حابا الرجال يفهمونى في موقف مهم - الصفحة 2

kimo86 · 2012-01-05, 20:20

اقتباس:

المشاركة الأصلية كتبت بواسطة زهرة 2

والله قصة محزنة، وكأنك تشاهد مسلسل تركي أو مكسيكي ......... يا أختي قبل كل شيئ صلي صلاة الإستخارة وألحي في الدعاء عسى الله أن يفرج عنك ......أنت مقبلة على حياة زوجية وليست لعبة ........أخيتي الزواج ميثاق غليظ تسوق إليه الفطر القويمة وتدعو إليه الشرائع الحكيمة وما زالت نفوس البشر تنساق فيه مع الفطرة وتجيب به داعي الحكمة فبالزواج تحصل الرحمة والمودة والسكن، وبه يُلمُّ الشعث ويجتمع القلب وتُبتغى الذرية ففضائل الزواج متعددة وبركاته متنوعة. ويقول تبارك وتعالى ( وَمِن آيَاتِهِ أَنْ خَلَقَ لَكُم مِّنْ أَنفُسِكُمْ أَزوَاجاً لِّتَسْكُنُواْ إِلَيهَا وَجَعَلَ بَينَكُم مَّوَدَّةً وَرَحُمَةً)

ففي هذه الآية إشارة إلى معنى الطمأنينة والأمان، وذلك لا يكون إلا في السكن إلى الزوج، وعلاقة الرجل بالمرأة عن طريق الزواج تهدف إلى السكينة والطمأنينة النفسية، ولا تأتي السكينة والطمأنينة إلا بالمودة والرحمة، والمودة والرحمة في حد ذاتها نعمة من الله لا تساويها نعمة. أختي إذا لم تتحقق هذه الأمور في الزواج فالأفضل أن تبتعدي عن هذا الرجل لم يعرف قيمة ما يملك امرءة صابرة على كل مالاقته من زوج مهمل لايقدر الحياة الزوجية فإذا لم يتب توبة نصوح فالأفضل ابتعدي عنه قبل الدخول وإنجاب الأطفال

نعم صدقتي .عليك بصلاة الاستخارة

جوهرة الغرب. · 2011-12-31, 18:15

اخر زمان هذا هو .......ربي يستر
اختي هذا زواج ماشي لعبة وضحي امورك مدام راكي في دارك باباك
وفقك الله

عاشقة الوفاء · 2012-01-01, 17:24

اقتباس:

المشاركة الأصلية كتبت بواسطة takwa

السلام عليكم و رحمة الله و بركاته
جاوبيني أختي بصدق و صراحة
أختي وفاء هل سألتي عن دينه قبل ان تقبلي به؟؟؟ أم لأنه صديق أخيك فقط قبلتي؟؟
و الآن هل تسألين عن دينه ام لا؟؟؟
و ماذا عن دينك انت؟؟

اولا نجاوبك بصدق انسان عادي يعنى يصلى منقلكش ملتزم بصح يصلى
وثانيا وانتم كلكم عطيتو نظرة غير منطقية للانسان هدا لوكان تفتشي على عيوبك تصيب الف عيب فيك ولوكان واحد صارحك بعيوبك وفارقك تزعفى وتدمري وكانك ملاك
الدين حنونتى دين تسامح انا مغلطتش في اختاري ليه بالعكس هو انسان كيما فيه عيوب فيه محاسن وديما مناخدوش غير العيوب ونخلو لمحاسن باش الحياة تتواصل بين الطرفين يكون فيها مزيج بين ايه ولا وصح وخطا
اما عن دينى انا نفس الشيء منقلكش ملتزمة بصح نعرف حدودى مع ربي

sissi123 · 2012-01-01, 17:53

و الله لوكان كنت بلاصتك مانزيد معاه دقيقة جربتها من قبل و لي يخون مرة يخون عشرة

و نعرف وحدة كانت نية كيفيك الناس يقولوها اخطيك و هي تقوللهم لا غير انا لي نبدلو مالا تزوجوا

ولا يعيطلها فالليل و يقوللها اليوم ما نجيش راني راقد عند فلانة تخيلي وين وصلت بيه الوقاحة و اخير انهوها

بالطلاق و دروك يدور عليها كي الكلب

بصح هي راها مطلقة و ربي جابلها زوج اخر و جابت معاه طفلين الرازق ربي ماشي الناس

عاشقة الوفاء · 2012-01-01, 17:55

اقتباس:

المشاركة الأصلية كتبت بواسطة sissi123

و الله لوكان كنت بلاصتك مانزيد معاه دقيقة جربتها من قبل و لي يخون مرة يخون عشرة

و نعرف وحدة كانت نية كيفيك الناس يقولوها اخطيك و هي تقوللهم لا غير انا لي نبدلو مالا تزوجوا

ولا يعيطلها فالليل و يقوللها اليوم ما نجيش راني راقد عند فلانة تخيلي وين وصلت بيه الوقاحة و اخير انهوها

بالطلاق و دروك يدور عليها كي الكلب

بصح هي راها مطلقة و ربي جابلها زوج اخر و جابت معاه طفلين الرازق ربي ماشي الناس

معنتها ربي ماينسا عبدو
ولي فيه الخير ربي يقدمو

- بصمة خير - · 2011-12-31, 18:16

السلام عليكم و رحمة الله تعالى و بركاته

اقتباس:

وعلاش مع العلم صدقونى لو تشوفوها ماتشبه لوالو

هذا الكلام راكي غالطة فيه و كلامممممم كبير بزاف لانك تتكلمي على خلق ربي
و تاني شي الجمال شي نسبي انت ماتشوفيهاش مليحة و هو يشوفها مليحة
و لكن ماتقوليش ماتشباه لوالو لانها خلق ربي و راهي تشبه

---------------------------------------------------------------------
بالنسبة الى قصتك

السؤال موجه الى الرجال و لكن جابة نمدلك رأي و الا وجهة نظري للقصة تاعك ممكن تفيدك

الجملة اللي لاحظتها نحافظ على راجلي مليح وحاجة مليحة و لازم كل زوجة تحافظ على زوجها و لكن
ماشي راهو يخون فيها و بعلمها و الكرامة تاعها تحت 0
لانو الاحترام قبل كلش

لااحترام و لا ثقة تعيييشي قوليلي وين راكم رايحين ؟؟؟

و انتما عاقدين قصتك لازم توصل للأهل تاعك و لازم حل جذري

و ماتقوليلوش با انا يا هي ماتحطيش روحك في موقف مقارنة معاها

دوركا راكي تعرفيه على الاقل شوي بينك و بين روحك شوفي اذا هذا الانسان تقدري تعيشي معاه و الا لالا

الزواج مليح و لكن نتمني ماتكونيش كي نوع من البنات نزوج و خلاص و من بعد على عام يطلقو و كتاه يزيدو يتزوجو ربي يعلم بعيد الشر عليك

و الاستخارة كل يوم كل يوم و قبل ماديري اي قرار مصيري

و نتمانلك من قلبي ربي يهديه و يكمللكم و يبطل من الطفلة هذه و كي هذا النهار تكتبينا هنا و تقوليلنا رانا حددنا نهار العرس و تكونو حلييييتو جميع المشاكل و تكوني مقتنعة هذا هو الراجل اللي نعيش معاه حياتي

ربي يوفق و صلو عليه

عاشقة الوفاء · 2011-12-31, 21:20

[

و نتمانلك من قلبي ربي يهديه و يكمللكم و يبطل من الطفلة هذه و كي هذا النهار تكتبينا هنا و تقوليلنا رانا حددنا نهار العرس و تكونو حلييييتو جميع المشاكل و تكوني مقتنعة هذا هو الراجل اللي نعيش معاه حياتي

ربي يوفق و صلو عليه[/quote]

انا قلت بلى حبس منها ورجعت الامور عادية بيناتنا بصح انا بقيت موسوسة هدا لحكيت عليها انا هي اصلا هدى الطفلة بعد كشف الامور بهدلاتو وفضحاتو عند كامل دارهم هنا دخلت يماه فالموضوع وعالجت الامر
العرس في ماي ان شاء الله درك المشاكل مكاش اصلا انا من قبل مكنتش ندير المشاكل بالعكس حاولو تفهمو حكايتى ونيتى انا كى نصبر على الاقل نربح اجر حاولت نصلحو من الاسوء للاحسن صدقونى درك عدت نوضو صباح على الفجر باش يصلى معايا حبيت نبدلو حياتو وبديت ننجح بصح بقى مشكل الشك عندى بلما رانى مبينتلو

- بصمة خير - · 2011-12-31, 21:42

اقتباس:

المشاركة الأصلية كتبت بواسطة عاشقة الوفاء

[

و نتمانلك من قلبي ربي يهديه و يكمللكم و يبطل من الطفلة هذه و كي هذا النهار تكتبينا هنا و تقوليلنا رانا حددنا نهار العرس و تكونو حلييييتو جميع المشاكل و تكوني مقتنعة هذا هو الراجل اللي نعيش معاه حياتي

ربي يوفق و صلو عليه

انا قلت بلى حبس منها ورجعت الامور عادية بيناتنا بصح انا بقيت موسوسة هدا لحكيت عليها انا هي اصلا هدى الطفلة بعد كشف الامور بهدلاتو وفضحاتو عند كامل دارهم هنا دخلت يماه فالموضوع وعالجت الامر
العرس في ماي ان شاء الله درك المشاكل مكاش اصلا انا من قبل مكنتش ندير المشاكل بالعكس حاولو تفهمو حكايتى ونيتى انا كى نصبر على الاقل نربح اجر حاولت نصلحو من الاسوء للاحسن صدقونى درك عدت نوضو صباح على الفجر باش يصلى معايا حبيت نبدلو حياتو وبديت ننجح بصح بقى مشكل الشك عندى بلما رانى مبينتلو[/QUOTE]

Ok

كيفاه تنحي الشك ؟؟

هنا لازم انت تقنعي نفسك راكي رايحة تمديلو فرصة تانية و انساي واش صرا مع الطفلة هديك خلاصصصصصص
تتفكريها استغفري و قولي بعد قصة الطفلة هديك ماصرا والو ماسنعتي عليه والو يايك ؟؟ قولي لروحك لاه نشك فيه ؟؟ اذا تاب صح

و مع الوقت تولي الثقة 100% معاه

مديلو فرصة تانية و الحاجة اللي يقولهالك صدقيه ماتشكيش في الهدرة تاعو خلاص و اذا كان كذاب بعيد الشر راهو يبان مع الوقث

و قوليلي اذا نجحت الوصفة

و الا لالا ؟؟

ماعلبيش حددتو العرس ربي يتتمم على خيييير و يحفظكم لبعطاكم و تعرسو عرس

بلا مشاكل

ربي يوفق و صلو عليه

salah60 · 2012-01-03, 10:31

السلام عليكم و رحمة الله

بما انك سألتي أن يكون الرد من طرف الرجال سوف أجيبك من صميم القلب
1..يعرف الفتاة قبللك
إذا ان عائلته رفضت تزويجه بها..لأسباب غير معروفة
شائت الاقدار ان تخطبي له (ليس هو الخاطب)فقبل بك و عقد القران و لم يدخل بك ومع ذالك مازال الاتصال بعشيقته مكرا و غدرا بعائلته اولا وبك ثانيا.
2..كان لزاما منك ايتها الاخت ان توقفيه عند حده في اللحضة الاولي معك وعائلتك و عائلته
3..الان اطلب منك الشجاعةو النية الصادقة ان تصديه عن انحرافه بالمواجه المباشرة وهي ان تذهبي انت و هو الي أهل الفتاة ان كانت العائلة محترمة سوف يوبخون ابنتهم و يكون موقف حرج جدا جدا الي خطيبك وعائلته
4..أقترح عليك ان تستخرجي نسخة من عقد الزواج و تبعثيها الي اهل الفتاة .(لازم عائلتك تعرف ذالك حتي لا يكون اي حرج)
5. و في الاخير كما يقال في الاثر كوني له اربع

و الله المستعان

عاشقة الوفاء · 2012-01-03, 12:40

اقتباس:

المشاركة الأصلية كتبت بواسطة salah60

السلام عليكم و رحمة الله

بما انك سألتي أن يكون الرد من طرف الرجال سوف أجيبك من صميم القلب
1..يعرف الفتاة قبللك
إذا ان عائلته رفضت تزويجه بها..لأسباب غير معروفة
شائت الاقدار ان تخطبي له (ليس هو الخاطب)فقبل بك و عقد القران و لم يدخل بك ومع ذالك مازال الاتصال بعشيقته مكرا و غدرا بعائلته اولا وبك ثانيا.
2..كان لزاما منك ايتها الاخت ان توقفيه عند حده في اللحضة الاولي معك وعائلتك و عائلته
3..الان اطلب منك الشجاعةو النية الصادقة ان تصديه عن انحرافه بالمواجه المباشرة وهي ان تذهبي انت و هو الي أهل الفتاة ان كانت العائلة محترمة سوف يوبخون ابنتهم و يكون موقف حرج جدا جدا الي خطيبك وعائلته
4..أقترح عليك ان تستخرجي نسخة من عقد الزواج و تبعثيها الي اهل الفتاة .(لازم عائلتك تعرف ذالك حتي لا يكون اي حرج)
5. و في الاخير كما يقال في الاثر كوني له اربع

و الله المستعان

شكرا ليك صح لسانك وسلمت يمناك
نوضحلك هدي البنت قلت فضحاتو عند اهلو وهنا دخلت يماه اتصلت بيماها وحكاتلها قع قصة يعنى الامور مكشوفة للطرفين ماعدا اهلى لمعلبالهمش
انا مخطبونيش اهلو هو لخيرنى غير شافنى صدفة مع خويا خطبنى في بعد يومين من نهار لشافنى فيه يعنى انا اختيارو مش مجبورة عليه

salah60 · 2012-01-03, 14:04

اقتباس:

المشاركة الأصلية كتبت بواسطة عاشقة الوفاء

شكرا ليك صح لسانك وسلمت يمناك
نوضحلك هدي البنت قلت فضحاتو عند اهلو وهنا دخلت يماه اتصلت بيماها وحكاتلها قع قصة يعنى الامور مكشوفة للطرفين ماعدا اهلى لمعلبالهمش
انا مخطبونيش اهلو هو لخيرنى غير شافنى صدفة مع خويا خطبنى في بعد يومين من نهار لشافنى فيه يعنى انا اختيارو مش مجبورة عليه

انكي علي خطأ ان لم تعلمي امك بالموضوع..(..خاصة الاخ)

اسردي واقعة الخيانة بلك تفاصيلها و اياك ان تكذبي علي امك انه مصيرك

تقوم الام بزيارة اهل خطيبك و تعالج الموضوع بكل جدية و صرامة لكن ان تأخذ معها اي هدية (حلوي او فواكه..بالعامية بدون قفة.)...

ان لم تفلح الام هنا يجب تدخل الاب و خاصة الاخ

والله المستعان

- بصمة خير - · 2012-01-03, 14:17

اقتباس:

المشاركة الأصلية كتبت بواسطة salah60

انكي علي خطأ ان لم تعلمي امك بالموضوع..(..خاصة الاخ)

اسردي واقعة الخيانة بلك تفاصيلها و اياك ان تكذبي علي امك انه مصيرك

تقوم الام بزيارة اهل خطيبك و تعالج الموضوع بكل جدية و صرامة لكن ان تأخذ معها اي هدية (حلوي او فواكه..بالعامية بدون قفة.)...

ان لم تفلح الام هنا يجب تدخل الاب و خاصة الاخ

والله المستعان

السلام عليكم و رحمة الله تعالى و بركاته

كيما راهي تقول الاخت المشكل تحل و الطفلة هذه راهي بعدت على راجلها و الان عاشقة الوفاء و زوجها راهم عاقدين و العرس في ماي ان شاء الله و لكن اهل عاشقة الوفاء مايعرفوش بالقصة

صلوا على الرسول عليه أفضل الصلاة و السلام

عاشقة الوفاء · 2011-12-31, 18:53

كلامكم كلو صح بصح انا كنت حابة الامور تتصلح هي فالحق الان الامور كيما نبغى انا الصح موفرلى كلش وغير وش نقول ميحبش على زعافى وقع
هو خيرنى على حساب كلام خير اهلى وكيما قال هو اختارو لاولادكم اخوالا
هو شاف فيا الزوجة لتناسبو انا صح مايناسبنيش بصح انا حاساتو تغير وشنو كنت نستفسر علاش خان

achwak.1993 · 2011-12-31, 18:59

فعلا الحب أعمى

hodayena · 2011-12-31, 19:03

اسمحيلي يا اختي نهار الي يدخل بيك تما راكي مرتو خانك قدام عينك وتقولي نحافظ عليه خلاص دوكا فات الحال وسمحتيلو ونقولك راك عونتيه راني نتخيل في خطيبي يجي يقولي راني داير واحدة للزهو كي تحب تزها ازها معايا ياك مدام راكم عاقدين اضحكو واخرجو
الي يخون مرة يخون مرتين والي تهون عليه مرتو مرة تهون مرتين ومول الطبع ماينطبع واذا راكي قابلة على روحك تعيشي معاه وانت مراكيش ثايقة فيه ربي يكون في عونك وفي عون اعصابك اختي الكريمة المرة راكبة ومتعرفي ليمن كاتبة عاودي ديري استخارة يا اختي الي فيه هاذ الطبع مراهش بالساهل يقطعو عاودي حسباتك الزواج مع انسان متحبيهش ويحترمك ويقدرك وعاملك قيمة اهون من نعيش مع انسان خاين وديرلي واش نحب وخان علاجال فيه فيس تع ندير واحدة للدار زوجة مناسبة والاخرى تجواز وقت وخان لانو فيه طبع واسمحسلي عاودي خممي مع روحك