ب100

[*سلامة*]

المشاركة الأصلية كتبت بواسطة ima16

يا الاخت 10 ملايين+ 2 قناطر صوف بقيمة 2 ملايين هدا المهر في قسنطينة ..اما الدهب لكان قادر يجبهولهh في ليلة اللي يحنولها فيها يعني الدهب لا يدخل في اطار الصداق..اما انتوما 5 ملايين+الدهب كله مهر هل فهمتي الفرق بيننا و بينكم??

شكرا على التوضيح

لكن علاش مايسهلوش للغاشي

يديرو المهر 2 ملاين و يشري لها الحوايج ماشي خير

بارك الله فيك

[*سلامة*]

المشاركة الأصلية كتبت بواسطة thorpe

ههه
سلام عليكم سلامة
شوفي قبيل راني كنت نحكي وانا نشوف بعين وحدة من التعب وهذا وين نض من الرقاد (( الرقدة الاولى برك الثانية من باعد ))
شخصيا كون ندير عفسة كيما هاذي يشنقوني تاع الدار ههه وحبابي

ايضا هيا نروحو نخطبوها

اول حاجة لا نكاح الا بولي
رايح نهدر مع باباها الاول
يقولي واش تخدم شحال تخلص شكون باباك كيفاش عايش ووووووو (( يطلعلك بيفي تاع الجوندارم ))

وتاكدي انو معظم الاولياء اليوم كون يعرف بلي راك رايح تتزوج ( سوكري )) موحال يمدلك بنتو لانو يدخلو الشك

اما بخصوص البنت الي ما تشرطش بزاف (( هاذي تخطيك من القبايل )) وراني مخمم نروح هاد الصيف نروح فاكونس لبجاية ولا تيزي (( منها فاكونس منها رحلة صيد او تقصي لصيد العروس المناسبة ))
اني نقسر

المهم اختي هذا امر يعود على كل شخص وكيفاش العقلية تاع دارهم

وايضا عقلية دار العروس

بارك الله فيك وجازاك كل خير

واحب ان اختم كلامي
يا سلااااااااااااااامة (( الزواج في وقتنا اصعب من الصعود الى القمر )) اذا كان عندك المال قادر تعكس في بنت الحلال وتبقا تحوس وتحوس وانت تكبر كيما بزاف شباب راهم لحد اليوم نعرفهم ما لقاوش البنت الي توالمهم (( سواء في التربية او في طريقة التفكير ))
اي ماشي ارواح ارواح ودخلها دارك (( راهي عشرة عمر وشريكة الحياة ))

هههههه

وعلاش يشنقوك ، شوف دار لعروسة يديرو عرس على روحهم ، وانت دير عشة لخاوتك برك خخخ

و هاذيك تاع باطل المرا هههههه ماشي عند لقبايل لحرار برك ، كاينة عند الناس المتديين ، كيما صاحب المثال ، قالك والدين مرتو ماطلبولو والوا ، والمهر كيل على حساب شحال مد الرسول عليه الصلاة والسلام وطاحولو وقيل 2 ملايين ولا 3 ، الله اعلم (هذا باينة يماه داعيتلو بالخير )


ايه وتان على باباها

اكيد راح يسقسي عليك ، واذا كان يحوس الصلاح لبنتو يمدها لراجل يعرف ربي وخدام ، والحاجات الاخرى ربي يرزقهم بين زوج وبلاك تكون فال خير عليه


واش نقولك ياخويا ، روح ربي يرزقك ببنت لحلال الي مايهبلوكش دارهم وماتهبلكش هي

[thorpe]

المشاركة الأصلية كتبت بواسطة *سلامة*

هههههه

وعلاش يشنقوك ، شوف دار لعروسة يديرو عرس على روحهم ، وانت دير عشة لخاوتك برك خخخ

و هاذيك تاع باطل المرا هههههه ماشي عند لقبايل لحرار برك ، كاينة عند الناس المتديين ، كيما صاحب المثال ، قالك والدين مرتو ماطلبولو والوا ، والمهر كيل على حساب شحال مد الرسول عليه الصلاة والسلام وطاحولو وقيل 2 ملايين ولا 3 ، الله اعلم (هذا باينة يماه داعيتلو بالخير )


ايه وتان على باباها

اكيد راح يسقسي عليك ، واذا كان يحوس الصلاح لبنتو يمدها لراجل يعرف ربي وخدام ، والحاجات الاخرى ربي يرزقهم بين زوج وبلاك تكون فال خير عليه


واش نقولك ياخويا ، روح ربي يرزقك ببنت لحلال الي مايهبلوكش دارهم وماتهبلكش هي

آمين لكن مازال شوي الوقت
اي ماشي ساهلة يا اختي سلامة
ربي يحفظك
وانت ثاني ربي يجيبلك وليد الحلال الي يصونك ويحفظك

[omarsky]

ليس معنى انو قريبك تزوج بهذه الطريقة معنى ذلك ان الزواج اصبح سهل ... فهذه حالة خاصة و الحالة الخاصة حالة شاذة و الشاذ لا يقاس عليه ...
و لمعلوماتك ان من اكبر اركان الزواج الاعلان ( ضرب الدف ) و هذا هو الاصل في الزواج هو ان يعرف الناس ان فلان تزوج فلانة ...

انظر في هذا الرابط :
https://www.gulfup.com/?WNtjTa

[nadia mimi]

السلام عليكم:
الحالة التي ذكرتها استثناء عجيب في وقت غريب، على كل حال، لنا في زواج فاطمة ابنة النبي صلى الله عليه و سلم خير عبرة. و الله الموفق. اطلبي الهناء