شكون صرالو كيفي؟؟؟(ادارة السجون) - الصفحة 2

امينة مناد · 2012-02-29, 21:58

السلام عليكم البارح رحت لحبس الحراش ولقيت اسمي في القائمة ولكن صدقوني اني مرانيش فرحانة كي حرة بنة الحرة مالقتش اسمها وانا نضن ان السبب راجع للبريد اي انه موصلش نتمنى لحرة ان يعوضها ربي العلي الرزاق باحسن منها وعسى ان تكرهوا شيىء وهو خيرلكم

**حرة بنت الحرة** · 2012-02-29, 22:10

ربي يخليك حبيبتي
مالا نحب نفرحك بلي اسمي موجود وراها الطفلة الي وصيتها تشوفلي ما شافتش مليح اليوم
رحت بنفسي وشفت ولقيت بلي مقبول ملفي وفي 26 مارس نتوجهو لسور الغزلان
حمدلله وربي يوفق الجميع وربي يعوض على خويا حسان الاوراسي

امينة مناد · 2012-03-01, 07:40

اقتباس:

المشاركة الأصلية كتبت بواسطة **حرة بنت الحرة**

ربي يخليك حبيبتي
مالا نحب نفرحك بلي اسمي موجود وراها الطفلة الي وصيتها تشوفلي ما شافتش مليح اليوم
رحت بنفسي وشفت ولقيت بلي مقبول ملفي وفي 26 مارس نتوجهو لسور الغزلان
حمدلله وربي يوفق الجميع وربي يعوض على خويا حسان الاوراسي

حنونة الشريرة فرحتيني وركبتيلي الخلعا صدقيني ان عينيا دمعو انحب نقولك بلي المسابقا ديالي نهار خمس وعشرين الوغ خسارة منقدروش نتلقاو ولكن ان شالله انكون من الفائزين ونتلقاو في اسطاش
قوليلي برك عدد البنات في ولايتك شحال الي مترشحين للمسابقة لانني عرفت ان المترشحين في الجزائر العاصمة فقط حوالي خمسة وعشرين متضحكيش عليا راني ندير في الاحصائيات باش نشوف نسبة النجاح الله غالب هدي حاجة ماسةللعمل من اجل الحياة ونزيد انعاود انقول الحمدلله والحمد لله كي لقيت اسمك ونطلب السماح من البريد الي تهمناه

bibo1520010 · 2012-03-01, 00:45

عاودي العام الجاي

**حرة بنت الحرة** · 2012-03-01, 20:19

ربي يخليك عزيزتي ربي يجعلك ايامك كامل عامرة بالافراح
نشالله نتمنى ليك وكل الي يستاهلو النجاح
بخصوص عدد المشاركات في ولايتي والله ما علابالي
بصح ما عندهاش علاقة خطراه كل ولاية واحتياجاتها
رح نبعثلك ايميلي ونيميرويا رسالة خاصة ابعثيلي ميساج
راني نتسنالك.

امينة مناد · 2012-03-01, 21:12

السلام حرة بسكرة وشراكي وشراهم اهلك انشالله تكوني مليح راي نستنا في رسالتك في الحقيقة منعرفش نراسلك حاولت اكثر من مرة بدون فائدة المهيم اا تانيك راني حابة نبعتلك ايمايلي هك نهدروا مليح

**حرة بنت الحرة** · 2012-03-01, 22:18

راني لاباس حمدلله رحمة ربي
نشالله تكوني نتيا ثاني لاباس وعايلتك الصغيرة والكبيرة
راني نحاول انا ثاني نشالله تصلح

الصادق الناصح · 2012-03-01, 23:26

ahamdou rébi ba3adha 3likoum balak mafihache khir wli fih lkhir rébi nchallah ydjibo wéli fih chér rébi nchallah yba3do 3likoum wrébi nchallah yéstérkom nchallah

daoud36 · 2012-03-02, 11:11

السلام عليكم خاوتي ، انا ثاني صرالي كيفكم والله غير مافهمنا والو في بلادنا ، وزيد انا راهو الملف تاعي دفعهولي واحد صاحبي في لابوسط في دزاير ؟؟؟؟؟؟؟؟؟؟؟؟؟؟؟؟؟؟؟؟؟؟

mohammed 21 · 2012-05-23, 18:41

ana srali kifek dfa3t fi la poste recommandé w ma wselni walo .3achit medabez m3a li kech 3lia fi la poste .soubhana ellah ghadwa lih jatni barkia belli dosier ta3i kamel.dork bkalena ghi resultat nchallah nkouno ga3 rabhin.amine.

mohammed 21 · 2012-05-23, 18:49

ana femet fi belabbes nhar 28 avril kitabi wdork rani nestena fi natija .rabi ywefak el jamii3.besah maranich 3aref fawek tban resultat?