أخي أنا مريت مع خطيبي بنفس المشكل في الأيام الأولى من الخطوبة مع أني أكن له كل الحب والاحترام وهو أيضا نفس الشئ وتوجد بيننا ثقة متبادلة ولكن كان يفرض علي نشاورو قبل ما نخرج من البيت وخاصة مع صديقاتي وكان نسيت ولا خرجت ومباعد باه قلتلو يتنرفز ويقولي متخديش رايي وماشيا كيما تحبي الخ.. أنا منكدبش عليك كنت نحس بالاختناق كل منجي نخرج نعيطلو باه نقولو وين رايحة ومع من وعلاه وكيفاه ومطوليش ومتروحيش ..الخ يفسدلي النهار ونحس أني مقيدة وكنت أنا بدوري نتنرفز ونرجعلو أكثر مما قالته لك خطيبتك ومباعد نندم لأني جرحتو
تشاجرنا عدة مرات وفي الأخير خممت مع روحي ودرتلو رايو بكل حب والله صدقني حار فيا وفي يوم من الأيام فاجأني هو الآخر قالي خممت مع روحي خلي كي نعيط نسقسي عليك احكيلي وين رحتي و واش درتي وخلاص والحمد لله اليوم ولينا بطريقة غير مباشرة نتشاورو على كل شئ والحاجة لي ميحبهاش الطرف الآخر نقصو منها
نصيحتي ليك أخي حاول تتعامل مع خطيبتك بحنية وهدوء والله تجد منها كل القبول والطاعة أما اذا حاولت تفرض سيطرتك بالقوة ستجد منها كل النفور والعناد وربي يسهلك ان شاء الله ولكل أمة محمد
( تقرير عن مشاركة سيئة )، و الموجودة أسفل كل مشاركة .
2011-12-22, 19:09
العرض العادي
