تنفيذ الزوج لطلبات زوجته - الصفحة 2

فتـ حييةـاة · 2012-03-20, 21:52

اقتباس:

المشاركة الأصلية كتبت بواسطة جسور المحبة

تمعني لو اخرجيها طاي طاي واعرفي كيفاش تطلبي برك كوني دبلوماسية محنكة فقط اما تمعني راكي تم والله ما تنفع

الله غالب انا في كلشي نخرجها طاي طاي غير فالطلبات المادية مانعرفش دعيلي اختي ربي يرزقني بواحد يفهمها وهي طايرة باش مايحكمنيش احباط نفسي وانا غير نمعني وهو ماجايب للدنيا خبر

غنوشة · 2012-03-20, 23:37

اقتباس:

المشاركة الأصلية كتبت بواسطة amal2000

الله غالب انا في كلشي نخرجها طاي طاي غير فالطلبات المادية مانعرفش دعيلي اختي ربي يرزقني بواحد يفهمها وهي طايرة باش مايحكمنيش احباط نفسي وانا غير نمعني وهو ماجايب للدنيا خبر

معظم الرجال ميفهموش في المعاني خاصتا إذا كانت تتعلق بالطلبات ،حتي وفهمين يديرو روحهم مفهموش .إسألي مجرب ومتسأليش الطبيب ،لهاذا كوني حازمة من الأول أختي أمال ،تعرفي أنا كيفك هذه العشرة الطويلة ومنقدرش نطلب مع أنه يعرف طبعي ولكنه ستحل هذا الطبع .

فتـ حييةـاة · 2012-03-21, 01:37

اقتباس:

المشاركة الأصلية كتبت بواسطة غنوش

معظم الرجال ميفهموش في المعاني خاصتا إذا كانت تتعلق بالطلبات ،حتي وفهمين يديرو روحهم مفهموش .إسألي مجرب ومتسأليش الطبيب ،لهاذا كوني حازمة من الأول أختي أمال ،تعرفي أنا كيفك هذه العشرة الطويلة ومنقدرش نطلب مع أنه يعرف طبعي ولكنه ستحل هذا الطبع .

كوني متاكدة اختي العزيزة بلي مانقدرش صدقيني من صغري عمري في حياتي ماقلت لاهلي خصني ذيك الحاجة اذا شراولي وحدهم صحا واذا ماشراوليش راني قاعدة واذا زدت رحت عند واحد يديرو روحه مايفهمش تطفرت فيا رايحة تجيه سفة بالعسل لازم انا واتي نشوفو حل باش نتخلصو من المشكل

جسور المحبة · 2012-03-21, 08:56

اقتباس:

المشاركة الأصلية كتبت بواسطة غنوش

معظم الرجال ميفهموش في المعاني خاصتا إذا كانت تتعلق بالطلبات ،حتي وفهمين يديرو روحهم مفهموش .إسألي مجرب ومتسأليش الطبيب ،لهاذا كوني حازمة من الأول أختي أمال ،تعرفي أنا كيفك هذه العشرة الطويلة ومنقدرش نطلب مع أنه يعرف طبعي ولكنه ستحل هذا الطبع .

معك حق حتى لو فهمو يدير روحو مش فاهم وزريد كاين لي تقولي وتعاودي وياربي يستجيب وين كي تمعني ههههه يستحلاها

جسور المحبة · 2012-03-21, 09:03

اقتباس:

المشاركة الأصلية كتبت بواسطة amal2000

الله غالب انا في كلشي نخرجها طاي طاي غير فالطلبات المادية مانعرفش دعيلي اختي ربي يرزقني بواحد يفهمها وهي طايرة باش مايحكمنيش احباط نفسي وانا غير نمعني وهو ماجايب للدنيا خبر

يا اختي شوفي انت لازمك تقوليلو بصح كيما يقولو انا نقولك سيدي وانت فهم روحك يعني ما ضري روحك ما ضري زوجك خاصة كاين ازواج لي راهم يكونو في رواحهم ويدير مشاريع ووووو وتعرفي بلي هذي الشي على جالكم اما اذا كان من الازواج لي الدراهم رايحة فيك ولا في حوايج اخرى امالا غير اطلبي انتي اولى بيها

جسور المحبة · 2012-03-21, 09:05

اقتباس:

المشاركة الأصلية كتبت بواسطة amal2000

كوني متاكدة اختي العزيزة بلي مانقدرش صدقيني من صغري عمري في حياتي ماقلت لاهلي خصني ذيك الحاجة اذا شراولي وحدهم صحا واذا ماشراوليش راني قاعدة واذا زدت رحت عند واحد يديرو روحه مايفهمش تطفرت فيا رايحة تجيه سفة بالعسل لازم انا واتي نشوفو حل باش نتخلصو من المشكل

والله يا امال حتى انا كيفك يما التالية ما نطلبهاش خاصة هي هذي الفترة حاى بدات تقولي وش خصك وما ضيعيش روحك لكن خلاصة القول يا امال انو الوالدين اكيد يحسوا بيك اكثر من الزوج خاصة الام

غنوشة · 2012-03-21, 10:05

أما ل وجسور ،أنا كانت عندي بنت خالتي كنت نحير في زوجها كيفها يلبلها طلبتها في إطار المعقول .مع أن مديتهم بسيطة وأنا لمدياتي لاباءس بها ميحققليش طلباتي إلا القليل .فأخبرتني أنها هي لمصحح موجها وتقولي إذا متعمليش هكذا ريحة ضيعي وميصحلك ولا شيئ .حاولت نطبق طريقتها بعد هطول عرق شديد كأني أطلب الجيران .ولكن لا حياة لمن تنادي .ندمة على طلب وحسيت قيمتي إنداسة .وبعدما حكيتها لبنت خالتي .قالتلي لايوجد كرامة بين الزوجين هذا حقك .وهذه الطريقة تحتاج قلب من حديد وصبر طويل وطول البال .أضن أنها أنتم تأتيكم سهلة لأنكم لم تتزوجوا بعد والمثل يقول إبنك على مربيته وزوجك على ما عودته .أنا خلص زوجي تعود

الواثق · 2012-03-21, 10:07

اقتباس:

المشاركة الأصلية كتبت بواسطة جسور المحبة

يا اختي شوفي انت لازمك تقوليلو بصح كيما يقولو انا نقولك سيدي وانت فهم روحك يعني ما ضري روحك ما ضري زوجك خاصة كاين ازواج لي راهم يكونو في رواحهم ويدير مشاريع ووووو وتعرفي بلي هذي الشي على جالكم اما اذا كان من الازواج لي الدراهم رايحة فيك ولا في حوايج اخرى امالا غير اطلبي انتي اولى بيها

ضرك جبدتي الدراهم ....................يعني الدراهم هم الطلب الاساسي 99.99 بالمائة ..........اليس هذا صحيحا ؟؟؟

:d

الواثق · 2012-03-21, 10:21

اقتباس:

المشاركة الأصلية كتبت بواسطة غنوش

أما ل وجسور ،أنا كانت عندي بنت خالتي كنت نحير في زوجها كيفها يلبلها طلبتها في إطار المعقول .مع أن مديتهم بسيطة وأنا لمدياتي لاباءس بها ميحققليش طلباتي إلا القليل .فأخبرتني أنها هي لمصحح موجها وتقولي إذا متعمليش هكذا ريحة ضيعي وميصحلك ولا شيئ .حاولت نطبق طريقتها بعد هطول عرق شديد كأني أطلب الجيران .ولكن لا حياة لمن تنادي .ندمة على طلب وحسيت قيمتي إنداسة .وبعدما حكيتها لبنت خالتي .قالتلي لايوجد كرامة بين الزوجين هذا حقك .وهذه الطريقة تحتاج قلب من حديد وصبر طويل وطول البال .أضن أنها أنتم تأتيكم سهلة لأنكم لم تتزوجوا بعد والمثل يقول إبنك على مربيته وزوجك على ما عودته .أنا خلص زوجي تعود

اختي الكريمة اذا عتبرنا ان رفض الزوج لبعض الطلبات مشكل ..............فسيصبح مشكل وهذا طبع الانسان..............................واذا اعتبرناه بشكل عادي كالكلام الذي يدور بين الازواج اما بتوافق اما اختلاف في الرأي .........وتمر بسلام دون اي غضب..........وانت ادرى بزوجك وانت ادرى بحاله......................وانا نقلك حاجة في طبع المرأة انو الزوج اذا حققلها اغلب طلباتها وطلب واحد رفضه تقول له مصرحة او في قلبها ..........ماشفنا منك وااااااالو ؟؟؟..............وعلاش ماتقولش زوجي جابلي وجابلي وخلاني نروح ونزور .....................لانهم مايذكروش الايجابيات ويروحو للسلبيات مباشرة ...................حتى الزوجة كي تروح لبيت اهلها تولي تحكي على زوجها في السلبيات فقط ولاتذكر ايجابية واحدة الا اذا بدات تزوخ قدام قريناتها هنا ترجعو امير الامراء ههه....................................وفي الحقيقة هو زوجك وانضري الى من هم اقل منك ومبتلين بازواج بلاك اصلا مايقبلوش انو تهدر معاه زوجته واذا زعف يشبعها ضرب وغير مسؤول ويتهرب من المسؤولية ...................................هذه المقارنة الصحيحة ..................والرجل اذا بنتلو زوجته انها صابرة عليه حبا فيه رايح يأنبو ضميرو ممكن مايصرحش لكن انا سمعت ازواج يبان عليهم القسوة يقولولي والله راني حاسس روحي ضالمها وماعرفتش نردلها شوي من خيرها .......................والحمد لله على كل حال
تقبلي مروري

فتـ حييةـاة · 2012-03-21, 17:09

اقتباس:

المشاركة الأصلية كتبت بواسطة غنوش

أما ل وجسور ،أنا كانت عندي بنت خالتي كنت نحير في زوجها كيفها يلبلها طلبتها في إطار المعقول .مع أن مديتهم بسيطة وأنا لمدياتي لاباءس بها ميحققليش طلباتي إلا القليل .فأخبرتني أنها هي لمصحح موجها وتقولي إذا متعمليش هكذا ريحة ضيعي وميصحلك ولا شيئ .حاولت نطبق طريقتها بعد هطول عرق شديد كأني أطلب الجيران .ولكن لا حياة لمن تنادي .ندمة على طلب وحسيت قيمتي إنداسة .وبعدما حكيتها لبنت خالتي .قالتلي لايوجد كرامة بين الزوجين هذا حقك .وهذه الطريقة تحتاج قلب من حديد وصبر طويل وطول البال .أضن أنها أنتم تأتيكم سهلة لأنكم لم تتزوجوا بعد والمثل يقول إبنك على مربيته وزوجك على ما عودته .أنا خلص زوجي تعود

اختي غنوش انا لم اتزوج بعد وعلابالي تجيني صعيبة وهاذيك بنت خالتك ممكمن زوجها طبيعتو هاكاك كاين رجال بلا ماتقولو زوجتو يفهم روحه ويشريلها ويعطيها مصروفها وووو بارغم من انهم على قد الحال وكاين اللي عندهم و حتى وتقوله هي يرفض انا عندي خالتي راجلها مزير مانحكيلكش اذا خلص على واحد قهوة برا يحسبها عليه عامين وهي مايمدلهاش ايمالا هي تشري وتقولو راهي سلفتلي جارتي كي تخلص اعطيني نردلها واذا تسلفت 100 تقولو تسلفت 200 وهو كي يخلص يعطيها يقوللها ردي لجارتك وكل مرة وكيفاش مرة تقولو من عند جارتي مرة من عند اختي كل مرة وكيفاش

فتـ حييةـاة · 2012-03-21, 17:14

اقتباس:

المشاركة الأصلية كتبت بواسطة جسور المحبة

يا اختي شوفي انت لازمك تقوليلو بصح كيما يقولو انا نقولك سيدي وانت فهم روحك يعني ما ضري روحك ما ضري زوجك خاصة كاين ازواج لي راهم يكونو في رواحهم ويدير مشاريع ووووو وتعرفي بلي هذي الشي على جالكم اما اذا كان من الازواج لي الدراهم رايحة فيك ولا في حوايج اخرى امالا غير اطلبي انتي اولى بيها

حتى انا قلت هاكا اختي انا مارايحاش نسمطها بالطلبات بصح نخاف نحتاج حاجة ضرورية ونحشم نطلبها

اقتباس:

المشاركة الأصلية كتبت بواسطة جسور المحبة

والله يا امال حتى انا كيفك يما التالية ما نطلبهاش خاصة هي هذي الفترة حاى بدات تقولي وش خصك وما ضيعيش روحك لكن خلاصة القول يا امال انو الوالدين اكيد يحسوا بيك اكثر من الزوج خاصة الام

ربي يحفظلك الوالدة يااارب فعلا مهما حس بيك الزوج ماراحش يجي كيما والديك بصح رضاية الوالدين ودعاويهم لينا رايحة تطيحنافي ازواج يحسوا بينا ان شاء الله

محمد غيزة · 2012-03-21, 22:42

لست متزوج اختي
ولكن في راي ان الطلبات الخاصة بالزوجة ان كانت معقولة فلها الحق في ذلك وفي كل ماتريد
اما اذا كانت فوق طاقة زوجها فالله لا يكلف نفسا الا وسعها

غنوشة · 2012-03-22, 23:43

اقتباس:

المشاركة الأصلية كتبت بواسطة الواثق

اختي الكريمة اذا عتبرنا ان رفض الزوج لبعض الطلبات مشكل ..............فسيصبح مشكل وهذا طبع الانسان..............................واذا اعتبرناه بشكل عادي كالكلام الذي يدور بين الازواج اما بتوافق اما اختلاف في الرأي .........وتمر بسلام دون اي غضب..........وانت ادرى بزوجك وانت ادرى بحاله......................وانا نقلك حاجة في طبع المرأة انو الزوج اذا حققلها اغلب طلباتها وطلب واحد رفضه تقول له مصرحة او في قلبها ..........ماشفنا منك وااااااالو ؟؟؟..............وعلاش ماتقولش زوجي جابلي وجابلي وخلاني نروح ونزور .....................لانهم مايذكروش الايجابيات ويروحو للسلبيات مباشرة ...................حتى الزوجة كي تروح لبيت اهلها تولي تحكي على زوجها في السلبيات فقط ولاتذكر ايجابية واحدة الا اذا بدات تزوخ قدام قريناتها هنا ترجعو امير الامراء ههه....................................وفي الحقيقة هو زوجك وانضري الى من هم اقل منك ومبتلين بازواج بلاك اصلا مايقبلوش انو تهدر معاه زوجته واذا زعف يشبعها ضرب وغير مسؤول ويتهرب من المسؤولية ...................................هذه المقارنة الصحيحة ..................والرجل اذا بنتلو زوجته انها صابرة عليه حبا فيه رايح يأنبو ضميرو ممكن مايصرحش لكن انا سمعت ازواج يبان عليهم القسوة يقولولي والله راني حاسس روحي ضالمها وماعرفتش نردلها شوي من خيرها .......................والحمد لله على كل حال
تقبلي مروري

.
كيف لا أتقبل كلام أخي الصغر .فهو بلسم لجروحي .أقسم بالله يأخي أن زوجي كي يجبلي حبة حلوة نشكرُ.ونحمد ربي على أتفه الأشياء والعيب ليس في الزوج العيب فينا لأننا عودناهم على عذم الطلب .
شكرا أخي على النصيحة .ربي يسعدك ويناولك إلي في بالك

ايام الضياع · 2012-03-23, 21:41

والله ما فهمناكن عاملناكن بالليونة قلتم ضعيف الشخصية عاملناكن بخشونة قلتم ظلمونا انا شخصيا لا اصنف المراة التي تفضل القوة والتعنت الا في خانة....................................

جسور المحبة · 2012-03-23, 23:46

اقتباس:

المشاركة الأصلية كتبت بواسطة فقير و باغي نطير

ههههههههههه حذفت موضوعي

ارواحو هنا خير الجو دافء

هههه ما اجمل الجو هنا يا رفقتي و ابدعا
لون السماء ازرق و الشمس قرص اصفر و الورد في اغصانه باه جميل ... طرن طرن طرن طرن

اهلا وسهلا بالجميع لكن بشرط الاحترام ولي يدخل وما يحترمش ما نستقبلوش

زعما انا حذفت موضوعك يخي نبهتك ولا ما شفتش لكلام لي حطيتو