عندما يكون لديك ضيوفا ماذا تحضرين؟؟؟؟؟ - الصفحة 2

جسور المحبة · 2012-03-15, 09:25

اقتباس:

المشاركة الأصلية كتبت بواسطة ام امجدوانفال

ينسبة لالغرب الحريرة طبق اساسي+خبز الدار +مرق حلبانة بلحم او زيتون بالكفتة ومعقودة+لورداف سلطة ارزو ماسيداون +خص+ سلطة فواكه وتمر بالحليب ثم الشاي

ما هي المعقودة نتمنى تعلميهالنا
يعطيك الصحة اختي الكريمة وطاب يومك

جسور المحبة · 2012-03-15, 09:26

اقتباس:

المشاركة الأصلية كتبت بواسطة فتاة الورود

اخر ضيافة درنا حريرة وطعام وطاجين الزيتون وسلطة وفاكهة وعصير

شكرا لك اختي

الموضوع جميل جدا

اتمنى تفاعل اكثر من طرف باقي العضوات ان شاء الله

نتي باينة راكي غير من منطقة قريبة لينا على حساب لحريرة والطعام ههه
يعطيك الصحة اختي الفاضلة ويومك طيب ومبارك

جسور المحبة · 2012-03-15, 09:27

اقتباس:

المشاركة الأصلية كتبت بواسطة بشرى2008

شربة الفريك + دولمة قرنون + escalope d'inde farcies + شلاظة

شكرا جزيلا لك ويومك سعيد

جسور المحبة · 2012-03-15, 09:28

اقتباس:

المشاركة الأصلية كتبت بواسطة goumar

اخر ضيافه بالنسبه لي مقبلات جزر و بطراف في كاسات ثم الاطباق الاخرى معا شربه فريك بالحم صينيه غراتان جلبانه وفرماج في الفرن بلا لحم محمر وصوص فطر و زيتون مرافقه له سلطه خضراء معها بولات ارز مع كاشير و الديسار حلى ترايفل لكنه مزيف يعني على حسب الامكانات و بجانبه الفاكهه

اممممممممممممممم يعطيك الصحة يا الشاطرة
يومك سعيد

جسور المحبة · 2012-03-15, 09:31

اقتباس:

المشاركة الأصلية كتبت بواسطة souma.f

أختي مشكورة على الموضوع
بالنسبة لي أنا متعودة في كل العرضات اللي عديتهم ندير مقبلات مثل الكيش باللحم المفروم و الجبن أو سوفلي أو ميني بيتزا و غيرها من المقبلات و نزيد سلاطة مشوية حارة و سلاطة خضراء فيها الخس و الخيار و البسباس و زيون أخضر و نزيد صحن ماسيدوان و نزينو بالجزر و بطراف و طماطم و زيتون أسود و ندير الأعواد فيهم كاشير و جبن و كورنيشون..........
بالنسبة للطبق الأول ندير شربة فريك باللحم و بولات اللحم المفروم
الطبق الثاني ندير طاجين الجبن أو طاجين الكباب أو الكفتة بالجاج أو طاجين الشواء أو الطاجين الحلو أو غيره من طواجن حسب الامكانيات و ساعات ندير دجاجة محمرة في الفرن أو قطع من اللحم المفور و المحمر في الفرن يعني حسب الظروف
بالنسبة للطبق الأخير ندير شخشوخة الظفر أو شخشوخة النعمة كيما نسموها حنا يعني الرقاق البسكرية و تكون باللحم أو بالدجاج و الحمص و الفلفل الحار
و أخيرا للديسير ندير سلاطة فواكه مزينة بالكريم شانتييه و الكراميل و فلان و بعض الحلويات الخفيفة المصنوعة في البيت و ممكن في فصل الصيف نزيد المثلجات المصنوعة في البيت و غيرها من الأطباق الحلوة
راني كثرت الكلام لكني أختي جمعتلك بعض الأطباق اللي طيبتهم في العرضات اللي فوتهم سيرتو زوجي يحب يعرض بزاف الناس نتمنى نكون أفدتك

وش هو الكيش وطاجين الجبن ؟
بارك الله فيك يا الشاطرة وطاب يومك

fatima zohraa · 2012-03-15, 21:47

االسلام عليكم.ان ندير لا تورت كمقبلة اردوفر.وشربة فريك,تارت الارز لحورية المطبخ رائعة,دجاجة محمرة او طاجين الرخامة,و شخشوخة او ثريدة ,و ديسار

شمس 15 · 2012-03-15, 22:42

اقتباس:

المشاركة الأصلية كتبت بواسطة ام الخير2012

في اخر عرضة ليا درت شوربة مع المطلوع و كاب كيك لي راهم يجوني روعة ومن بعد لوغداف و الطبق الرئيسي مرق الجلبان بترفاس و دجاج محمر مع بطاطا صوتي وفي الاخير الفواكه مع كرام ديسار صنع اديا و حياة عنيا و من بعد صابابيطهم و ديارهم

walah ghir dahaktini rani wahdi fi salon 3ajbatni sababithoum w diyarhoum loukane yadkhol alia zawji ykoul hablette, merciii alik

جسور المحبة · 2012-03-19, 18:39

شكر جزيلا ا لكم

natacabell · 2012-03-19, 20:02

chouktan ala el fikra mliha yatik esaha ana ndire chorba fric lamtewem bel jaja chlada p mini pizza salade de fruit wela kach desert men and el akhawat

شمس 15 · 2012-03-20, 12:20

la derniere fois derte chorba frik+lbourek +ham lahlou+chtitha jaj,kernoun fi el koucha farci bela la sauce yji nachef,chlita,salade variee,creme dessert ,tea.

imadwlidi · 2012-03-22, 09:02

اختي souma f ممكن تحطيلنا طاجين الشوا سمعت بيه بصح ما نعرفش انطيبو

صفاء البحر · 2012-03-22, 09:05

اخر عرضة درت رشتة و شربة فريك و حميص و اوردوفر بيتراف و زرودية رابي و ما سيدوان و لحم لحلو و بوراك و درت لاتاي مع مقروط و حلوة الجوزة بصح هنا اكثرية العرضات ديرو شخشوخة نتاع النعمة و شكرا