اريد حلا قبل 3 جوان - الصفحة 2

hana bac · 2012-01-30, 15:01

احمد ربي ياخي راك تقرا في الثانوية وعدك الاساتذة كنحكي واش صاير فيا تقول انت حمدو الله انا مسجل باك حر شعبة علوم تجريبية اول مرة رايحة نعقب الباك وراني خايفة بزاف درة المستحيل باش نلق زملاء باه نقرا معاهم بصحتي ملقيتش , روحت الى الثانوية وهدرت مع المدير وبكيت حتى قدامو وترجيت محباش وحد كيما هدا الناس مهوش انسان كيما انت صاير فيك مع الاستاذة فيزياء في هذا الزمان نقولك ياخوي كل واحد يراعي على نفسو وهذه دنيا فانيا رغم كل هذه راني متفائلة حتى انت تكون متفائل ارجومنكم مواساتي وشكـــــــــــــــــــــــــــــــــــــــــــــــ ــــــــــــــــــــرا

hadjer.m · 2012-01-30, 10:57

شوفي اختي ، ماكانش استاذ صفر ، هادي غير نحيها من بالك ، راهي باش ولات استاذة اكيد قرات سنين و سنين هاد المادة
لكن كاين استاذ ما عندوش اسلوب مليح ، او يكون قرا بزاف و كره
و التلميذ الذكي لي يعرف كيفاش يجبد المعلومة ، مش لي يعرف يتلقى المعلومة ، فهمتيني ؟؟
يعني نتي حاولي تفهميها ، تفهمي عقليتها ، حاولي كيفاش تدي منها قد ما تقدري ، لانو تاكدي راها تعرف خير منك
و ننصحك بعدي على هذوك الزملاء لي يضلو هذا استاذ ما يفهمش و يعيف و صفر و و و و ، لانهم راح يرجعوك للوراء برك
و من جانب آخر تقدري تشري كتاب خارجي مليح تاع فيزياء ، و اذا عندك انترنت في الدار راهم كاين بزاف مواقع تاع التحضير لشهادة البكالوريا من بينهم منتديات الجلفة ( و عن تجربة) انا في الباك نتاعي بزاف حوايج هزيتهم من هنا ، كتب الكترونية ، حويليات وووو
و تقدري ديري دروس خصوصية
تقدري تتفاهمي مع وحدة تفهم فيزياء مليح ( تعود هي مدايرة كور مثلا) هي تفهمك فيزياء ، نتي تفهمي حاجة اخرى
شوفي كاش حصة ما تقراوهاش و تفاهمو ، و لا نهار روحيلها نهار تجيك
يعني شوفي مهما كانت ضروفك سواء ضروفط المادية عيانة ، و لا داركم شوي مزيرين عليك و لا و لا الحل راه كاين كاين باذن الله
نتي برك ما تديريش من الحبة قبة
و تذكري بكالوريا تاع الثمانينات كانو يقرو فيهم شناااااااااوة ، و المراجع مكاااااااااااااااااانش ، و ظروفهم المادية تحت الصفر ، و الظرووف الاجتماعية حدث و لا حرج( تزياااااااااار كبير ، لكن خرجو منهم طبيبات و دكاترة
و ديما نقلك ماااااااااااازال الحال ، مازال الوقت على الباك ، برك نظمي وقتك مليح ، واكتبي عبارات مشجعة و علقيها في الحيوط ، مثلا انا ناجحة ، انا متفوقة الخ ،
و ربي يوفقك أختي و ينولك لي في بالك و ان شاء الله تجيبي 20 في الفيزياء في الباك ، بصح وشيه ، ما تنسايش قسمتي من البقلاوة كي تدي لباك مش تنسايني ( انا و اخواتك و اخوانك اعضاء المنتدى)

lisace2 · 2012-01-30, 16:13

اقراي الدروس الخصوصية
واذا الظروف ماتسمحلكش دبري الكراريس من عند وحدة تدير لي كور و اكثري من حل التمارين الكتاب المدرسي
و اجمعي الاسئلة تاع الباك لي فاتو وحليهم ماعليش اقعدي فالتمرين الواحد يومين المهم تفهميه

hana bac · 2012-01-30, 19:55

مرحبا بكم يااخواني اتكرم بشكر اخي من اليزي على اقتراح شكرا جزيلا بارك الله فيك يااخي وزاد الله من امثالك

سمراءجيجل18 · 2012-02-03, 11:00

الله يوفقك أختاه .

مسلم أمره لله · 2012-02-03, 20:55

انصحك بموقع قزوري

مليح في الفيزياء

+الكتاب المدرسي وقسم ال3 ثانوي بالمنتدى

وربي يعاونك