شوفو واش خدمت وقيموني

[ام رحوقة]

التارت باللليمون
المقادير تاع العجينة هي 250 غ فرينة مع 125 غ زبدة بيضة واحدة وقرصة ملح و2 ملعقة كبيرة سكر عادي
حكي البيضة مع السكر والزبدة مليح وابداي تضيفي الفرينة حتى تتلم بلا ماتديري فيها العلك
خليها حوالي ساعة في الثلاجة مبعد شكليها في القوالب وثقبيها بالفرشيطة وعاودي رجعيها للثلاجة وشعلي الفرن يسخن
وطيبيها وخرجيها خليها تبرد
والكريمة هي
صفار ثلاث بيضات . نصف كوب عصير ليمون كوب ماء كوب سكر 2 ملعقة كبيرة نشاء فاني حوالي ملعقة زبدة
نخلط السكر والماء والنشاء في كسرونة ونحطهم على النار كي يغلو نحيهم من النار وضفي الصفار وخلطي مليح وعاودي رجعيهم على نار خفيفة
حتى تبدا ثقيلة مع الخلط بدون توقف لما تثقل زيدي العصير والفاني ورجعيها شوية برك على النار مبعد نحيها وضفيلها الزبدة وخلطيها وخليها تبرد شوية
وفرغيها فوق التارتات لانه اذا كانت سخونة العجينة تبدا تتفتت بزاف
واخدمي الميرانغ بالبياض الي بقى من الصفار وزيني بيه من الفوق ثم حطيهم في الفرن يتحمرو من الفوق برك وبسرعة حتى ماتذوب الكريمة
مبعد خليهم في الثلاجة يبردو

[ام رحوقة]

والمشكلة
العجينة ثلاث كيلات فرينة مع كيلة ناقصة شوية زبدة قرصة ملح
حكي مليح الزبدة بالفرينة وضفي ماء الزهر حتى تتلم حطيها في كيس
حطي اللوز ارحيه بالقشور تاعو
حطي 500 غ مع حوالي 250 او 280 غ سكر عادي
ولميهم بصفار زوج بيضات حتى تتلم واذا ماتلمتش زيدي صفار
المهم تبقى ناشفة وتتلم مش جارية
حلي العجينة بالمشينة تاع البقلاوة رقيقة مبعد قطعي بالقوالب العجينة
وعاودي فرشي اللوز ثان وقطعيه بنفس القوالب
ضعي قطعة من العجين وفوقها اللوز وفوقها عجينة اخرى وحبة لوز في الوسط واعملي خطوط بالسكين ولا انقشيها بالنقاش
وطيبيها بلا ما تحمار
وعسليها
اما شكل الهرم قطعي العجينة مثلثات وكوري اللوز كرات حطي كرة وسط المثلث وارفعي الاطراف الى فوق
وفي الوسط تاع الاضلاع اضغطي بثلاث اصابع للداخل وهاذو الثقبات هوما الي مبعد نديرو فيهم وردة
وبين كل زوج اكراف من جهة العقدة نعمل خط كاننا ندخل العجينة للفوق ونضغطها جهة اللوزكما راهي في الشكل
وننقش بالنقاش ونقطع شرائط بالجرارة ونلف كل شريط يبدا وردة وندخله في الفراغ الي دراناه
ان شاء الله يكون الشرح واضح

[أم مالك*]

ماشاء الله عليك
روووعة
خاصة البسبوسة تبان أروع

[نور الرحمان1986]

مشاء الله عليك ياشاطرة روووووووووووووووووووووعة

[ادرارية]

تبارك الله عليك عمل متقن

[minoucha dame paris]

mmmmmmmmmmmmmmmmmmmmmmmmmmmmmmmmmmmmmmmmmmmmmmmmmm mmmmmmmmmmmmmmmmmmmmmmmmmmmmmmmmmmm

[ميتشي]

الله يبارك

[ام رحوقة]

الله يسلمكم اخواتي
البسبوسة
اربع كيسان ونص تشيشة..نصف كوب رايب...كوب حليب سائل...زوج ملاعق صغار خمارة الحلوى...كوب سكر..كوب نوادكوكو...فاني....كوب ناقص شوية زيت
نخلطهم وندهن سنيوة ونفرغها فيها هاذي الكمية كبيرة وتجي في زوج سنيوات لانها لازم تكون رقيقة
وحطي حبات اللوز وطيبيها على نار قليلة
وفي نفس الوقت طيبي الشاربات
ثلاث كوب سكر وثلاث كوب ماء
خليهم يغلو مع بعض مع شوية ليمون يغلو حوالي عشرة دقائق ولما تطيب البسبوسة
حمريها من الفوق ثان وغير تخرج تتعسل وخليها تبرد باه تقطعيها لانها تتفتت