الطمع

[حفيدة النبى 012]

المشاركة الأصلية كتبت بواسطة مريلينا

السلام عليك يا جماعة الخير شكرا لكل الأعضاء الكرا م على كل رد بكل مواضيعي
اليوم راحا نتناقش معاكم في نقطة إلا وهي الطمع عند الطرفين
لاحظت اليوم وأنا قادمة في وسيلة نقل والبرد والشتا ما نحكيلكمش مي الحمد لله خير نتاع ربي المهم شفت منظر قلقني وترني طلعلي السكر وحتى الملح هذا مرض جديد
واحدة جالسة مع واحد راجلها مؤكد جبدت خلصت الروسوفور وهو فرحان ووجهو حمر وداير قد الفيل يضرب حيط يطيحو ويا سبحان الله كانو يتناقشو على مصروف الداار والله رغم عني سمعتهم كنت قاعدة وراهم هذا مرتو تخدم وهو يدي الغلة المرا تعاون راجلها اللي بنت أصل مي مالازمش الراجل يكون طماع و ينسى الرجولة نتاعو نعرف أستاذة هي تقري وهو يروح للبوسطة يجبد الله الله تقول هو مدير التربية
بالمقابل كاين بنات طماعات تعرف واحد وتبدا الفليكسي الكادوات الدراهم والشكاوى هذي الطبيعة نتاع الطمع منين جاتنا سؤالي
إنت الراجل تقبل مرتك تخدم وتديلها دراهمها؟
لبنات علاه ما تحوسوش على الراجل اللي يسعدكم الدراهم علاه ؟
شكرا وشاركوني النقاش شكرا

هاذا لى قال الطمع افسد الطبع لم يخطا . ابدا .... والله الان لا ابحث لا على راجل ولا على دراهم .. رانى نحوس على حاجة وحدوخرا ...

[مريم الصابرة]

المشاركة الأصلية كتبت بواسطة حفيدة النبى 012

هاذا لى قال الطمع افسد الطبع لم يخطا . ابدا .... والله الان لا ابحث لا على راجل ولا على دراهم .. رانى نحوس على حاجة وحدوخرا ...

السلام عليكم أختي مارانيش معاك الزواج مليح وسترة للمرا مهما كانت عندها شهادات دارها وزوجها وأولادها أكبر شهادة تتلقاها في حياتها وربي يناولك اللي في بالك إن شاء الله شكرا على المرور

[حفيدة النبى 012]

المشاركة الأصلية كتبت بواسطة مريلينا

السلام عليكم أختي مارانيش معاك الزواج مليح وسترة للمرا مهما كانت عندها شهادات دارها وزوجها وأولادها أكبر شهادة تتلقاها في حياتها وربي يناولك اللي في بالك إن شاء الله شكرا على المرور

السلم عليكم اختى انا اقصد فى الوقت الحاضر لا تهمنى هاته الامور ولاكن ربما منا على 4 او3 سنوات ساهتم بهاته الامور قليلا . وتتغير فكرتى . تقبلى مرور الاخت الكريمة

[مريم الصابرة]

المشاركة الأصلية كتبت بواسطة حفيدة النبى 012

السلم عليكم اختى انا اقصد فى الوقت الحاضر لا تهمنى هاته الامور ولاكن ربما منا على 4 او3 سنوات ساهتم بهاته الامور قليلا . وتتغير فكرتى . تقبلى مرور الاخت الكريمة

السلام عليكم ربي يوفقك أختي كل عطلة فيها خير أختي شكرا

[أم البراء السلفية]

السلام عليكم ورحمة الله وبركاته
بارك الله فيك اختى بصح مالازمش اتسيءي الضن
لانو انا يما قاعدة في الدار ماتخدمش
وكي نخرجو مع بابا بابا يمد الدراهم ليما في الدار ويقولها خليهم عندك
امنينى كي نخرجو ونروحو لكاش حانوت هاكدا نحبو نشرو حاجة حتى يجي بابا ليما ايقولها هاتي الدراهم
يمكن هو مخلى عندها الدراهم ويمكن مكانش عندو كل واحد وكيفاه
والراجل والمراة واحد
اما بالنسبة ليا والله مايهمونى الدراهم قاع المهم الاخلاق
دائما تاتينا بالجديد
بارك الله فيك

[hadjer.m]

شوفي كاين أزواج عندهم ظروف ، كان خدام و بطل ، مرض قعد في الدار ، دراهمو ما يكفوش ، هذا عادي لما زوجتو تساعدو و رح يكون طيب اصل منها مش واجبها
اما هداك لي يعمل عليها و يطلقلها الحبل على الغالب اسمحولي هذا ما يتحطش في قائمة الرجال

و البنات كيف كيف ، لي تحب الدراهم و تدخل في علاقات غير شرعية على جال خماج الدنيا هاذي .......... لا تعليق
اما لي تتوجه الى السكة الحلال ، و تتزوج واحد علاجال دراهمو وفقط ... ببساطة راهي باعت روحها و فقط .. و كي يخسر الانسان روحو ، كاشما بقالو ؟؟؟

و شوفي هذا لا يعني انها لا زم تعيش في فقر مدقع ، " ولنفسك عليك حق" ، برك الانسان ما يطلبش كماليات ، يطلب حياة كريمة و يسعى لكسب الرزق و هذا حق مشروع للانسان

و ربي يرزقنا القناعة ... فهي و الله كنز لا يفنى

[مريم الصابرة]

المشاركة الأصلية كتبت بواسطة hadjer.m

شوفي كاين أزواج عندهم ظروف ، كان خدام و بطل ، مرض قعد في الدار ، دراهمو ما يكفوش ، هذا عادي لما زوجتو تساعدو و رح يكون طيب اصل منها مش واجبها
اما هداك لي يعمل عليها و يطلقلها الحبل على الغالب اسمحولي هذا ما يتحطش في قائمة الرجال

و البنات كيف كيف ، لي تحب الدراهم و تدخل في علاقات غير شرعية على جال خماج الدنيا هاذي .......... لا تعليق
اما لي تتوجه الى السكة الحلال ، و تتزوج واحد علاجال دراهمو وفقط ... ببساطة راهي باعت روحها و فقط .. و كي يخسر الانسان روحو ، كاشما بقالو ؟؟؟

و شوفي هذا لا يعني انها لا زم تعيش في فقر مدقع ، " ولنفسك عليك حق" ، برك الانسان ما يطلبش كماليات ، يطلب حياة كريمة و يسعى لكسب الرزق و هذا حق مشروع للانسان

و ربي يرزقنا القناعة ... فهي و الله كنز لا يفنى

السلام عليكم أختي الفاضلة مؤكد وأنا نوافقك الرأي اللي راجلها مريض الله غالب بالسيف عليها اشي واجب منها هذاك موضوع آخر مي رانا نحكوا على اللي بصحتو ومرتو تخدم ويدي دراهمها والبنات اللي يطمعو كاين اللي راجلها وطماعة فيه ما تستحفظش عليه الناس عقليات شكرا