لو عندك الدراهم؟ - الصفحة 2

عماد المحب · 2012-01-26, 23:18

السلام عليكم ورحمة الله وبركاته
فيه قصة عن الغنى والفقر
قيل انه كان هناك غنى غنا فاحش وكان له جار فقير فقر مدقع
وهذا الفقير يبيت ساهرا يعزف على مزمار له وفي سعادة كبيرة اما الغني فيبيت مهموم القلب حزين على ما فاته من ربح يقتله الاسى على ما فات فقالت له زوجته ( الغني) كيف يكون حالك هذا وانت انت مع الغنى وجارك الفقير المسكين يغني ويطرب رغم حاله فقال لها اصبري علي الليلة وسترين في الغد كيف يؤول حاله
فاخذ مبلغا من المال واعطاه للفقير وكان المبلغ كبيرا
تلك الليلة انقطع صوت المزمار وخيم الهدوء
فاصبح الفقير يضع مشاريع استثماريه في ذهنه ويدرس مدى نجاحها ولم يصل الى مشروع يقنعه ودامت حاله هكذا طيلة ايام فاحذ المال وعاد به الى الغني ليرتاح باله ويعود لبساطة عيشه.

مريم الصابرة · 2012-01-27, 09:43

اقتباس:

المشاركة الأصلية كتبت بواسطة naima2011

السلام عليكم......... ولله تخطر في بالي كثير
لو كان لي مال.......شيئ وحيد اقوم به والذي احب القيام به هو.........لا اترك ولا مكان في العالم الا كنت قد زرته.........احب كثيرا ان اكتشف شعوب اعرف ثقافتهم عادتهم وحتى تعجبني معتقاداتهم لهذا انا متخصصة في شعبة علم الا ثار......اتمنى ان ازور جميع مناطق العالم...... شكرا لك

السلام عليكم اختي نعيمة كيف الحال؟ هذي فكرة كي يبقالي شوية صرف نجي ليك نروحو نحوسو راكي الله يبارك عالمة آثار يعني ما نخافوش نتودرو ونجو للبلاد كيما ليزيميقري ما يعقلوناش ههههههههههه هذا غذا حكينا معاهم وإذا ولينا اصلا هههههههه يا ختي الشكارة تجي لينا فارغة كل ما نخرج يرفدها الريح تخبط في وجهي هههههههههه

مريم الصابرة · 2012-01-27, 09:46

اقتباس:

المشاركة الأصلية كتبت بواسطة samir 1990

الله يغنيك لأنك إنسانة طيبة و الله كل مواضيعك تثبت ذلك جازاك الله كل خير و ربي يشفيك إن شاء الله ربي قادر يرجعلك صحتك

السلام عليكم عزيزتي شكرا ربي يبارك فيك إنت اللي طيبة ربي يخليك والله ما لقيت ما نقولك أعطيتيني اكثر من حقي شكرا لك اللهم آمين ربي يشفي كل المرضى شكرا غاليتي

مريم الصابرة · 2012-01-27, 09:52

اقتباس:

المشاركة الأصلية كتبت بواسطة النجمة القطبية

ليس لدى احلام بالرفاهية لانى الحمد لله اكلت وركبت ولبست ربما لم تكن احسن الماكولات فى العالم ولا افضل الملابس فى الدنيا لكن دايما كنت مسرورة بها
بمعنى انى كنت دائما مستورة والحمد لله
تعرفى لو كان لدى مال وفير مثلما قلتى وكان ملكى انا سافكر باكرام كل من اكرمنى فى حياتى وهم كثييرون اولهم الوالد والوالدة
ثم ساذهب مع اهلى كلهم حجة لا تنسى طبعا مع الاهل
مممم واشترى بيت فى مكان بعيد به حديقة اهم شئ الحديقة هههه احب الهدوء باش نرتاحو فيه مرة على مرة اهم شئ يكون فى منطقة قليلة السكان وهادئة
بالنسبة للامور الخيرية هادى بينى وبين الله
دايما تخرجيلنا بخرجات جديدة مريلينا هههههه
يعطيك الصحة على الموضوع

السلام عليكم اختي والله أنا حابةة نحوس حابة ناكل كيما فالافلام هذيك الطابلة الله الله معمرة بمواكل نخلع بيهم كرشي هههههههههههههههه مع إنوا أنا والله ماناكل بزاف على العكس قانعةونعمة ربي كلها الحمد لله عليها مي هكذا حابة نريح فكاش لوتيل غالي و ناكل كالمرفهين ههههههههه يا ختي لازم نعيشوا شوية لو تجيني فرصة ونترفه يا ونفحشش روحي وربي عالم بالنية واش حابة ندير خليها فالستر ربي يرزقنا إن شاء الله الصحة برك

مريم الصابرة · 2012-01-27, 10:02

اقتباس:

المشاركة الأصلية كتبت بواسطة matrix-dz

هاذي من سنين و أنا نخمم فيها صراحـة

لو أنو عندي الملايير رح ندير زوج حوايج

الأولى بيني و بين ربي

الثـانية و أكبر حلم لي, نبني مدينـة كبيرة ياسر

نقسمها لعدة أقسـام

القسم الأول هو للصناعة التكنولوجيـة و الدقيقـة

القسم الثـاني شركـة الأنمي الخصة بي

القسـم الثـالث أكبر مدرسـة كونغ فو في العـالم و رح يكون أسمـها النمر الجزائري

القسم الآخر رح يكون فندق كبير جدا مجـاني لجميع النـاس خاصة المسـافرين و يكون فيه أحسن الخدمـات

هذه مدينـة أحلامي و أسأل الله عز و جل أن يساعدني في تحقيقها

السلام عليكم اخي الفاضل والكريم احلامك عجبتني بزاف مي نتاع الكونغ فو اخا حاب ديرنا عصابات نتاع كاراتيه إحنا مكسرين ونزيدو ربي يوفق ويحققلك احلامك كلها شكرا للمرور الطيب

مريم الصابرة · 2012-01-27, 10:09

اقتباس:

المشاركة الأصلية كتبت بواسطة rimana

سلام انا نروح لدبي ومنرجعش ونشري صالة رياضة عندي في دار فيلا فوووووووروطوموبيل وذهوبات وتحواس والمكلا وكي نتقرع من هدو ندير فيها حجة نغسل عضيماتي ونصدق لليتمى وفيها بركة

السلام عليكم اختي هههههههههه إنت راكي كيما انا حابة نتنفس ملينا من العدس والعجاجن والحوايج نتاع السوق ههههههههههههه لازم لاكلاس شوية نروحو للخارج نتنفسو دبي هايلة ولا اروع ربي يرزقنا اللي تترفه الأولى تدي ختها معاها بلاكي دوري عليا ههههههههههه شكرا اختي

مريم الصابرة · 2012-01-27, 10:14

اقتباس:

المشاركة الأصلية كتبت بواسطة عماد المحب

السلام عليكم ورحمة الله وبركاته
فيه قصة عن الغنى والفقر
قيل انه كان هناك غنى غنا فاحش وكان له جار فقير فقر مدقع
وهذا الفقير يبيت ساهرا يعزف على مزمار له وفي سعادة كبيرة اما الغني فيبيت مهموم القلب حزين على ما فاته من ربح يقتله الاسى على ما فات فقالت له زوجته ( الغني) كيف يكون حالك هذا وانت انت مع الغنى وجارك الفقير المسكين يغني ويطرب رغم حاله فقال لها اصبري علي الليلة وسترين في الغد كيف يؤول حاله
فاخذ مبلغا من المال واعطاه للفقير وكان المبلغ كبيرا
تلك الليلة انقطع صوت المزمار وخيم الهدوء
فاصبح الفقير يضع مشاريع استثماريه في ذهنه ويدرس مدى نجاحها ولم يصل الى مشروع يقنعه ودامت حاله هكذا طيلة ايام فاحذ المال وعاد به الى الغني ليرتاح باله ويعود لبساطة عيشه.

السلام عليكم يا اخي سور راحة البال ما تتعوضش بمال الدنيا مي هذي أحلامنا نحوسو شوية نتنفسو مليح ومن بعد نولو فقراء عادي وين المشكل ووننفعوا ناس محتاجة نزوجو كاش واحد وإلا نخلصو عملية ودوا لمريض عارف هذي واش معناها أكبر سعادة فالدنيا ومن بعد لو نفلس نورمال موالفين بربي يخلف علينا شكرا لك اخي الفاضل

أم البراء السلفية · 2012-01-27, 14:57

السلام عليكم ورحمة الله وبركاته
نمدهم لبابا يخلص بيهم دينو
ونروح للعمرة راهي تحرق في قلب
بارك الله فيك ختى

chou_int · 2012-01-27, 17:21

السلام عليكم
أنا الصراحة لوكان لوكااااااااااااان عندي أول حاجة نروح مع الوالدين إلى الحج ثاني حاجة نفتح لبابا مكتب دراسات لأنو كر و تعب بزاف من الخدمة و الأمنة تاعو يخدم وحدو نشري ليما سيار تاعها لأنو بابا ايخليهاش تسوق تاعو هههههههههههه عندي واحد صاحبي قير و ما عطاهش ربي في القراية دير معاه بروجي
و بالنسبة لروحي نتزوج هههههه

النجمة القطبية · 2012-01-27, 18:28

اقتباس:

المشاركة الأصلية كتبت بواسطة مريلينا

السلام عليكم اختي والله أنا حابةة نحوس حابة ناكل كيما فالافلام هذيك الطابلة الله الله معمرة بمواكل نخلع بيهم كرشي هههههههههههههههه مع إنوا أنا والله ماناكل بزاف على العكس قانعةونعمة ربي كلها الحمد لله عليها مي هكذا حابة نريح فكاش لوتيل غالي و ناكل كالمرفهين ههههههههه يا ختي لازم نعيشوا شوية لو تجيني فرصة ونترفه يا ونفحشش روحي وربي عالم بالنية واش حابة ندير خليها فالستر ربي يرزقنا إن شاء الله الصحة برك

انا والله الحمد لله جاتنى فرص بزاف كليت فيها كيما راكى تحكى خاصة فى دار جدى
واش نقولك يدير عرضات بزاف وكاين النسا والابداع معندى ما نحكيلك وانا مرة نلحق نعاون مرة نلحق وكلش جاهز
مرة يعرض صحابو واحيانا فى رمضان يجيب طلبة العلم من المسجد
جدى يعرض وخوالى يعرضو وتتخلط الحالة واحنا فى الكوزينة معندك ما تشوفى
والله معندى حتى حاجة فى بالى متمنيتها كليت كلش والحمد لله
والله يا اختى ملى عرفت روحى فوق الارض وجدى يدير فى العرضات وحنا نتعبو ونعياو هههه بصح والله الحمد لله جوزت يامات ملاح ومسكين قريب يفلس
ربى يبارك فيه ويطول فى عمرو بصح راكى تعرفى الموائد الفاخرة والافضل والاحسن للرجال

وحنا نتعبو هههههه
انا قوتلك نحلم بدار مع حديقة بزاف عليا
بصح اعرضينى معاك هههههههه كاش مطعم خمسين نجمة هههه

خولة لبابة · 2012-01-27, 18:40

لو يكون لي دراهم تكفي..........لقمت و ساعدت اخي الاكبر مني و ارسلته الى الخارج لعلاج اصابته في رجله التي لا يستطيع المشي عليها......و لقمت في بناء مدرسة قرانية لتعليم التلاوة.......فانا أريد تعلم التلاوة و لا توجد في قريتنا من مثل هذه المدرسة...و لا حتى من يساعدني على التعلم .....لأتيح الفرصة للجميع.....و الله اعلم في كل الاحوال.....

امينة ع · 2012-02-23, 16:00

اذا كان وكتب ربي نشري دار كبيرة بحديقة كبيرة نحي الدمار الي عايشة فيه في دار حماتي
ومن بعد ندير مشروع يكون مربح وينتج لي الدراهم باه ميخلصوش ههههههههههههههههههههها يعني نضمن المعيشة والي هي في يد ربي الي ميخليش عبادو
من بعد نشري لماما وخاوتي دار بعيدة عن اهلنا وعن بابانا الي دارو فينا مناكر الدنيا وحطمولنا حياتنا
ومن بعد نروحو نزورو بيت ربي ونطلبو يغفرلنا ويشفي قلوبنا من الاسى الي شفناه ونرتاحو نفسيا وجسديا ويهدي ابي ويبعد علينا (........اللهم اجعل كيدهم في نحورهم......)
وفي الاخير مننساش الناس الفقرا والمحتاجين الي كانت امنيتي ان لو عندي دراهم متتعدش اني ابني مجمع سكني كبيييييييييييييييييييييييييييييييير ونفرقو على المعوزين وخاصة الشباب الي راهم قعدو بلا زواج بسبب السكن ونفرح البنات الي عايشين في الضيق مع حماوتهن مع المشاكل ببيت صغير دير فيه مملكتها الصغيرة
هذا هو حلمي دائما الذي افكر فيه كي نجي نحط راسي على المخدة نحلم ونحلم حتى نرقد
اتمنى لو يتحقق جزء صغير فففففففففففففففففففقط ان اعيش لوحدي حتى بيت وكوزينة وان ارى يوم انتقام ربي العلمين في الي دمرو حياتي انا وامي واخواتي

said26 · 2012-02-23, 16:59

السلام عليكم
شكرا اخت مريلنا انا منجاوبكش الان مي كي كونو عندي الدراهم نجاوبك

ghada91 · 2012-02-23, 17:21

اقتباس:

المشاركة الأصلية كتبت بواسطة said26

السلام عليكم
شكرا اخت مريلنا انا منجاوبكش الان مي كي كونو عندي الدراهم نجاوبك

ههههههههههههههههههه
و الله عنك الحق انا تاني
بصح نتمنى نصنع طريق في وسط البـــــــــــــــــــــــحـــــــر

naima2011 · 2012-02-23, 18:29

اقتباس:

المشاركة الأصلية كتبت بواسطة مريلينا

السلام عليكم اختي نعيمة كيف الحال؟ هذي فكرة كي يبقالي شوية صرف نجي ليك نروحو نحوسو راكي الله يبارك عالمة آثار يعني ما نخافوش نتودرو ونجو للبلاد كيما ليزيميقري ما يعقلوناش ههههههههههه هذا غذا حكينا معاهم وإذا ولينا اصلا هههههههه يا ختي الشكارة تجي لينا فارغة كل ما نخرج يرفدها الريح تخبط في وجهي هههههههههه

السلام عليكم...........هههههههههههه الله يسعد ايامك........شكرا لك