أين الخطأ يا ترى ؟؟ الغريبية - الصفحة 2

OU SS AMA · 2012-03-12, 22:13

اقتباس:

المشاركة الأصلية كتبت بواسطة my lamis

بارك الله فيك على هذي الفكرة الأروع
و تجي تهبل و قيلا نديرها بلعاني ة نيبسها و ندير الوصفة تاعك ههههههههه
مشكورة يا الغالية و ستناي مني تطبيقي تاع القاطو تاعك عجينة الشو اللي هي أول تجربة ليا معاها

هههههه والله افكار رمادنا تخلينا نفكرو كيما قلتي

زهرة البيلسان البرية · 2012-03-13, 06:21

اقتباس:

المشاركة الأصلية كتبت بواسطة remadna

عادي كلنا عندنا تجارب فاشلة تعلمنا منها
عاودي ارحيها و ضيفي لها الكاكاو و قليل من العسل او اي شئ و اعيدي التشكيل و زينيها بالشكلاطة

ما شاء الله عليكــ أختي رمادنة كل شي تلقايلو حل فكرة هااااايلة
باركــ الله فيكــ على المرور و التشجيع

OU SS AMA · 2012-03-12, 22:13

لا تياسي وجربي غريبية ام كوثر راهي مضمونة

زهرة البيلسان البرية · 2012-03-13, 06:22

اقتباس:

المشاركة الأصلية كتبت بواسطة OU SS AMA

لا تياسي وجربي غريبية ام كوثر راهي مضمونة

شكرًا على المرور و التشجيع ،، راكم شجعتوني نجرب غريبية الأخت أم كوتر و إن الله تنجحلي

Imen23x · 2012-03-12, 22:18

nsa9silk mama wnraja3lk l5bar nchalah

زهرة البيلسان البرية · 2012-03-13, 06:23

اقتباس:

المشاركة الأصلية كتبت بواسطة imen23x

nsa9silk mama wnraja3lk l5bar nchalah

شكًرا ختيتي ،، ربي يحفظلك ماماكــ

titina · 2012-03-13, 17:28

مساء الخير اختي
معليش كلنا نفشلو وتخربنا مرات
المهم ننجح فيها من جديد
السر الوحيد هو ان السكر يكون نصف المرغرين

وهذي غريبيتي
والله بنييييينة وطرية

من هنا

زهرة البيلسان البرية · 2012-03-13, 20:09

اقتباس:

المشاركة الأصلية كتبت بواسطة titina

مساء الخير اختي
معليش كلنا نفشلو وتخربنا مرات
المهم ننجح فيها من جديد
السر الوحيد هو ان السكر يكون نصف المرغرين

وهذي غريبيتي
والله بنييييينة وطرية

من هنا

شكرررررررررا أختي ما شاء الله الصورة حابة تنطق .. ربي يباركـــ و يسلم هادوك اليدين
راني نتعلم منكم

my lamis · 2012-03-13, 23:26

يا الغالية إسمحيلي و الله راحت من بالي
فالطياب طيبيها غير مت تحت متشعليش قاع عليها من فوق
إسمحيلي و الله تفكرتها كي درت الغريبية

سمو آلأميره · 2012-03-15, 12:37

حبيبتي رح نعطيك اسهل طريقه انا متعوده نديرها و تجي تذوب اخدتها من اليوتيوب على شاف فرنسي

180غ سكر ناعم
180غ فرينه
3 كيسان شاي زيت
فانيليا
قرفه مرحيه

اولا تخلطي السكر مع الفرينه و الفانيليا مليح و بعدها تفرغي زوج كيسان زيت و تخلطيهم مليح و تحليهم بين كفوف يديك باش الفرينه و السكر يتشربو الزيت مليح كي تشوفي انه الزيت دخل فيهم ضيفي الكاس الاخير تاع الزيت و طمي العجين و خليه يتشرب الزيت

خليه يرتاح مدة 5 دقائق و تكوني شعلتي الفرن على 180 درجه شكليهم كريات ولا الشكل اللي تحبي و رشي عليهم القرفه و دخليهم الفور خليهم 5 دقائق و بعدها نقصي الحراره لـ 150 درجه خليهم حوالي 15 دقيقه او 12 دقيقه ما تخليهمش يحمارو بعدما تخرجيهم مالفور رح يكونو بزاف طريين ما تمسيهمش و خليهم يبردو كي يبرد رح يتماسك و رح يولي يذوب فالفم
فالدار كي نديرها يطيرو عليها ههههههه

جربيها و قوليلي

ام جيهان حورية · 2012-03-15, 19:03

حتي انا تعرضت لنفس المشكل جاتني سابسة وفيها ريحت الزيت كنت حابة نقول لصاحبة الموضوع لكن حشمت منها وقلت المشكل بلاك فيا انا مع انني تبعت نفس الخطوات
لكن الناس كامل يديروها بسمن والا الزبدة وانا اول مرة نسمع علي الزيت علي هديك جربنها بصح للاسف جات يابسة

bouchra1998r · 2012-03-15, 19:09

الصراحة أنا مجربتهاش غير ناكل برك هههههههههههههههه

nokia111 · 2012-03-17, 16:08

السلام عليكم انا من عندي ندير كيلة غير ربع زيت وتاني من طيبهاش كن الفوق برك من تحت وخلطي مليح السكر مع الزيت

nokia111 · 2012-03-17, 16:12

ولي قالت بلي جات فيها بنت الزيت دير مغرف كبيرة قرفة

سهام دوسة · 2012-03-27, 14:58

لاخت وراتلك غريبية بزبدة وسالها غريبية بزيت ابحثي اكثر هناك طريقة ما