مصروووووووووووووف الزوجة من حقي؟؟؟؟

[hydraulique51]

راعي ظروفه المالية اذا عرفتي بلي راه في ازمة مالية ولا عنده الخير
اذا كان بخير عليه تطلبي منه وهدا حقا طبعا مكانش لي ينحيه لك
اما ادا كان ميسور لازم تحسني عونه
فهنا يتجلى مفهوم الزوجة الصالحة تعين زوجها في وقت الشدة لا انها تكثر عليه حتى يحس انه غلط كي تزوج
ربي يهنيكم ان شاء الله

[نورة أسماء]

المشاركة الأصلية كتبت بواسطة hydraulique51

راعي ظروفه المالية اذا عرفتي بلي راه في ازمة مالية ولا عنده الخير
اذا كان بخير عليه تطلبي منه وهدا حقا طبعا مكانش لي ينحيه لك
اما ادا كان ميسور لازم تحسني عونه
فهنا يتجلى مفهوم الزوجة الصالحة تعين زوجها في وقت الشدة لا انها تكثر عليه حتى يحس انه غلط كي تزوج
ربي يهنيكم ان شاء الله

لالا أخي أنا راعي ضروفه وعلبالي بلي الشهرية مليحة يقدر يعطيني مصروفي ولو صغير يكفي متطلبات الصغيرة جدا المهم نكوووووووووون في حسابه أحسن من كل يوم خلاف وهات خصني نشري هادي وهادي من الاول يدير حسابه

[hodayena]

انا تاني صبتيني نخمم في هذي الحاجة تع كل مرة هات وانا امي تاخذ مصروف من ابي مع انو الشهرية تع والدي متفوقش مليون و6مائة دينار مي الحمد لله

[ام مرية]

اذا كان زوجك ميسور الحال وعلاش لالا حاجة مليحة هاكا تتهناي وتهنيه
اما اذا كان قيس قيس فننصحك تساعديه وتساعفيه راكي تشوفي في الحال كي راه داير يجري الواحد جري الوحوش ويربي يلحق لقمة اعيش

[الكـ الطيبة ـلمة]

المشاركة الأصلية كتبت بواسطة @ تلميذ @
تاكلي و تشربي و يداويك كي تمرضي و يكسيك و تريسيتس خالص لما خالص لغاز خالص كل شيئ خالص من عندو

و يزيد يعطيك المصروف ؟؟؟؟؟؟؟؟؟ و الله حرام عليكم

تاكلي و تشربي؟؟؟

أمرك عجيب ؟؟ ألا تعلم أن هذا من صلب واجبات الرجل

و أن لا مزية تذكر هنا .....أحسست بالإهانة و أنا أقرأ هذا الشطر أظن أن يفكر بهذا التفكير يرى في الزواج عبئا

و الأحرى أن لا يتزوج حتى يعرف ما له و ما عليه .

أما عنك اختي فاحتياجات المرأة الاساسية من واجب زوجها ... اعتمادا على قدراته المادية

فلا تقتير و لا إسراف

و الله الموفق

[EXPERT26]

طبعا حقك ولكن في حدود ما يستطيع ماتغبنيهش

[بتول8]

السلام عليكم
اختي من حقك المصروف لا نقاش ادا عندو و مامدش راه حرام عليه ما خاصك لا رجل لا يد باه تخرجي تخدمي و تكون عندك شهرية؟
هو ادا عندو و ربي عطاه و حرمك من حق علبة مكياج لي راح يرجعله يعني تتزينيلو ليه
شوفي اختي الراجل عندبالو كي يمد لمرتو مصروف جانبي راحا تصرفو على دارهم و لا كاشما وين بصح راها معظم النساء تصرفو فامور للراجل نفسو كالعطر المكياج اللبس الفليكسي يعني الراجل لازم يفهم بلي لي يمدها ترجعله مهر مصروف كادوات ايا كان
انا نحير احيانا من عقلية بعض الرجال لي يحسبو للمراة؟
يقولو المراة تبدر و ماتعرفش تصرف؟
علاه يعني و هي كلها حنان و مسؤولية كي ماعندكش توقف و تسلفلك من دارهم احيانا؟
نتايا كي عطاك ربي شويا زايد و ماعندك مادير بيه راح تصرفو على صحابك بالاك؟
عندك دارك عندك طوموبيل عندك كلش الله يبارك و كومام تحسب و ليمن لمرتك؟لولادك؟لاجمل شئ فحياتك ؟
و الله لو كنت رجلا لمنحت كل شئ لعائلتي و قبل ما نسلك قهوة لهادا و هاداك نشريهم حلوى لولادي نفرحهم و لا وردة بلاستيك لمرتي نور عيوني نتفكرها يا لوكان بلا مناسبة
ربي يهدينا كل

[جزاائرية]

هده مشكلة خاصة ويجب ان تناقش بين الزوجين وليس في منتدى الحوار هو الحل على مااعتقد اشرحي لزوجكي وجهة نظركي واسمعي رايه و تناقشا في الموضوع لان اجاباتنا لن تساعدكي في شيء

[التلميذ.]

ارحوا من في الارض يرحمكم من في السماء

[سجل أنا جزائري]

اذا كان موظف في الدولة قوليلي يعطيلك 1500 دج اللي يعطوهالو في الشهرية

لأنك ماكثة في البيت هذا هو حقك ياك تكفيك ؟؟

[عُضو مُحترم]

اممم موضوع مُهم فعلا

كم مصروف الزوجة الشهري في رأيك يا اختي؟؟؟

[نورة أسماء]

المشاركة الأصلية كتبت بواسطة غنوش

والله حالتي مثل حالتك أخي نورة أسماء ،أنا نقولو أتخيل عندك أولاد وراك تشريلهم بامبرز أو حليب ولي نطلبوا أقل من ثمن الحفظات والحليب ،مع أنه مقتدر .خليني نخدم متخدميش .خليني ندير دروس خصوصية مديريش .نخدم الحلاويات ونبيعها .مكيش ميت بالشر .أعطيني مصروفي ،كي تحتاجي نشريلك ،كي تعجبني حاجة ونقولو أشريهالى .غالية .هناك مناسبة ونطلب منهو شراء هدية .يقولي منيش خدام عليهم .أروحي أنتي وسلكيها .حتى أنا مثلك أبحث عن الحل

ربي يعينك حبيبتي غنوش يعني ش نقولك؟؟؟ جيت نشكي همي لقيتك أكثر مني ههههههههههه معليش عزيزتي حاولي معاه بالمعروف يمكن يلين وربي يهديه ههههههه

[النجمة القطبية]

اعتقد ان مصروف المراة لصالح الرجل من عدة نواحى
اولا انها تتحمل جزء من المسؤولية وتتعلم الاقتصاد وعدم التبذير
ثانيا انها احيانا تستطيع التوفير من مصروفها وشراء امور وقت الحاجة
انا غير متزوجة وجالسة فى البيت واخذ من والدى مصروف شهرى ولله الحمد
هو مصروف بسيط ومش كبير لكن احيانا كثيرة اوفر منه
واحيانا حتى نرجع نسلفولو لما يحتاج
وصراحة من النادر ان اطلب من والدى لانى اوفر مما معى فلا احتاج
المهم الامر يعتمد على زوجك وظروفه وقدراته
لا تضيقى عليه لا افراط ولا تفريط
وفقك الله

[hadile_hamame]

[SIالسلام عليكم ورحمة الله وبركاته صح وشراكي تقولي المرٱة تسحق حوايج بزاف عندهآلأدوات المدرسية تاع للولاد، كَشْمَيخص في الدار، مواد التجميل ؛البَرُوك للاهل للحباب التليفون .كي يعطيها مصروفها تعرف كيفاش تتصرف فيه .وهو يتهنى من المُشاجَرَة تاع كل يوم .ربي وفقنا كلنافي طاعة الله ورسول صلى الله عليه و سلم.ZE="7"][/SIZE]

[نورة أسماء]

المشاركة الأصلية كتبت بواسطة hadile_hamame

[siالسلام عليكم ورحمة الله وبركاته صح وشراكي تقولي المرٱة تسحق حوايج بزاف عندهآلأدوات المدرسية تاع للولاد، كَشْمَيخص في الدار، مواد التجميل ؛البَرُوك للاهل للحباب التليفون .كي يعطيها مصروفها تعرف كيفاش تتصرف فيه .وهو يتهنى من المُشاجَرَة تاع كل يوم .ربي وفقنا كلنافي طاعة الله ورسول صلى الله عليه و سلم.ze="7"][/size]

وعليكم السلام عزيزتي هديل معك حق والله كي يعطيني مصروفي نلايمه ونزيديه غير في دار وصغار كي ينقصهم شئ هوزوجي يعني ش يعرف يخلص تريسيتي الما الغاز والاكل والشرب أما البقية معلبلهش بيها وخاصة أغراضي الخاصة ؟؟؟لدا مصروف الزوجة مع الفواتيرررررررر والاكل والشرب من أول الشهرية يديرها في حساباته

شكرا على مرورك أختي