قال لي احدهم : ما نقدرش نسهر ..ومانقدرش نوض بكري ونحب الفايسبوك ..! - الصفحة 2

هدوء قاتل · 2012-03-02, 14:06

|يقٌولك : الوادْ مديِه وهو يقٌول ما أحلاها البروودة !
البنَاتْ يلعبُوا فيهَا ، إدِيهَا من عِندِي ، الأغلبْ هكذَا ونعرفْهُم تانيِ
الي يسمعهم تقٌول مايقرَاوش صحْ ، وهُومَا والله غير عقابهَا رٌووسْ :d
| ربّي يهدي ماخلقْ
شٌكرًا على الموضٌوعْ

mouhamad2009 · 2012-03-02, 15:46

اقتباس:

المشاركة الأصلية كتبت بواسطة ابنة الاسلام

صحيح ما دكرته اخي الكريم ...هنا تظهر مدى تغلبك على نفسك وهواك

ولكن ليس كل ما يقال لك صحيح...كثيرات هن اللتن يحلفن بالله انهن لم يفتحوا الكراس (رغم اني لا أقول لهم مادا فعلتم )وفي الاخير يتحصلن على نقاط جيدة....رغم ان هدا لا يهمني وليس من شاني لكن لمادا الكدب...(.ماتقوليليش قاع مانيش مستحقة نعرف )

بالتوفيق لكم يا مخلصين

سلاااااااام على الكرام

Mis hermanos me ayudan si se permite

♫ وهج الأمـل ♫ · 2012-03-02, 15:53

اقتباس:

المشاركة الأصلية كتبت بواسطة zoldek 7

الهاااجس الوحيد لديا هو مباريات برشلونه

للاسف لا استطيع ان افوتهاا .....

وعلاه ياخيـ كاينة النتـ

تقدر تعاودها منـ بعد الباكـ ...

أنا حوايجـ بزافـ العامـ هذا تخليتـ عنهمـ

منـ بينهمـ برنامجـ ~~ ضعـ بصمتكـ ~~ للشيخـ محمد العريفيـ

والله كنتـ نتفرجو ونعاودو و ما نكرهشـ منو ما تتصوروشـ قداه نحبـ برامجـ العريفيـ

بصحـ العامـ هذا صدقنيـ ماتفرجتـ منو حلقة ...

إذا راك حابـ تديـ الباك بالمعدلـ الليـ راكـ حابو لازمـ تضحيـ بحوايج بزااااااف

مسيردى · 2012-03-02, 15:55

و كاين عاود الي ذكي بالفطرة ضارب الدنيا بطالو و هي عاطياته

♫ وهج الأمـل ♫ · 2012-03-02, 16:12

كيما قالو الأخوات البنات دايما يلعبو فيها ...

قداه من وحدة تقول مانيش نراجع و مانيش نحفظ بصح تلقاها غير تكذب ....

أنا عنـ نفسيـ كيـ نراجعـ نقولـ راجعتـ عاديـ

مافيها والو ...

++ البناتـ عادو يفوتو الأولاد على خاطر أولاد هذا الوقتـ فيهمـ بزافـ الليـ متهاونينـ

هذا مايمنعشـ بلليـ كاين أولاد عندهمـ قدراتـ هائلة أفضل منـ قدراتـ البناتـ

خاصة في الرياضياتـ والفيزياء و أنا أقر بذلك

راية الاسلام1 · 2012-03-02, 17:04

السلام عليكم ورحمة الله وبركاااته
والله يا اخي كاين اللي يستوعب الدرس جيدا مع الاستاد.... يعني كي يروح للدار يحل غير تمارين... وزيد كي يروح لدروس الدعم يفهم اكثر... يعني يوم الامتحان لا يحتاج جهد كبير......... وكاين اللي يرقد واللا يضحك اثناء الدرس...... ومايحوسش يفهمو بعد .... يستحيل عليه مراجعة كل شيء ليلة الامتحان........
ويبقى كل واحد ودرجة استيعابه للدروس...........
بالنسبة للبنات......... حتى ولو كانت طلعت الصواريخ تقولك ماقريتش وماخدمتش وماااا .........( تخاف يعاينوها)
انا نقلكم اقراو بصح بقدر....... وماتنساوش ... ان لنفسك عليك حقا....
والله الموفق.....................

*الراجي عفو الله* · 2012-03-02, 17:19

اقتباس:

المشاركة الأصلية كتبت بواسطة ^ هُـڍُﯡوءٌ قَـآتِلْ ^

|يقٌولك : الوادْ مديِه وهو يقٌول ما أحلاها البروودة !
البنَاتْ يلعبُوا فيهَا ، إدِيهَا من عِندِي ، الأغلبْ هكذَا ونعرفْهُم تانيِ
الي يسمعهم تقٌول مايقرَاوش صحْ ، وهُومَا والله غير عقابهَا رٌووسْ :d
| ربّي يهدي ماخلقْ
شٌكرًا على الموضٌوعْ

السلام عليكم

كلام في الصميم

واكثر ما يقلقني بعد الإمتحان تشوفو اتقول هذا ما كتب حرف وتسقسيه يتسبب ما كملتش ماكفانيش الوقت ومادرتش هذي وانسيت هذيك وفي الاخير تلقاه جاب 18 منين جات الله اعلم وهو بالاك انسى سؤال عليه 0.25
وهذا عند الطلبة والطالبات

يلزم ما تصدق حتى واحد

شكرا لك حامل اللواء نسأل الله لك ان تحمل لواء الإسلام والعلم

نسأل الله التوفيق والسداد

سلام

أمينة1994 · 2012-03-02, 18:55

عندك الحق خويا في هاذو الحوايج لي ذكرتهم

وعلى أنو البنات يجيبو أحسن من الأولاد ........... هاذي على حساب الأشخاص يعني تقرا بزاااااااف سواء كنت بنتا أو ولد رايح تجيب معدل مليح

+ لاحظت في المسابقة الولائية لي درناها المرة لي فاتت أنو كل القرايين لي يجيبوهم بنات......... غير الليسي تاعنا لي راحو 3 بنات و3 أولاد

تحياتي ليك على الطرح المميز

حامل اللواء · 2012-03-02, 21:14

أنا حوايجـ بزافـ العامـ هذا تخليتـ عنهمـ

منـ بينهمـ برنامجـ ~~ ضعـ بصمتكـ ~~ للشيخـ محمد العريفيـ

ولا تذكرني بما نسيت ُ ُ ولا ترهقيني من أمري عسراا

فعلا ضحيت بعدة اشاء .......

حامل اللواء · 2012-03-02, 21:18

اقتباس:

شكرا لك حامل اللواء نسأل الله لك ان تحمل لواء الإسلام والعلم

اللهم امين .... اللهم امين ..

وكلنا محتاجين الى عفو الله عز وجل يــا اخي الحبيب *الراجي عفو الله*

اقتباس:

تحياتي ليك على الطرح المميز

اعجبني تعليقك يآآ اختاع ..ومضمون ردك الذي يرمى الى البعيد

تحيّــة

zizo75 · 2012-03-02, 23:42

يجب كل طالب ان ينظم وقته ويراعي الاولويات ومع التوفيق والنجاح للجميع

زمردة نيني · 2012-03-03, 20:51

rimyrim · 2012-03-03, 21:00

اذا اردت النجاح لابد من التعب و المثابرة
انصحك بالبدء في المراجعة و الله الوقت الذي بقي لا يكفي

rimyrim · 2012-03-03, 21:06

نصيحة مجرب الدرس الي تقراه راجعو باه متتراكمش عليك الدروس و تزيد تلقى الوقت للمواد الاخرى
ركز مع الاساتذة
ربي يوفقكم

ح ـكآيه م ـبدع · 2012-03-03, 23:28

فكرتني في روحي نهار كنت فالليسي
علابالك انا من النوع لي نحط في الورقة غير المفيد
يعني ما نتفلسفش بزاف
راني شافي نهار نكونو نديرو في لي كومبو ولا لي دوفوار
الغاشي كامل يكتب زوج صفح تلاثة انا نكتب على الأكثر صفحة و نص
و كي يقولولي و ريلنا نوريلهم الورقة و نقوللهم راني نخلط من راسي ههههه
و كي نعود حافظ نقوللهم مازل الكايي ما مسيتوش
و كي نكون خادم مليح توجور نروح ندي الورقة نتاعي و مباعد نسب الشيخ قدامهم و نكرفسها و ندرقها
و مازالني لحد الآن كي نعود رايح ندير لي كور ندي في ساشي ولا ساكودو مي انا نول للحومة حتى يسقسوني وش كنت تقرا
نقوللهم لالا و ديت ديمو نفلاشيه ههههههه
ولا كي ندي ساكودو كي نكون ندير سبور نقوللهم كنت ندوش
الله غالب خويا عين العرب واعرة
انا علابالك لتاو بيا حطموني
ننصحكم يا الخاوة واحد لوكان ما تديروش فيه الثيقة ما تقولوش وش راكم تديرو
و سيرتو حذاري من هاذوك لي يقولو القولة المشهورة
راك تحرث يا صاحبي، وش عاش من شافك، راك بيضت من تالمو ما تخرجش مالدار
هاذو راهم مسمومين ههههههههه