أكثر شيء ينرفزني

[راجي الصّمدِ]

السلام عليكم ورحمة الله وبركاته
جزاك الله خيرا على الموضوع المهم والمهم جدّا
لو بدأت في عدّ ما ينرفزني ويخرجني من عقلي ويرجعني أحينا نبدأ نزرع في الكلام برك ....؟؟

سبّ الدين وسبّ الله والعياذ بالله
حال الشباب الذي لا يسّر إلا الأعداء
الميوعة والتّخنث في أوصاف البعض منهم
التبرج المشين الذي عليه بعض النّساء
الإستهزاء بالملتزمين والملتزمات
العوج الذي نحن عليه وبعدها لا نرى إلا عيوب الآخرين

والكثير الكثير .......؟؟؟
شكرا جزيلا...

[ryyyma]

المشاركة الأصلية كتبت بواسطة ع.جمال

وأنا أكثر شيء يزعجني [[ينرفزني ]] هو تكسير لغة القرآن من جيل نعول عليه كثيرا في إعادة مجد اللغة العربية وإذا به وللأسف هو من يلهث على هدمها مع أنه يجيد الكتابة بها .
وبارك الله فيك.

و جهة نظرك
و أنا من مؤيدي اللهجة العامية
لأنها هي اللي نعبر بيها بكل حرية و بلا مثاليات

تحياتي

[ryyyma]

المشاركة الأصلية كتبت بواسطة الحلم الجزائرية

اكثر حاجة تغضبني وتنرفزني وتفقدني صوابي
انسان يظلمني دون ان اكون قد فعلت له شيئا
اكره الاعوجاج السائد في هيكلة مجتمعنا
اتنرفز حين ارى اولاد الجنرالات في مناصب العمل دون ادنى مستوى علمي
في حين شباب متعلم يكالي في لحيوط
اتنرفز حين ارى بلادنا تستورد القمح من البلدان المجاورة وامكاناتها تخولها ان تصدره
خلي البير بغطاه ريومة والله كون نبداو ما نخلصوش
والقلب يتفلق ماشي برك نتنرفز

فكرتيني في أصحاب الشهادات
العام لي فات كانت آخر سنة ليا في الجامعة
و في المكان لي يحبس فيه الكوس كان وحد الشاب عندو ليسانس علوم اقتصادية
تخيلي وش يدير
حاط في الأرض النظارات الشمسية يبيعهم
و الله كنت كلما نفوت عليه يوجعني قلبي

ربي يصلح الأحوال ان شاء الله

يعطيك الصحة ختيتي

[نور الايام]

و عليكم السلام و رحمة الله و بركاته

بارك الله فيك و ربي يعطينا الصبر و سعة البال

بالاضافة الى ما ذكرته التقليد الاعمى أو تبع و قول بع و للأسف دائما بالسلب و ليس من الجانب الايجابي

جزاكِ الله خيرا

[ryyyma]

المشاركة الأصلية كتبت بواسطة حنان35

والله معك حق كل هذه الاشياء تنرفزنا لكن الله غالب

كيما قلتلي ختي حنان الله غالب
ما نقدرو نديرو حتى حاجة مادام الديناصورات و أبناءهم هوما لي حاكمين البلاد

تحياتي ختيتو

[ryyyma]

المشاركة الأصلية كتبت بواسطة *دراجي ريمة*

السلام عليكم
أختي ..عباراتك مؤثرة ، منطقية وواقعية حقيقية 100 بالمئة.
أما تعليقي عليها فأقول "أن جميع الخلق يمر بهكذا مصاعب ومشاكل في كل ميادين ومجالات الحياة.
الا أن هناك من يجد حلا لها وهناك من يقف عاجزا لأسباب عديدة.
لكن ....يبقى في الأخير أن كل منا فان أي سيرحل عبر الزمن ... ولن تبقى سوى أعمالنا سيئة كانت أو صالحة.
ولابد لنا أن نعمل على تحقيق هذه الأخيرة قدر المستطاع والباقي في يد الله ،تحت قدرته ومشيئته."
شكرا على الطرح أختي الكريمة ♥ بانتظار جديدك وابداعك.

و عليكم السلام و الرحمة و البركة

أهلا بيك ختيتي ريمة
نورتي الموضوع بردك الطيب ختيتو

لازم نرحب بيك أكثر من الآخرين لأن أسمك كيما أسمي


نعاود نرجع للموضوع

المشكل يا ختي ريمة أنّ كل جيل راه يجي أسوأ من الجيل لي كان من قبل

وين رانا رايحين بهاذ العقلية؟؟

لو كان نواصلو بهادي الطرقة نضمنلك أن الجزائر رايحا تولي كيما الصومال (بعيد الشر على كل حال)

ان شاء الله ربي يصلح البلاد و الشعب تاني

تحياتي ختيتو

[نور الايام]

المشاركة الأصلية كتبت بواسطة ryyyma

فكرتيني في أصحاب الشهادات
العام لي فات كانت آخر سنة ليا في الجامعة
و في المكان لي يحبس فيه الكوس كان وحد الشاب عندو ليسانس علوم اقتصادية
تخيلي وش يدير
حاط في الأرض النظارات الشمسية يبيعهم
و الله كنت كلما نفوت عليه يوجعني قلبي

ربي يصلح الأحوال ان شاء الله

يعطيك الصحة ختيتي

اللي قرا و كمل قرايتو ما يقدرش يخدم على خاطرش ما عندوش الكارطة تع العسكر
و اللي ما شي قاري عندو الكارطة تع العسكر . بصح ما يقدرش يخدم على خاطرش ماشي قاري .
وباش يعطوله الكارطة تع العسكر لازم يكون يخدم على دارهم..
وباش يخدم لازم تكون عنده الكارطة تع العسكر

هذي هي

[ryyyma]

المشاركة الأصلية كتبت بواسطة نسرين1997

هناك الكثير من الامور تنرفزني
اولا عندما يتجاهلك البعض بغير سبب عندما تظلمني بغير سبب
عندما تقراين تاريخ الاجزائر و كيف قاوموا ضد الاحتلال و الان باستطاعة مفسدية في الارض يشوهون التاريخ و ينهبون ثروات البلاد

ايييييه يا ختي نسرين
مادامت جبهة التخريب تحكم في البلاد نقعدو هاكدا
ربي ينصر الحق ان شاء الله

و نتمنا و لو في آخر يوم في حياتي نشوف البلاد تسقمت

تقبلي تحياتي ختيتو

[ليلى الجزائرية1]

أختي ريمة،،ما ينرفزني في فئة من البنات ومن يتظاهرن بلبسهن الحجاب،،ويعتقدن ان الحجاب الشرعي ما هو إلا خمار يوضع على الراْس وفقط
بينما نصف رأس الواحدة منهن عاري .......و بشرة وجهها تلفت من كثرة الماكياج........والعطر حدث ولا حرج.

راْيي صواب يحتمل الخطأ

[ryyyma]

المشاركة الأصلية كتبت بواسطة جليبيب مخموم القلب

السلام عليكم ورحمة الله وبركاته
جزاك الله خيرا على الموضوع المهم والمهم جدّا
لو بدأت في عدّ ما ينرفزني ويخرجني من عقلي ويرجعني أحينا نبدأ نزرع في الكلام برك ....؟؟

سبّ الدين وسبّ الله والعياذ بالله
حال الشباب الذي لا يسّر إلا الأعداء
الميوعة والتّخنث في أوصاف البعض منهم
التبرج المشين الذي عليه بعض النّساء
الإستهزاء بالملتزمين والملتزمات
العوج الذي نحن عليه وبعدها لا نرى إلا عيوب الآخرين

والكثير الكثير .......؟؟؟
شكرا جزيلا...

و عليكم السلام و الرحمة و البركة
أهلا بيك خويا
اييييه الأمور اللي تنارفينا ما عندهاش حد

حتى أنا حشمت نكتبهم كامل في الموضوع و إلا راح تقعدو حتى للغد باش تكملو قراءة الموضوع

أما عن الأمور اللي قلتها و الله صح يندى لها الجبين (قل لي خويا ياك صحيحة هاد الجملة "يندى لها الجبين؟" )

البلاد تعوجت ملي بداو يبدعو في قانون الأسرة و يزوقو فيه
قاللك حرية المرأة حتى ولاو النساء ما يحشمو ما يندبو حاشا بعض النساء

و غيرها من التغييرات اللي سببت هاد الخالوطة لي رانا فيها

ربي يصلح الأحوال خيو

تحياتي

[*دراجي ريمة*]

المشاركة الأصلية كتبت بواسطة ryyyma

و عليكم السلام و الرحمة و البركة

أهلا بيك ختيتي ريمة
نورتي الموضوع بردك الطيب ختيتو

لازم نرحب بيك أكثر من الآخرين لأن أسمك كيما أسمي


نعاود نرجع للموضوع

المشكل يا ختي ريمة أنّ كل جيل راه يجي أسوأ من الجيل لي كان من قبل

وين رانا رايحين بهاذ العقلية؟؟

لو كان نواصلو بهادي الطرقة نضمنلك أن الجزائر رايحا تولي كيما الصومال (بعيد الشر على كل حال)

ان شاء الله ربي يصلح البلاد و الشعب تاني

تحياتي ختيتو

اهلا بك ..شكرا ختيتو


أولا انا نقول كاين ناس ملاح وكاين ناس .....

منقدروش نحكمو على الجيل ببضع أشخاص ..

لانه كاين ناس عندهم ايمان كبير في ربي وكاين "الله غالب"..

وان شاء الله الناس الملاح يصلحو في البلاد ويغلبو الناس "الله غالب".. ههه

شكرا لك

[ryyyma]

المشاركة الأصلية كتبت بواسطة نور الايام

و عليكم السلام و رحمة الله و بركاته

بارك الله فيك و ربي يعطينا الصبر و سعة البال

و فيك بارك الله ختيتو

بالاضافة الى ما ذكرته التقليد الاعمى أو تبع و قول بع و للأسف دائما بالسلب و ليس من الجانب الايجابي
ايييه يا أختي وش يجيك من جيل لي يلبس السراويل اللي باقيلها سنتيمتر و تطيح؟
جزاكِ الله خيرا

أهلا بيك ختيتي

و يعطيك الصحة

تحياتي

[ryyyma]

المشاركة الأصلية كتبت بواسطة نور الايام

اللي قرا و كمل قرايتو ما يقدرش يخدم على خاطرش ما عندوش الكارطة تع العسكر
بلا كارطة تاع العسكر
في هاد البلاد لي معندوش المعارف كلاه فوكس

و اللي ما شي قاري عندو الكارطة تع العسكر . بصح ما يقدرش يخدم على خاطرش ماشي قاري .

لكن إذا كانو عندو المعارف ما يحتاج ني للقراية ني للكارطا تاع العسكر

وباش يعطوله الكارطة تع العسكر لازم يكون يخدم على دارهم..

وباش يخدم لازم تكون عنده الكارطة تع العسكر

هادي كيما لي يروح يخدم يقولولو عندك أيكسبيرونس؟
هو مين جاتو ليكسبيريونس اذا ما خدمش
ربي يهدينا و يصلح أحوالنا
هذي هي

يعطيك الصحة خيتيتو
هادا هوالعوج بأم عينه
واش نديرو؟؟
ما عندنى غييير الدعاء
ربي يصلح الأحوال

تحياتي

[ryyyma]

المشاركة الأصلية كتبت بواسطة ليلى الجزائرية1

أختي ريمة،،ما ينرفزني في فئة من البنات ومن يتظاهرن بلبسهن الحجاب،،ويعتقدن ان الحجاب الشرعي ما هو إلا خمار يوضع على الراْس وفقط
بينما نصف رأس الواحدة منهن عاري .......و بشرة وجهها تلفت من كثرة الماكياج........والعطر حدث ولا حرج.

راْيي صواب يحتمل الخطأ

شوفي ختي ليلى
أنا نفضّل نشوف وحدة هاكدا كيما راكي تحكي و ما نشوفش وحدة دايرا جلباب و الدنيا و الخلايع و هي خاربها

لأني عرفت ناس بزاااااف كنت حاسبتهم صح مديني لكن للأسف............

و رأيي خطأ يحتمل الصواب

[ليلى الجزائرية1]

المشاركة الأصلية كتبت بواسطة ryyyma

شوفي ختي ليلى
أنا نفضّل نشوف وحدة هاكدا كيما راكي تحكي و ما نشوفش وحدة دايرا جلباب و الدنيا و الخلايع و هي خاربها

لأني عرفت ناس بزاااااف كنت حاسبتهم صح مديني لكن للأسف............

و رأيي خطأ يحتمل الصواب

أختي ريومــــة،،حديثي عن الحجاب الشرعي كمظهر لا كباطن،،
فذلك أمر آخر