سؤال الى كل عروس

[manina_dr]

المشاركة الأصلية كتبت بواسطة جزاائرية

عرسي في الصيف ان شاء الله وساسكن مع اهل زوجي وانا جد سعيدة ولن اخيب ظن زوجي في ابدا .......... في كل بيت توجد مشاكل ليس فقط بيت الزوج.اما من اخذوا مشقة الاشغال المنزلية سببا ليسكنوا بمفردهم اقول : لماذا هل في بيتكم كانت عندك شغال كما كنت تنظفين بيتكم وتطهين لاخوتك ؟؟؟ اما من ارادت ان تنام صباحا او تشتري اكل جاهز من المطاعم اقول : من ارادت ان تنام صباحا وتشتري الاكل من المطاعم لا تتزوجي افضل الزوج الذي لا ياكل من طبخ زوجته او لا يجد من تستيقظ باكرا لترعى بيته اتعس رجل وبقاؤه اعزب احسن

باينة عاطية لمودباس نتاع عضويتك لراجلك يا ختي

[جزاائرية]

المشاركة الأصلية كتبت بواسطة manina_dr

باينة عاطية لمودباس نتاع عضويتك لراجلك يا ختي

اختاه : ربي يهديك

[manina_dr]

المشاركة الأصلية كتبت بواسطة جزاائرية

اختاه : ربي يهديك

نشتي نضحك برك حنونة متزعفببببببش والله هدرت بنيتي

[nadjoua27]

عن تجربة اختي الشخصية :
تزوجت بشخص وعدني و اهله بالمنزل المنفرد ولكن لظروفه المادية قبلت العيش مع اهله وعشت 3 سنوات من العداب رغم انني كنت الزوجة الصالحة له و لاهله , اشتغل خارج البيت و داخله و اقوم بكل اشغالي المنزلية و لااحاسب احدا وحتى في نفقة زوجي علي و على ولدي حيث تفهمت وضعية زوجي المادية من البداية لانه كان يشتغل في بداية حيانتا الزوجية ثم توقف عن العمل لاسباب خارج عن ارادته, ولم يرضو هدا الصبر مني , كان يحبني في البداية تم انقلب علي تماما بسبب تحريض اهله و خاصة امه التي لم تقبلني لا ادري لمادا ؟؟؟ وانا الان مهددة بالطلاق و يدعي زوجي سببا واحدا و تافها في المحكمة و هو عدم نهوضي باكرا في الويك اند.. مع العلم اني اربي ولدي ولا انام باكرا حتى في ايام راحتي و يا للعجب لم يتدخل اهل الزوج في اصلاح الامر ووقفوا يتفرجون على هدم اسرة .. والسؤال هل لو كنت اسكن في منزل منفرد مع زوجي هل كان هدا السبب التافه ليظهر ؟
نصيــــــــــــــــــــــحة اخواتي من ارادت الزواج لابد لها من منزل منفرد لتتحمل هي و زوجها المسؤولية من البداية بعــييييييييييييدا عن تدخل الاهل في كل صغيرة و كبيرة.

[الحرفية]

السلام عليكم
أنا عرسي إن شاء الله في شهر أفريل و رايحة نسكن مع أهل زوجي رغم أن زوجي عنده مسكنه الخاص به لكن نهار اللي جات الوالدة تاعه تخطبني قالت لي راني حابة تسكني معايا .......منكدبش عليكم ماكان عندي حتى مشكل في هذه النقطة و ماحاولتش و لا مرة نقوله نسكنو وحدنا بالرغم أني عايشة في ظروف مختلفة تماما حيث أني البنت الوحيدة في دارنا و عزيزة بزاف و راكم عارفين القلاش كي داير تاع البنت الوحيدة و زيد على ذلك أنا من الغرب و راني رايحة نسكن في الصحراء و بالذات في بشار
و الله العظيم ما فيها حتى حاجة لو كان البنت تسكن مع والدين زوجها ....التربية و الأخلاق و المعاملة الحسنة يعني كيما تعاملي والديك عامليهم ......هادا الحوايج يخلوك تكسبيهم و يحبوك و تكبري في أعين زوجك إن شاء الله.
الله يتمم بالخير لينا و ليكم أجمعين و يجعلن زوجات صالحات .يا رب

[جمانة1987]

شكراا اخواتي والله استفدت من ارائكم

[نسائم الهدى]

أنا مع ما قاله كل من أخواتي
جزائرية
أمال 2000
الحرفية
نونة or
جمانة 87
وأخي
الواثق
وأضيف لهذا أنا خوافة وما نحبش نسكن وحدي
وزيد مع العايلة الكبيرة كل مناسبة يكون طعمها رااااااااااااااااااااائع وقد عشت لوحدي في بداية عمري وكرهت ذلك
والآن مع إخوتي وزوجاتهم وأولادهم الجو في البيت رااااااااااااااااااااائع وهكذا أحلم أن أعيش
وبخصوص إخوة الزوج سأرتدي الخمار وزيد عباد ربي ما هومش(هانيبال) آكلي لحوم البشر حتى نخافهم
واللي يشّد في ربي ويعرف حدوا ويعرف اللي ليه واللي عليه عمروا ما يخاف حتى واحد
بارك الله فيك أختي جمانة
سلاااااااااااااااااااااااااااام

[عاشقة الوفاء]

السلام عليكم
انا فالحقيقة رايحا نسكن وحدي بصح كنت نفضل انى نعيش في منزل اهله بصح الله غالب محتما باش نسكن وحدى
انا نفضل السكن مع اهل الزوج

[hodayena]

زوجي وحيد امه وابوه ولديه اختين واحدة العام هذا الباك ربي ينجحها والاخرى في الابتدائي باب لزم عليا نعيش معاهم مرانيش خايفة من العيش معاهم راني خايفة من روحي انا مرانيش اجتماعية ومقبل كانت رافضتني ومن بعد قبلت هذا راني خايفة منو منقدرش نقولو نسكن وحدي وحابة نسكن معاهم باه نتعلم منها عوايدهم وتقاليدهم وتاني على جالي راجلي علابالي بلي يماه ماراهيش تع مشاكل مي الخوف يبقا
امي قاتلي ديري نيتك وجبديها ليك راكي انت العروسة الوحيدة عندها وزيد قربي وليدها ليها راني خايفة انا من روحي

[جمانة1987]

المشاركة الأصلية كتبت بواسطة أخت الرجال

أنا مع ما قاله كل من أخواتي
جزائرية
أمال 2000
الحرفية
نونة or
جمانة 87
وأخي
الواثق
وأضيف لهذا أنا خوافة وما نحبش نسكن وحدي
وزيد مع العايلة الكبيرة كل مناسبة يكون طعمها رااااااااااااااااااااائع وقد عشت لوحدي في بداية عمري وكرهت ذلك
والآن مع إخوتي وزوجاتهم وأولادهم الجو في البيت رااااااااااااااااااااائع وهكذا أحلم أن أعيش
وبخصوص إخوة الزوج سأرتدي الخمار وزيد عباد ربي ما هومش(هانيبال) آكلي لحوم البشر حتى نخافهم
واللي يشّد في ربي ويعرف حدوا ويعرف اللي ليه واللي عليه عمروا ما يخاف حتى واحد
بارك الله فيك أختي جمانة
سلاااااااااااااااااااااااااااام

بارك الله فيك اختي و ربي يكثر من امثالك

[جمانة1987]

المشاركة الأصلية كتبت بواسطة hodayena

زوجي وحيد امه وابوه ولديه اختين واحدة العام هذا الباك ربي ينجحها والاخرى في الابتدائي باب لزم عليا نعيش معاهم مرانيش خايفة من العيش معاهم راني خايفة من روحي انا مرانيش اجتماعية ومقبل كانت رافضتني ومن بعد قبلت هذا راني خايفة منو منقدرش نقولو نسكن وحدي وحابة نسكن معاهم باه نتعلم منها عوايدهم وتقاليدهم وتاني على جالي راجلي علابالي بلي يماه ماراهيش تع مشاكل مي الخوف يبقا
امي قاتلي ديري نيتك وجبديها ليك راكي انت العروسة الوحيدة عندها وزيد قربي وليدها ليها راني خايفة انا من روحي

اختي لا تكترثي لمسالة رفضها لك في الاول نحيها من بالك لانها رايحة تاثر على العلاقة بينتكم و تاكدى كي تشوفك متهلية في وليدها و محترمتها هي تغير رايها و بارك الله فيك

[اللؤلؤة النادرة]

أهلا صديقتي جمانة 1987 كيف هي أحوالك؟ والله طرحت موضوع في غاية الأهمية . رأي والذي أنا مقتنعة به أن تسكن المرأة مع أهل الزوج في بداية الأمر حتى يتسنى لكل فرد الاعتيا د على الأخر واكتساب ود ه.هذا من جهة ومن جهة أخرى حتى تطلعي على العادات الجارية بينهم وتكون كل الأمور واضحة وجلية ليسود التفاهم المنشود باذن الله وفق الشروط الشرعية..........فأم الزوج هي أولا أخيرا امرأة لها مالها وعليها ماعليهافهي التي حملت وولدت ربت وتعبت وبذلت جهدا وعمرا حتى شب ذاك الوليد الذي صار زوجك .وكان كل أملها أن تراه متزوج وسعيد ولكن ليس على أن يدير لها ظهره بمجرد زواجه ............فاالأم تصبح حساسة جدا بعد زواج أبناءها وتحسب لكل تصرف بدر منهم ألف حساب و والله الذي لا اله غيره وأنا أقول هذا عن تجربة مهما كانت الأم متفهمة ومتسامحة الاأنها تتألم بصمت إن تركها أولادها واستقلوا عنها. يحسسها ذلك بانتهاء صلاحيتها فبابتعادهم عنها ينشغل كل بمصالحه ولا يزوروها إلا مرة في الأسبوع أو الشهر وهذاهو الواقع المعاش .أنا مثلا لا أتخيل ابتعاد زوجي عني فمابالك بالأم التي أخرجته من أحشائها أليس هذا ظلما لها ؟ حتى ولوكان لي بيت مستقل فلن أتخلى عنهم حتى أطمئن عليهم ........ أحب أن أحيا حياة مطمئنة وأن ينال زوجي رضى والديه حتى ولو كان ذلك على حساب سعادتي.............. والله على ما أقول شهيد.فهم في الأخير مثل والديَ .............وللحديث بقية والسلام

[جمانة1987]

المشاركة الأصلية كتبت بواسطة زهرة 2

أهلا صديقتي جمانة 1987 كيف هي أحوالك؟ والله طرحت موضوع في غاية الأهمية . رأي والذي أنا مقتنعة به أن تسكن المرأة مع أهل الزوج في بداية الأمر حتى يتسنى لكل فرد الاعتيا د على الأخر واكتساب ود ه.هذا من جهة ومن جهة أخرى حتى تطلعي على العادات الجارية بينهم وتكون كل الأمور واضحة وجلية ليسود التفاهم المنشود باذن الله وفق الشروط الشرعية..........فأم الزوج هي أولا أخيرا امرأة لها مالها وعليها ماعليهافهي التي حملت وولدت ربت وتعبت وبذلت جهدا وعمرا حتى شب ذاك الوليد الذي صار زوجك .وكان كل أملها أن تراه متزوج وسعيد ولكن ليس على أن يدير لها ظهره بمجرد زواجه ............فاالأم تصبح حساسة جدا بعد زواج أبناءها وتحسب لكل تصرف بدر منهم ألف حساب و والله الذي لا اله غيره وأنا أقول هذا عن تجربة مهما كانت الأم متفهمة ومتسامحة الاأنها تتألم بصمت إن تركها أولادها واستقلوا عنها. يحسسها ذلك بانتهاء صلاحيتها فبابتعادهم عنها ينشغل كل بمصالحه ولا يزوروها إلا مرة في الأسبوع أو الشهر وهذاهو الواقع المعاش .أنا مثلا لا أتخيل ابتعاد زوجي عني فمابالك بالأم التي أخرجته من أحشائها أليس هذا ظلما لها ؟ حتى ولوكان لي بيت مستقل فلن أتخلى عنهم حتى أطمئن عليهم ........ أحب أن أحيا حياة مطمئنة وأن ينال زوجي رضى والديه حتى ولو كان ذلك على حساب سعادتي.............. والله على ما أقول شهيد.فهم في الأخير مثل والديَ .............وللحديث بقية والسلام

بحثت عنك كثيرا اين انت
سعاذتي كانت كبيرة بحخولك و اكبر بمشاركتك القيمة بارك الله فيك و بلغك كل امنياتك يارب

[اللؤلؤة النادرة]

أنا هنا لكني كنت أدخل بعضوية زوجي.............أعلميني بتوقيت دخولك للمنتدى كي نتشارك الحديث سويا

[هبة الرحمان سارة]

السلام عليكم ورحمة الله وبركاته
ياختى
هو من الافضل الزوجة تسكن مع زوجها في بيت واحدهم خاص
لتفادي المشاكل بين الزوجة وام الزوج
والزوجان يلقاو راحتهم في بيتهم
وتانيك احسن ليهم ادا كاين اخوات للزوج ()رجال
وتانيك السكنة مع مع اهل الزوج مليحة منها يتعرفو مليح على بعض
لكن ادا كانو متفاهمين مش كل يوم بمشكلة الراجل مايصيب معامن ايجي ومايعرف الحق معامن راه