بما انك ترين ان تصرفك مشكلة فهذه بداية حلها
انصحك بان تنسي كل من خطبك سابقا ، كانو لم يتقدم احد لخطبتك ( حتى لا تقارني الخطبة الجدد بالقدم ، فتقولي جا خير منو و رفضتو)
بالتالي نبداو صفحة جديدة
تقدري تهزي و رقة و قلم و تكتبي الصفات لي تحبيها في شريك حياتك ، اكتبيها كامل حتى التافهم منها ( مثلا ما نحبش لي يشخر ، و نحب لي يشجع البارصا ههه)
الان ارواحي لهذيك الورقة و ابداي رتبي اولوياتك
الآن كاين الجزء العلوي من القائمة ( بعد ترتبيها) حطيه بالاحمر يعني اشياء ضرووووووووورية جدا
مبعد الاشياء لي بقات حاولي تفكري فيها بجدية ، يعني لو ما يكونش فيها هاد الصفة و فيها صفات بزاف مليحة واش يصرا يعني و بعدها قولي و علاش انا كاملة ؟؟؟ كيما هو راح يتغاظى على حوايج نتغاظى انا على حوايج و صدقيني بزاف صفات راح تباري عليها
الآن بعد ما فهمتي روحك مليح واش حابة
كي يجيك خاطب اوزنيه بمعيار هديك الورقة ادا لقيتي فيه اكتر من 50% صلي صلاة الاستخارة
و اذا ارتحتي مبروك عليك الخطوبة و لعقوبة للباقيين
لكــــــــــــــــــــــــــــــن
احذري من حاجتين :
1- تقولي انا ما خاصني والو اكيد يجيني خير منو
2- صاحبتي انا خير منها في كلش و دات واحد خير من هذا
لانو الزواج قسمة و نصيب و ما عندوش علاقة بنتي شكون و فلانة شكون
مثال بسيط : علاه ما تقوليش صاحبتي لي انا خير منها عندها اخت خير من اختي و لا بنت عم خير من بنت عمتي ، اكيد لانك علابالك بلي هذي اشياء ما نختاروهاش بل هي مكاتيب
و ما تقوليش لا لا الزوج انا لي نختارو راااااااااكي غالطة نتي تقدمي الاسباب برك بصح الشخص لي راح تتزوجيه راه كاين و مكتوبلك طولتي و لا قصرتي
( تقرير عن مشاركة سيئة )، و الموجودة أسفل كل مشاركة .
2012-01-26, 19:21
العرض العادي
